Manushi Chhillar : विश्वसुंदरी, बॉलिवूड अभिनेत्री, मानुषी छिल्लर (Manushi Chhillar) सध्या वैयक्तिक आयुष्यामुळे चर्चेत आहे. मानुषी सध्या तिच्या अफेअरमुळे चर्चेत आली आहे. ती उद्योगपती निखिल कामतला (Nikhil Kamath) डेट करत असल्याची चर्चा आहे.
मानुषी डेट करत असलेला निखिल कामत हा भारतातील आघाडीची ब्रोकरेज कंपनी झिरोधाचा सह-संस्थापक आहे. मागील एक वर्षांपासून दोघे एकमेकांना डेट करत असल्याची चर्चा आहे. मानुषी आणि निखिल दोघांनीही त्यांच्या नात्यासंदर्भात अधिकृत घोषणा केलेली नाही. दोघांच्या कुटुंबियांमध्येही जवळचे संबंध आहेत. त्यांच्या नात्याची चर्चा रंगू नये, असं त्यांना वाटत असल्याने त्यांनी अद्याप नात्याबद्दल जाहीर केलेलं नाही असं म्हटलं जात आहे.
मानुषीला सध्या तिच्या करीअरवर लक्ष केंद्रीत करायचे आहे. मानुषीने 2022 साली बॉलिवूड अभिनेता अक्षय कुमारच्या 'सम्राट पृथ्वीराज' या सिनेमाच्या माध्यमातून बॉलिवूडमध्ये पदार्पण केलं होतं. पहिल्याच सिनेमातील मानुषीचा अभिनय प्रेक्षकांच्या पसंतीस उतरला. पण हा सिनेमा बॉक्स ऑफिसवर मात्र फ्लॉप ठरला.
निखिल कामत याआधी बंगळूरमधील उद्योजिका अमांडा पूर्वांकरासोबत लग्नबंधनात अडकला होता. 18 एप्रिल 2019 रोजी इटलीमध्ये त्यांचे लग्न झाले. पण त्यांचं नातं फार काळ टिकू शकलं नाही आणि वर्षभरातच दोघे विभक्त झाले. आता सध्या तो मानुषीला डेट करत आहे. त्यामुळे आता मानुषी त्यांच्या नात्याची अधिकृत घोषणा कधी करणार याकडे चाहत्यांचं लक्ष लागलं आहे.
मानुषी अभिनेत्री असण्यासोबत एक उत्तम मॉडेलदेखील आहे. तिने 2017 साली 'मिस वर्ल्ड'चा किताब जिंकला होता. त्यापूर्वी 2000 साली बॉलिवूड अभिनेत्री प्रियांका चोप्राने या किताबावर नाव कोरलं होतं. मानुषी तिच्या ग्सॅमरस लूकने चाहत्यांना नेहमीच घायाळ करते. सोशल मीडियावर ती चांगलीच अॅक्टिव्ह आहे. मानुषीचे अनेक प्रोजेक्ट पाईपलाईनमध्ये आहेत.
संबंधित बातम्या