Sam Bahadur Review : विकी कौशल, सामान्य दिसणारा मुलगा इतका खास होईल असं क्वचितच कुणाला वाटलं असेल आणि जेव्हा तुम्ही सॅम बहादूरला पाहता तेव्हा विकी तुम्हाला प्रत्येक फ्रेममध्ये तुमचाच वाटतो. आम्ही त्याच्यापासून नजर हटवू शकत नाही. हा एकमेव कारण तो आहे.एक प्रकारे विकीने हा चित्रपट आपल्या उत्कृष्ट अभिनयाने वाचवला आहे.
ही कथा आहे सॅम बहादूरची. जो फील्ड मार्शल झाला. .जो एक युद्धनायक होता आणि एक अप्रतिम व्यक्तिमत्व होता. त्याचे आयुष्य कसे होते, तो सैन्यात कसा आला, कुठे आणि कशी त्याची नेमणूक झाली. तो युद्धाची तयारी कशी करत असे. तो कशाप्रकारे सैन्यात उत्साह निर्माण करायचा आणि त्याने कशाप्रकारे आपलं आयुष्य सैन्यासाठी समर्पित केलं. ही सगळी गोष्ट तुम्हाला या सिनेमात पाहयला मिळते.
जेव्हा मी चित्रपटाचा ट्रेलर पाहिला तेव्हा मला वाटले की हा वर्षातील सर्वोत्कृष्ट ट्रेलर आहे. कारण तितक्या अप्रतिम प्रकारे तो घडवण्यात आला होता. विकी कौशलला बघताना फार आनंद झाला होता. .पण जेव्हा चित्रपट सुरू होतो तेव्हा अपेक्षा धुळीला मिळाल्याचे दिसतेजसा चित्रपट मध्यांतराकडे सरकतो. चित्रपटाची सुरुवात एकदम हलकी आहे. तुम्ही चित्रपटाशी कनेक्ट होऊ शकत नाही. जसा हा चित्रपट मध्यांतराकडे सरकतो तशी चित्रपटाविषयी कुतूहल देखील वाढत जातं. सेकंड हाफ चांगला आहे. त्यांच्यामुळेच तुम्ही हा चित्रपट पाहू शकता. पण या चित्रपटाला संशोधनाचा फटका बसला आहे.सॅम मानेशॉवरील हे सर्व संशोधन यूट्यूबवर आहे.
हा चित्रपट सॅमवर काही वेगळे दाखवत नाही.सॅम अनेक वादात देखील अडकले होते. ज्यावेळी त्यांनी हे जग सोडलं त्यावेळी त्यांना गार्ड ऑफ ऑनर देण्यात आला नाही. या सर्व गोष्टी या चित्रपटामध्ये चित्रपटात नमूद केल्या केल्या नाही आहेत. सॅम यांच्या निवृत्तीवर ही कथा संपून जाते. याचाच अर्थ या चित्रपटात कोणत्याही प्रकारची रिस्क घेतलेली नाही आणि इथेच तुमच्या पदरी निराशा पडते. कारण तुम्हाला इतरही वेगळी माहिती आहे. या चित्रपटाचा ट्रेलर जी काही उत्सुकता निर्माण करतं त्यातलं काहीच या चित्रपटामध्ये नाही. त्यामुळे जाता जाता तुम्हाला या चित्रपटातून एकच गोष्ट मिळते, ते म्हणजे विकी कौशलचा दमदार अभिनय.
अभिनय हा या चित्रपटाचा अतिशय महत्त्वाचा भाग आहे. हा एकमेव फार महत्त्वाचा मुद्दा या चित्रपटाशी जोडला गेलाय, असं म्हटलं तरी हरकत नाही. विकी कौशलने या चित्रपटातून अभिनयाला एका वेगळ्या उंचीवर नेऊन ठेवलं आहे. कारण या चित्रपटात तो खरच सॅम बहाद्दुर दिसतो, विकी म्हणून दिसतच नाही. सैनिकांना पाहताच तुमच्या आत थरकाप उडतो, आता ते काय करतील? जेव्हा तो कोणालाही स्वीटी म्हणतो तेव्हा तुम्ही हसता. त्याने सॅम मॅनशॉ यांची देहबोली अतिशय चपखलपणे टिपली आहे. अतिशय उत्तमरित्या त्याने संवाद म्हटले आहेत. त्याने व्यक्तिरेखेत खोलवर प्रवेश केला आहे आणि या चित्रपटाने त्याच्या अभिनयाची श्रेणी आणखी पुढे नेली आहे.
पण इथून पुढे जाण्याचा मार्ग अधिक कठीण असेल कारण आता विकी कोणतेही पात्र हलकेच वठवू शकत नाही. ही त्याच्या कारकिर्दीतील सर्वोत्तम कामगिरी आहे. तुम्ही त्याच्या नजरेत आणि अभिनयात हरवून जाता. विकीने सॅम मानेशॉच्या आयुष्यातील प्रत्येक पैलू तारुण्यापासून ते वृद्धापकाळापर्यंत परिपूर्णपणे साकारला आहे. सॅमच्या बायकोच्या भूमिकेत सान्या मल्होत्रा चांगली दिसतेय. फातिमा सना शेखने इंदिरा गांधींची भूमिका केली आहे आणि तिचं कामही चांगलं आहे पण विकी कौशल हा या चित्रपटाचा महत्त्वाचा पैलू ठरलाय.
मेघना गुलजारचे दिग्दर्शन ठीक आहे पण तिला संशोधनात त्रास झाला.तिने सॅम मनशॉ सारख्या नायकावर चित्रपट बनवण्याआधी नीट संशोधन करायला हवे होते आणि तपशीलांचा त्यात समावेश करायला हवा होता.तिच्याकडे विकीसारखा नायक होता ज्याने फार कमाल काम केलंय. तिने चित्रपटावर अधिक संशोधन केले असते तर हा एक उत्तम चित्रपट होऊ शकला असता.
चित्रपटाचे संगीत अप्रतिम आहे. तुम्ही गुलजार यांनी लिहिलेली गाणी अनुभवू शकता. शंकर महादेवन आणि बंडा यांच्या आवाजातील ग्रँट तुम्हाला उत्साहाने भरून टाकतो. एकूणच हा चित्रपट बघण्याचं सर्वात मोठं कारण म्हणजे विकी कौशल. विकीच्या कमाल अभिनयासाठी तुम्ही हा चित्रपट नक्की पाहू शकता.