Trending : सोशल मीडिया हा असा प्लॅटफोर्म आहे जिथे कोणताही व्यक्ती कुठल्याही कारणामुळे प्रसिद्धी मिळवू शकतो. गेल्या काही दिवसांपासून तुम्ही सोशल मीडियावर ऐकत असलेलं 'कच्चा बदाम' हे गाणं असो किंवा 'बचपन का प्यार', सर्वसमान्य असणारे या गाण्यांचे गायक सोशल मीडियामुळे सध्या स्टार झाले आहेत. सध्या गाण्यामुळे नाही तर फक्त एका फोटोमुळे केरळमधील(Kerala) एका तरूणीचं आयुष्य बददलं आहे. या मुलीची चर्चा सध्या सोशल मीडियावर होत आहे.
केरळमध्ये रस्त्यावर फुगे विकणारी किस्बू सध्या सोशल मीडिया स्टार झाली आहे. तिचा फुगे विकतानाचा एक फोटो सोशल मीडियावर व्हायरल झाला होता. रिपोर्टनुसार, अर्जुन कृष्णन या फोटोग्राफरनं केरळमधील अंडालूर कावु फेस्टिवलमध्ये किस्बूला पाहिलं. किस्बूला अर्जुननं मॉडेलिंग करण्यासाठी ऑफर दिली. रिपोर्टनुसार, किस्बू ही राजस्थानमधील आहे. ती केरळमध्ये फुगे विकण्याचं काम करते.
किस्बूचं अर्जुननं फोटोशूट केलं. या फोटोशूटचे फोटो अर्जुनने किस्बूच्या आईला देखील दाखवले. फोटोमधील किस्बूच्या मेकओव्हरमुळे तिची चर्चा सध्या सोशल मीडियावर होत आहे. नेटकरी तिच्या फोटोंवर लाइक्स आणि कमेंट्सचा वर्षाव करत आहेत.
संबंधित बातम्या
- Trending : तरुणीच्या गालावर 'ती' खळी नाहीच! भन्नाट आयडीया, सोशल मिडियावर ट्रोल
- आतापर्यंत तुम्ही गुलाबजाम खाल्ले आहेत, पण गुलाबजाम पराठा तुम्हाला माहित आहे का? पाहा हा व्हिडीओ
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha