Travel : Besties सोबत काहीतरी तुफानी करायचंय? भारतातील 'या' ठिकाणी टॉप रिव्हर राफ्टिंग करा, मूड फ्रेश करा..

Travel : आज आम्ही तुम्हाला भारतातील अशा काही ठिकाणांबद्दल सांगत आहोत, जिथे तुम्ही तुमच्या मित्र-मंडळीसोबत काहीतरी 'तुफानी' नक्की करू शकता. 

Travel : रोजच्या धकाधकीच्या जीवनातून थोडा ब्रेक घेऊन Best Buddies सोबत हॅंग आऊट करायला भेटलं तर जीवनात आणखी काय पाहिजे.. नाही का? अर्थातच इतर जबाबदाऱ्याही आहेत. पण आपल्या बेस्टीज सोबत विविध ठिकाण एक्सप्लोर करणं, सोबत मजा-मस्ती करणं याहून आणखी सुख ते काय असतं... म्हणूनच आज आम्ही तुम्हाला भारतातील अशा काही ठिकाणांबद्दल सांगत आहोत, जिथे तुम्ही तुमच्या मित्र-मंडळीसोबत काहीतरी 'तुफानी' नक्की करू शकता. आणि त्यात तुम्ही रिव्हर राफ्टिंगचे शौकीन असाल तर मग बातच न्यारी..! तुम्ही या ठिकाणी गेलात तर तुमचा मूड अगदी फ्रेश होऊन जाईल..

साहसप्रेमींचे रिव्हर राफ्टिंगचे स्वप्न पूर्ण होईल

उन्हाळ्याच्या ऋतूमध्ये प्रत्येकाला कुठे ना कुठेतरी बाहेर फिरावेसे वाटते. ज्यामुळे शरीराला आणि मनाला अशा दोघांना शांती, थंडावा जाणवेल. यासाठी रिव्हर राफ्टिंग हा चांगला पर्याय ठरू शकतो. भारतात अशी अनेक ठिकाणे आहेत जिथे तुम्ही रिव्हर राफ्टिंगचा आनंद घेऊ शकता. जिथे गेल्यानंतर साहसप्रेमींचे रिव्हर राफ्टिंगचे स्वप्न पूर्ण होईल. रिव्हर राफ्टिंगसाठी उन्हाळा हा सर्वोत्तम काळ मानला जातो. रिव्हर राफ्टिंग हा वॉटर स्पोर्ट्सपैकी एक आहे, ज्याला व्हाईट-वॉटर राफ्टिंग असेही म्हणतात. ज्या लोकांना साहस आवडते, त्यांनी आयुष्यात एकदा तरी रिव्हर राफ्टिंगचा आनंद घ्यावा. तुम्ही ही सुट्टी तुमच्या कुटुंबियांसोबत किंवा मित्रांसोबत घालवण्याचा विचार करत असाल तर तुम्ही नक्कीच रिव्हर राफ्टिंगचा प्रयत्न करू शकता. उन्हाळ्यात नदीच्या पाण्यात राफ्टिंगची मजा आणखीनच वाढते. भारतात अशी अनेक शहरे आहेत जी त्यांच्या रिव्हर राफ्टिंग साहसांसाठी ओळखली जातात. येथे तुम्ही तुमच्या मित्रांसोबत व्हाईट वॉटर राफ्टिंगचा आनंद घेऊ शकता. भारतातील राफ्टिंगसाठीच्या 5 लोकप्रिय ठिकाणांबद्दल जाणून घेऊया.

रिव्हर राफ्टिंगचा अद्भूत अनुभव घ्या, भारतातील 5 सर्वोत्तम ठिकाणं जाणून घ्या

कोलाड, महाराष्ट्र

मुंबई आणि पुण्याजवळ वसलेले कोलाड हे महाराष्ट्रातील प्रमुख पर्यटन स्थळांपैकी एक आहे. कोलाड हे कुंडलिका नदीवर राफ्टिंगसाठी ओळखले जाते. येथील नैसर्गिक सौंदर्य राफ्टिंगची मजा द्विगुणित करते. महाराष्ट्रात राहणारे लोक, ज्यांना रिव्हर राफ्टिंगला जायचे आहे. या ठिकाणी तुम्ही तुमची इच्छा पूर्ण करू शकता.

लडाख, जम्मू आणि काश्मीर

लडाख हे पर्वतांमध्ये वसलेले अतिशय सुंदर शहर आहे. या ठिकाणचे सौंदर्य प्रत्येकाच्या मनात घर करून आहे. लडाखमध्ये वाहणाऱ्या झांस्कर नदीवर राफ्टिंग केल्याने तुम्हाला एक अद्भुत अनुभव मिळू शकतो. येथील सुंदर घाट आणि थंड पाण्याच्या नदीत राफ्टिंग करणे आव्हानात्मक आणि थरारक आहे.

कुल्लू-मनाली, हिमाचल प्रदेश

कुल्लू-मनाली हे हिमाचल प्रदेशातील प्रसिद्ध पर्यटन स्थळांपैकी एक आहे. दरवर्षी अनेक लोक उन्हाळ्याची सुट्टी घालवण्यासाठी येथे जातात. तसेच, येथील दृश्यांचा भरपूर आनंद घ्या. इथून वाहणाऱ्या बियास नदीवर राफ्टिंग केल्याने एक अद्भुत अनुभव येतो. येथील सुंदर पर्वतीय दृश्ये आणि वेगाने वाहणारी नदी राफ्टिंगची मजा द्विगुणित करते.

कुर्ग, कर्नाटक

कुर्ग हे हिमाचल प्रदेशातील अतिशय सुंदर शहर आहे. हे ठिकाण कॉफीच्या मळ्यासाठी ओळखले जाते. येथील बारापोळ नदीवर राफ्टिंग केल्याने एक थरारक अनुभव येतो. ढगांनी झाकलेल्या पर्वतांमध्ये राफ्टिंग केल्याने तुम्हाला निसर्गाचे सौंदर्य पाहण्याची संधी मिळते.

दार्जिलिंग, पश्चिम बंगाल

पश्चिम बंगालमध्ये वसलेले दार्जिलिंग शहर चहाच्या बागांसाठी ओळखले जाते. येथील तिस्ता आणि रंगीत नद्यांवर राफ्टिंग हा निसर्गप्रेमी आणि साहसी प्रेमींसाठी उत्तम पर्याय आहे. राफ्टिंग दरम्यान तुम्ही हिरवीगार जंगले आणि पर्वतांचा आनंद घेऊ शकता.

 

ऋषिकेश, उत्तराखंड

ऋषिकेश हे गंगा नदीच्या काठावर वसलेले एक सुंदर शहर आहे. रिव्हर राफ्टिंगची राजधानी म्हणूनही ऋषिकेश ओळखले जाते. दरवर्षी अनेक पर्यटक येथे येतात ज्यांना गंगा नदीवर हा खेळ वापरायचा असतो. येथे राफ्टिंग करताना तुम्ही वेगवेगळ्या रॅपिड्सचा सामना करू शकता. हे ठिकाण केवळ रोमहर्षकच नाही तर नैसर्गिक सौंदर्यानेही परिपूर्ण आहे.

 

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )