Travel : सुख आणखी काय असतं..! निसर्गाच्या कुशीत लपलेली महाराष्ट्रातील 'ही' सुंदर तलावं, तणाव होईल दूर, जेव्हा इथे भेट द्याल
Travel : सुख आणखी काय असतं..! निसर्गाच्या कुशीत लपलेली महाराष्ट्रातील 'ही' सुंदर तलावं, तणाव होईल दूर, जेव्हा इथे भेट द्याल
ज्योती देवरे Updated at:
10 May 2024 10:39 AM (IST)
Travel : आज आम्ही तुम्हाला महाराष्ट्रातील अशाच काही तलावांबद्दल सांगणार आहोत, जिथे तुम्ही तुमचं कुटुंब, मित्र किंवा जोडीदारासोबत उन्हाळ्यात सुखाची अनुभूती अनुभवू शकता.
Travel lifestyle marathi news beautiful lake in Maharashtra
Travel: अनेकदा असे होते, जेव्हा माणूस करिअर, स्वत:ची स्वप्नं पूर्ण करण्यासाठी सारखा धावत असतो, पण कधीतरी त्याला या ताणतणावाच्या जीवनाचा कंटाळा येतो. एक वेळ अशी येते , जेव्हा त्याला हवे असतात सुख, शांतता आणि समाधानाचे दोन क्षण.. त्यासाठी निसर्गाच्या सानिध्यात जाण्याचा प्रयत्न करतो. जेणेकरून त्याला सुखाची अनुभूती मिळेल. आज आम्ही तुम्हाला महाराष्ट्रातील अशाच काही तलावांबद्दल सांगणार आहोत, जिथे तुम्ही तुमचं कुटुंब, मित्र किंवा जोडीदारासोबत उन्हाळ्यात सुखाची अनुभूती अनुभवू शकता.
उन्हाळ्यात येथे भेट देण्याचा एकच आनंद
महाराष्ट्र हे देशातील प्रमुख राज्य आहे. मुंबईपासून नाशिकपर्यंत आणि नागपूरपासून महाबळेश्वरपर्यंत असे अनेक तलाव आहेत, जिथे उन्हाळ्यात भेट देण्याचा आनंद वेगळाच असतो. हे सुंदर राज्य देशभरात 'गेटवे ऑफ द हार्ट ऑफ इंडिया' म्हणूनही ओळखले जाते. इथले किल्ले, इमारती, मंदिरे, गुहा आणि अनेक अद्भुत आणि नैसर्गिक पर्यटन स्थळे यासारख्या अमर्याद आकर्षणांसाठी महाराष्ट्र जगभरात प्रसिद्ध आहे. या सर्व गोष्टी या राज्याला विशेष बनवतात, आणि या अदभूत गोष्टी पाहण्यासाठी दररोज हजारो देशी-विदेशी पर्यटक येतात. ज्याप्रमाणे येथे असलेल्या गोष्टी महाराष्ट्राच्या सौंदर्यात भर घालतात, त्याचप्रमाणे येथे निसर्गाच्या कुशीत लपलेले काही तलाव देखील आहेत. या तलावांचे सौंदर्य पाहण्यासाठी दररोज हजारो पर्यटक येतात.
वेण्णा तलाव
महाराष्ट्रातील सर्वात प्रसिद्ध आणि सर्वात सुंदर तलावांचा विचार केल्यास, वेण्णा तलावाचे नाव निश्चितपणे प्रथम समाविष्ट केले जाते. हा सुंदर तलाव महाराष्ट्रातील महाबळेश्वर येथे आहे. तुमच्या माहितीसाठी आम्ही तुम्हाला सांगतो की महाबळेश्वरला महाराष्ट्रातील हिल स्टेशन्सचा राजा देखील म्हटले जाते. वेण्णा तलाव हे सुमारे 28 एकरांवर पसरलेले सुंदर आणि मनमोहक तलाव आहे. या तलावाबद्दल असे म्हटले जाते की सुरुवातीला शहराच्या आसपासच्या भागात पाणीपुरवठा करण्यासाठी हे तलाव बांधण्यात आले होते, परंतु हळूहळू ते लोकांच्या आकर्षणाचे केंद्र बनले आणि नंतर ते एक पर्यटन स्थळ बनले. या तलावाच्या सभोवतालची हिरवळ उन्हाळ्यातही थंड होण्याचे काम करते.
पवई तलाव
पवई तलाव हे महाराष्ट्रातील सर्वात सुंदर आणि लोकप्रिय तलावांपैकी एक आहे. हे सुंदर तलाव मायानगरी म्हणजेच मुंबईत वसलेले आहे. हा तलाव इतका लोकप्रिय आहे की हिवाळा आणि पावसाळ्याव्यतिरिक्त उन्हाळ्यातही हजारो पर्यटक येथे भेट देण्यासाठी येतात. पवई तलाव हे एक कृत्रिम तलाव आहे. मिठी नदीवर 1891 मध्ये बांधलेल्या दोन धरणांमुळे हा तलाव तयार झाल्याचे म्हटले जाते. याला मुंबईतील सर्वात मोठे तलाव असेही म्हणतात. पवई तलावाच्या सभोवतालची गवताळ प्रदेश आणि हिरवळ त्याच्या सौंदर्यात भर घालते. पावसाळ्यात या तलावाचे सौंदर्य शिखरावर असते.
अंबाझरी तलाव
नागपूर हे संत्र्यासाठी जगभर प्रसिद्ध असले तरी अंबाझरी तलावानेही या शहराच्या सौंदर्यात भर घातली आहे. नागपूरच्या दक्षिण-पश्चिम सीमेजवळ हे वसलेले आहे, येथे दररोज हजारो पर्यटक भेट देतात. नागपुरात सुमारे 11 तलाव आहेत, त्यापैकी हे एक आहे. अंबाझरी तलाव हा 11 तलावांपैकी सर्वात मोठा तलाव मानला जातो. नागपूरची नाग नदी याच तलावातून उगम पावते असे म्हणतात. या तलावाभोवतीचे शांत वातावरण आणि हिरवळ पर्यटकांना खूप आकर्षित करते. उन्हाळ्याच्या काळातही येथे दररोज डझनभर पर्यटक येतात.
लोणार सरोवर
लोणार सरोवराची माहिती क्वचितच एखाद्या प्रवाशाला असेल. तुम्हाला माहिती नसेल तर आम्ही तुम्हाला सांगतो की लोणार सरोवर हे जगप्रसिद्ध सरोवर आहे. महाराष्ट्रातील बुलढाणा जिल्ह्यात असलेला हा तलाव 5 हजार वर्षांहून जुना मानला जातो. या सरोवराविषयी असे म्हटले जाते की, हे एका उल्कापिंडाच्या पृथ्वीशी टक्कर झाल्यामुळे तयार झाले. लोणार सरोवराबाबत अनेकदा असे म्हटले जाते की, हे देशातील एकमेव असे सरोवर आहे जे सतत आपला रंग बदलत असते. कधी गुलाबी तर कधी निळा दिसतो. तलावाच्या आजूबाजूला असलेले पर्वत आणि गवताळ प्रदेश त्याच्या सौंदर्यात भर घालतात, त्यामुळे येथे पर्यटक सतत येत असतात.