Travel : पती-पत्नीत सुरू असलेले वाद क्षणात संपतील! जेव्हा 'या' सर्वात रोमॅंटिक ठिकाणांना भेट द्याल, एकदा प्लॅन कराच..
Travel : जर तुमचे लग्न होऊन बराच काळ झाला असेल आणि तुमच्यामध्ये खूप भांडणे होत असतील तर याचे सर्वात मोठे कारण म्हणजे तुम्ही तुमच्या जोडीदाराला वेळ देत नाही.
Travel : ते म्हणतात ना.. जिथे प्रेम असते, तिथे छोटी-मोठी भांडणं ही होणारच.. जो आपल्या जोडीदाराला समजून घेऊन परिस्थिती सांभाळतो, त्याचं नातं दीर्घकाळ टिकतं. त्यामुळे जोडप्यांमध्ये भांडणे होणे ही काही मोठी गोष्ट नाही. कारण असे कोणतेही नातं नाही, ज्यामध्ये संघर्ष नाही. पण नात्याला महत्त्व देऊन तुम्ही भांडण कसे संपवता हे महत्त्वाचे आहे. जर तुम्ही तुमच्या नात्यातील वाढत्या अंतराकडे वेळीच लक्ष दिले नाही, तर हे मतभेद भविष्यात नात्यात आणखी दुरावा निर्माण करतील. या कारणांमुळे घटस्फोट, मारामारी यासारखे प्रसंग उद्भवतात. त्यामुळे नातं नवीन असो वा जुनं, ते सुरक्षित ठेवण्यासाठी आणि प्रेम टिकवण्यासाठी तुम्ही तुमच्या जोडीदाराला खास वाटणं महत्त्वाचं आहे. यासाठी तुम्ही त्यांच्यासोबत रोमँटिक ट्रिप प्लॅन करू शकता. आजच्या लेखात आम्ही तुम्हाला भारतातील काही रोमँटिक ठिकाणांबद्दल सविस्तर माहिती देणार आहोत.
अराकू व्हॅली, आंध्र प्रदेश
आंध्र काश्मीरमधील अराकू व्हॅली पावसाळ्यात स्वर्गासारखी वाटते. हे ठिकाण पावसाळ्यात आणि हिवाळ्यात भेट देण्यासाठी सर्वोत्तम मानले जाते. जर तुम्हाला तुमच्या जोडीदारासोबत काही रोमँटिक ठिकाणी जायचे असेल तर तुम्ही या सुंदर हिल स्टेशनवर जाऊ शकता. ही दरी अल्लुरी सीताराम राजू जिल्ह्यात वसलेली आहे. हे ठिकाण अराकू कॉफीसाठीही ओळखले जाते. अराकू व्हॅलीची सर्वात खास गोष्ट म्हणजे येथे तुम्हाला स्वस्त हॉटेल्स देखील मिळतील.
नैनीताल, उत्तराखंड
जोडीदारासोबतच्या नात्यात गोडवा आणायचा असेल तर हे ठिकाण जोडप्यांसाठीही उत्तम आहे. हे रोमँटिक डेस्टिनेशन म्हणूनही ओळखले जाते. इथे तुम्हाला बहुतेक जोडपी फिरताना दिसतील. हे ठिकाण समुद्रसपाटीपासून 2 हजार मीटर उंचीवर आहे. पावसाळ्यात सुंदर तलाव आणि हिरव्यागार पर्वतांनी वेढलेले हे ठिकाण प्रत्येकाला आवडते. तुम्ही तुमच्या जोडीदारासोबत फक्त रु. 15,000 मध्ये 2 दिवसांच्या सहलीची योजना करू शकता.
मुन्नार, केरळ
जर तुम्हाला पावसाळ्यात पृथ्वीवरील स्वर्ग पाहायचा असेल, तर तुम्ही केरळमधील मुन्नारला जाण्याचा प्लॅन करू शकता. मुन्नार हे केरळमधील इडुक्की जिल्ह्यातील सर्वात प्रसिद्ध हिल स्टेशन आहे. हे ठिकाण भारतातील चांगल्या हनिमून ठिकाणांसाठीही ओळखले जाते. पश्चिम घाटात स्थित असल्याने, तुम्हाला मुन्नारमध्ये चांगली दृश्ये पाहायला मिळतील. हे ठिकाण कॉफी आणि चहाचे मळे म्हणूनही ओळखले जाते.
हेही वाचा>>>
Travel : जोडप्यांसाठी खास मानली जातात भारतातील 'ही' शिव मंदिरं! लग्नाशी संबंधित दोष होतात दूर? काय आहे भाविकांची श्रद्धा?
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )
महत्त्वाच्या बातम्या
