Navratri 2023 : यंदाची नवरात्र (Navratri 2023) अनेक शुभ योगायोग घेऊन येत आहे. शारदीय नवरात्रीबरोबरच (Shardiya Navratri 2023) खरेदी आणि गुंतवणुकीसाठी देखील शुभ मुहूर्त सुरू होतो. 15 ऑक्टोबर ते 23 ऑक्टोबर या कालावधीत नवरात्रीच्या काळात असे शुभ योग बनत आहेत, ज्यामध्ये तुम्ही मालमत्ता, दागिने, वाहन आणि इलेक्ट्रॉनिक वस्तू खरेदी करणे शुभ राहणार आहे.
नवरात्री सुख आणि समृद्धीचे प्रतीक
पितृपक्षानंतर दुर्गा मातेचे आगमन दुःखापासून मुक्ती दर्शवते. हे सुख आणि समृद्धीचे प्रतीक आहे. ज्योतिषांच्या मते, यंदा रविवारी नवरात्री सुरू होणार असल्याने देवी हत्तीवर स्वार होऊन येणार आहे. हत्तीचा संबंध विघ्नहर्ता गणेश आणि देवी महालक्ष्मी यांच्याशीही आहे. यामुळे या दिवसांत केलेली खरेदी शुभ राहील, तसेच या काळात केलेली गुंतवणूक दीर्घकाळ लाभदायक ठरेल.15 ऑक्टोबर ते 23 ऑक्टोबर या कालावधीत सर्वार्थसिद्धी, राजयोग, त्रिपुष्कर, अमृतसिद्धी आणि रवियोग तिथी, वार आणि नक्षत्र एकत्र करून तयार होत आहेत. या शुभ संयोगांमुळे सुख-समृद्धी वाढते.
शुभ मुहुर्तावर आवडत्या वस्तूंची खरेदी करा
विशेष योग जुळून येत असताना दागिने, नवीन मालमत्ता खरेदी करणे किंवा फ्लॅट बुक करणे फायदेशीर ठरेल. याशिवाय नवीन कामे सुरू करण्यातही यश मिळेल. कार, सोने, चांदी, कपडे, भांडी यांची खरेदी शुभ राहील. दागिने, कार, जमीन, इमारत, फ्रीज, टीव्ही इत्यादी घरगुती वस्तू खरेदी करणे शुभ ठरेल. या काळात तुमच्या आवडत्या वस्तूंची खरेदी करून तुम्ही तुमच्या घरात आनंद आणू शकता.
नवरात्रीमध्ये खरेदी आणि गुंतवणुकीसाठी 9 शुभ मुहूर्त
ज्योतिषांच्या मते, 15 ऑक्टोबरचे ग्रह आणि नक्षत्र हर्ष, शंख, भद्र, पर्वत, शुभकार्तरी, उभयचारी, सुमुख, गजकेसरी आणि पद्म असे योग तयार करत आहेत. त्याचबरोबर 23 तारखेपर्यंत चालणाऱ्या नवरात्रीत पद्म, बुद्धादित्य, प्रीती आणि आयुष्मान योगासह 3 सर्वार्थसिद्धी, 3 रवियोग आणि 1 त्रिपुष्कर योग होणार आहे. तर दसरा हा एक साडेतीन मुहुर्तापैकी एक आहे. अशाप्रकारे 23 ऑक्टोबरपर्यंत सर्व प्रकारच्या खरेदीसाठी, रिअल इस्टेटमध्ये गुंतवणूक करण्यासाठी आणि नवीन कामांची सुरुवात करण्यासाठी 9 दिवस अतिशय शुभ राहतील.
यंदा नवरात्रीची सुरुवात नऊ शुभ योगांमध्ये
ज्योतिषांच्या मते, यंदा नवरात्रीची सुरुवात नऊ शुभ योगांमध्ये होत आहे. अशी ताऱ्यांची स्थिती गेल्या 400 वर्षांत झालेली नाही. यावेळी नवरात्रीचा प्रत्येक दिवस शुभ असेल. या दिवसांमध्ये मालमत्ता खरेदी करण्यापासून नवीन व्यवसाय सुरू करण्यापर्यंत प्रत्येक शुभ काळ असेल. या दिवसांमध्ये केवळ पूजाच केली जात नाही, तर नवीन सुरुवात आणि खरेदीसाठीही हे दिवस अतिशय शुभ आहेत. 15 ऑक्टोबरपासून सुरू होणारी नवरात्री अखंडित राहील. अशाप्रकारे हा नवरात्रौत्सव नऊ दिवस चालतो हा एक शुभ योगायोग आहे.
ज्योतिषांच्या मते नवरात्रीत कोणते योग तयार होतात? जाणून घ्या
15 ऑक्टोबर - पद्म आणि बुद्धादित्य योग
16 ऑक्टोबर - छत्रयोग, स्वाती नक्षत्र आणि भाद्रा तिथीचा योगायोग.
17 ऑक्टोबर - प्रीती, आयुष्मान आणि श्रीवत्स योग
18 ऑक्टोबर - सर्वार्थसिद्धी आणि अमृतसिद्धी योग
19 ऑक्टोबर - ज्येष्ठ नक्षत्र आणि पूर्णा तिथीचा योगायोग
20 ऑक्टोबर - रवि योग, षष्ठीतिथी आणि मूल नक्षत्राचा योगायोग
21 ऑक्टोबर - त्रिपुष्कर योग
22 ऑक्टोबर - सर्वार्थसिद्धी आणि रवियोग
23 ऑक्टोबर - सर्वार्थसिद्धी आणि रवियोग
देवी दुर्गा हत्तीवर स्वार होऊन येईल
ज्योतिषांच्या मते, नवरात्रीच्या काळात मातेच्या वाहनाला विशेष महत्त्व असते. देवी माता हत्तीवर स्वार होऊन पृथ्वीवर येत आहे. हत्तीवरून मातेचे आगमन झाल्याने यंदा चांगला पाऊस होणार असून शेतीही चांगली होणार असल्याचे संकेत मिळत आहेत. देशातील अन्नधान्याचा साठा वाढेल. या वेळी रविवारी नवरात्र सुरू होत असताना, देवी हत्तीवर स्वार होऊन येईल, हे सुख-समृद्धीचे लक्षण आहे. सोमवार, 23 ऑक्टोबर हा नवरात्रीचा शेवटचा दिवस असेल. या दिवशी सर्वार्थ सिद्धी आणि रवि योग तयार झाल्यामुळे देवीचा निरोपही शुभ होईल.
घटस्थापनेसाठी शुभ मुहूर्त
ज्योतिषांच्या मते, पंचांगानुसार, शारदीय नवरात्रीच्या प्रतिपदा तिथीला घटस्थापनेसाठी शुभ मुहूर्त म्हणजे 15 ऑक्टोबर रोजी सकाळी 11:48 ते दुपारी 12:36 पर्यंत आहे. अशा स्थितीत या वर्षी कलश स्थापनेचा शुभ मुहूर्त फक्त 48 मिनिटांचा राहणार आहे.
घटस्थापना तारीख : रविवार 15 ऑक्टोबर 2023
घटस्थापना मुहूर्त : सकाळी 06:30 ते 08:47
अभिजित मुहूर्त : सकाळी 11:48 ते दुपारी 12:36 पर्यंत
शारदीय नवरात्रीच्या तारखा
15 ऑक्टोबर 2023 - देवी शैलपुत्री (पहिला दिवस) प्रतिपदा तिथी
16 ऑक्टोबर 2023 - देवी ब्रह्मचारिणी (दुसरा दिवस) द्वितीया तिथी
17 ऑक्टोबर 2023 - देवी चंद्रघंटा (तिसरा दिवस) तृतीया तिथी
18 ऑक्टोबर 2023 - देवी कुष्मांडा (चतुर्थी दिवस) चतुर्थी तिथी
19 ऑक्टोबर 2023 - देवी स्कंदमाता (पाचवा दिवस) पंचमी तिथी
20 ऑक्टोबर 2023 - देवी कात्यायनी (सहावा दिवस) षष्ठी तिथी
21 ऑक्टोबर 2023 - देवी कालरात्री (सातवा दिवस) सप्तमी तिथी
22 ऑक्टोबर 2023 - देवी महागौरी (आठवा दिवस) दुर्गा अष्टमी
23 ऑक्टोबर 2023 - महानवमी, (नववा दिवस) शारदीय नवरात्रीचा उपवास.
24 ऑक्टोबर 2023 - देवी दुर्गा मूर्तीचे विसर्जन, दशमी तिथी (दसरा)
मुलींची आणि देवीच्या शस्त्रांची पूजा
ज्योतिषाने सांगितले की, अष्टमीला मातृशक्तीची विविध प्रकारे पूजा करा. या दिवशी देवीच्या शस्त्रांची पूजा करावी. या तिथीला विविध प्रकारे पूजा करून देवीला प्रसन्न करण्यासाठी विशेष नैवेद्य देऊन हवन करावे. यासोबतच 9 मुलींना देवी मानून त्यांना अन्नदान करावे. दुर्गाष्टमीला दुर्गा मातेला विशेष प्रसाद द्यावा. पूजेनंतर रात्री जागरण करून भजन, कीर्तन, नृत्य आदींनी उत्सव साजरा करावा.
प्रत्येक वयोगटातील मुलींना वेगळे महत्त्व
ज्योतिषाने सांगितले की 2 वर्षाच्या मुलीला कुमारी म्हणतात. त्यांच्या उपासनेने दुःख आणि दारिद्र्य नाहीसे होते.
3 वर्षांची मुलगी त्रिमूर्ती मानली जाते. त्रिमूर्तीच्या पूजेने कुटुंबात संपत्ती आणि समृद्धी येते.
4 वर्षांची मुलगी कल्याणी मानली जाते. त्यांची पूजा केल्याने सुख-समृद्धी मिळते.
5 वर्षांची मुलगी रोहिणी मानली जाते. त्यांची पूजा केल्याने रोगांपासून मुक्ती मिळते.
6 वर्षांची मुलगी कालिका मानली जाते. त्यांची पूजा केल्याने ज्ञान आणि राजयोग प्राप्त होतो.
7 वर्षांची मुलगी चंडिका मानली जाते. त्यांची पूजा केल्याने समृद्धी प्राप्त होते.
8 वर्षाच्या मुलीचे नाव शांभवी मानली जाते. त्यांची पूजा केल्याने प्रसिद्धी मिळते.
9 वर्षांच्या मुलीला दुर्गा मानली जाते. त्यांची पूजा केल्याने शत्रूंचा पराभव होतो आणि अशक्य कामे पूर्ण होतात.
10 वर्षांची मुलगी सुभद्रा मानली जाते. सुभद्राची पूजा केल्याने मनोकामना पूर्ण होतात आणि सुखाची प्राप्ती होते.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
महत्त्वाच्या बातम्या