Relationship Tips : अनेकजण आपलं नातं आनंदी ठेवण्यासाठी अनेक गोष्टी करत असतात, परंतु तुम्ही तुमच्या अशा सवयींकडे कधीही लक्ष देत नाही. ज्या कधीकधी इतरांना त्रास देऊ शकतात आणि यामुळे संबंध बिघडू लागतात. तुमच्या या सवयी केवळ वैवाहिक जीवनासाठीच नव्हे तर व्यावसायिक जीवनासाठीही धोकादायक आहेत. आपण आपल्या दैनंदिन जीवनात बऱ्याच गोष्टी करतो, ज्या आपल्याला सामान्य वाटतात, परंतु कधीकधी ते समोरच्या व्यक्तीला त्रास देऊ शकतात. या छोट्या-छोट्या गोष्टी आणि सवयी सर्वांशी तुमचे नाते बिघडवू शकतात, मग ते वैवाहिक जीवन असो किंवा शेजाऱ्यांसोबतचे वागणे असो किंवा ऑफिसमधील सहकाऱ्यांशी संबंध असो, त्यामुळे जर तुमच्याही अशा सवयी असतील तर त्याकडे दुर्लक्ष करू नका.
जोडीदारासोबत असे वागू नका
समोरच्या व्यक्तीचे बोलणे संपण्यापूर्वी तुमचे संभाषण सुरू करणे आणि बोलणे सुरू ठेवणे
प्रत्येक बाबतीत समोरच्या व्यक्तीचे दोष शोधणे आणि स्वतःला हुशार सिद्ध करण्याचा प्रयत्न करणे.
नेहमी उद्धटपणे बोलणे आणि रागाच्या भरात जोडीदाराशी अपशब्द वापरणे.
तुमच्या जोडीदाराच्या जीवनशैलीवर प्रश्नचिन्ह निर्माण करणे आणि त्यात सुधारणा करण्याचा प्रयत्न करणे.
रात्री उशिरापर्यंत वैयक्तिक गोष्टींवरून भांडणे, आरडाओरडा करणे, स्वत:सह इतरांचीही झोप खराब करणे.
तुमचा पार्टनर मेसेज किंवा कॉलला प्रतिसाद देत नाही आणि पुन्हा पुन्हा कॉल करतो तेव्हा नाराज होणे.
शेजाऱ्यांशी असे वागू नका
न कळवता अचानक कोणाच्या तरी घरी पोहोचणे, कोणतेही काम न करता तासनतास तिथे बसणे.
पाहुणे घरी आल्यावर त्यांच्याशी बोलण्याऐवजी फोनवर बोलणे किंवा इतर कामात व्यस्त असणे.
तुमच्या शेजाऱ्याचे वर्तमानपत्र न मागता उचलणे आणि ते कधीही परत न करणे.
शेजारच्या कोणाची परीक्षा असेल किंवा वृद्ध व्यक्ती आजारी असेल तेव्हा मुद्दाम मोठमोठे संगीत वाजवणे, मोठ्याने बोलणे, आवाज करणे इ.
पान मसाला किंवा गुटखा खाल्ल्यानंतर पायऱ्यांवर थुंकणे आणि भांडणासाठी तयार होणे.
कार्यालयीन सहकाऱ्यांशी असे वागू नका
पहिल्याच भेटीत कुणाचा धर्म, जात, समाज याची चौकशी करणे.
ऑफिसमध्ये काम करण्याऐवजी इतरांच्या गप्पांकडे जास्त लक्ष देणे.
घरी सदस्याचे आजारपणाचे कारण सांगून कार्यालयात उशिरा पोहोचणे किंवा भेटणे.
मर्यादी तोडून सार्वजनिक ठिकाणी पुढे जाणे.
सहकाऱ्यांकडून कर्ज मागणे आणि वेळेवर परत न करणे.
कोणत्याही कारणाशिवाय आपल्या सहकाऱ्यांच्या फोन किंवा लॅपटॉपमध्ये डोकावणे.
हेही वाचा>>>
Relationship Tips : जोडीदाराला नेहमीच महागडं गिफ्ट, शॉपिंगची गरज नसते, एकदा 'या' गोष्टी सुद्धा करून पाहा, प्रेम आणखी वाढेल
(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )