Relationship Tips : प्रेम असो...नेतृत्व असो किंवा नातेसंबंध..! भगवान श्रीकृष्णाकडून शिका जीवनाचे महत्त्वाचे धडे, यश येईल चालून

Relationship Tips : भगवान श्रीकृष्णाकडून शिका जीवन आणि नातेसंबंधांचे धडे, प्रेम असो किंवा नेतृत्वाची भूमिका असो, कृष्णाच्या मार्गावर चालल्याने तुम्हाला यश मिळेल.

Relationship Tips : आज श्रीकृष्णजन्माष्टमी आहे. धार्मिक मान्यतेनुसार आजच्या दिवशी रात्री 12 वाजता भगवान श्रीकृष्णाचा जन्म झाला. भाविक या दिवसाची आतुरतेने वाट पाहतात. भगवान श्रीकृष्णाच्या व्यक्तिमत्त्वाला अनेक पैलू आहेत. त्यांचा संपूर्ण जीवन प्रवास आणि त्यांचे नाते आपल्याला जीवनाचे अनेक महत्त्वाचे धडे शिकवतात. त्यांच्या नातेसंबंधातून आपल्याला प्रेम, विश्वास, सहकार्य, मार्गदर्शन आणि क्षमाशीलतेचे महत्त्व कळते. भगवान कृष्णांनी आपल्या जीवनातील नातेसंबंधांमध्ये विविध भूमिका बजावल्या, तसेच जीवनाचे महत्त्वाचे धडे शिकवले. आज आपण कृष्णांनी शिकवलेल्या नातेसंबंधाचे असेच काही धडे जाणून घेणार आहोत.

 

कृष्णाच्या जीवनात नातेसंबंधांना सर्वात जास्त महत्त्व

भगवान श्रीकृष्णाचे जीवन आपल्याला नातेसंबंध कसे टिकवायचे हे शिकवते. त्याचं संपूर्ण आयुष्यही नात्यांभोवतीच फिरताना दिसतं. ज्यांना त्याने मनापासून आपले मानले, त्यांना त्याने कधीही सोडले नाही. महाभारतानुसार श्रीकृष्ण अर्जुनाला तरुणपणी भेटले होता. मात्र अर्जुनसोबतचे त्यांचे नाते कायम राहिले. सुदामा असो वा उद्धव असो की द्रौपदी, एकदा कृष्णाने एखाद्याला स्वतःचे म्हणून स्वीकारले, तर त्यांच्यापासून त्या व्यक्तीला कोणीही हिरावू शकत नाही, कृष्णाने नात्यासाठी अनेक लढाया लढल्या आणि अनेक लढायाही जिंकल्या. हा भगवान श्रीकृष्णाचा संदेश आहे की, नातेसंबंध हे सांसारिक माणसाची सर्वात मोठी संपत्ती आहे. जर कोणाला नात्यांचे ज्ञान नसेल तर ती व्यक्ती जगासाठी अनावश्यक असते. त्यामुळे तुमची नाती मनापासून जगा.

 

राधा-कृष्णाची जोडी प्रेमाचे अनोखे उदाहरण

राधा आणि कृष्णाची प्रेमकथा हे जगासाठी अद्वितीय उदाहरण आहे, जे आपल्याला खऱ्या प्रेमाची व्याख्या शिकवते. राधा कृष्णापेक्षा वयाने मोठी होती आणि तिने दुसऱ्या व्यक्तीशी लग्न केल्याचा उल्लेख आहे, परंतु तरीही त्यांचे प्रेम अमर राहिले. कृष्णाला 16 हजारांहून अधिक बायका होत्या, पण राधासोबतचे त्याचे प्रेम वेगळे होते. त्यांच्या प्रेमात कोणतेही बंधन नव्हते, मत्सर, अपेक्षा नव्हती. ते एक बिनशर्त प्रेम होते, ज्यात कोणाकडूनही अपेक्षा नव्हती. कोणीही त्यांच्या प्रेमावर प्रश्नचिन्ह उपस्थित केले नाही, उलट ते एक उदाहरण बनले आहे, जे आपल्याला खरे प्रेम काय आहे हे शिकवते. राधा आणि कृष्णाची प्रेमकथा आपल्याला शिकवते की, खरे प्रेम हे कोणत्याही अटीशिवाय, कोणत्याही मत्सरशिवाय आणि कोणत्याही अपेक्षाशिवाय असते. हे असे प्रेम आहे जे कोणाकडून काहीही अपेक्षा करत नाही आणि कोणाला दुखवत नाही.

मैत्रीत समानतेची भावना असावी, उच्च-नीच भेद नसावा.

श्रीकृष्ण आणि सुदामा यांच्यातील मैत्रीची कहाणी देखील एक उत्तम उदाहरण आहे, जी आपल्याला खऱ्या मैत्रीचा अर्थ शिकवते. दोघेही बालपणीचे मित्र होते. महर्षी सांदीपनी यांच्या आश्रमात एकत्र शिकले होते. नंतर ते आपापल्या मार्गाने गेले आणि जीवनात व्यस्त झाले. सुदामा अत्यंत गरिबीत जगत असताना श्रीकृष्ण द्वारकेचा राजा झाला. एके दिवशी सुदामा आपला प्रिय मित्र श्रीकृष्णाला भेटण्यासाठी द्वारकेला पोहोचला. श्रीकृष्णाने स्वतः सुदामाचे स्वागत केले आणि मित्राच्या जीवनातील सर्व अडचणी दूर केल्या.

इतरांचा विचार करणे महत्त्वाचे

कृष्णाच्या जीवनातून आपल्याला हा धडा मिळतो की खरा नेता बनण्यासाठी आपण स्वतःचा विचार करण्याऐवजी इतरांना पुढे जाण्याची संधी दिली पाहिजे. कृष्णाने आपल्या आयुष्यात कधीही कोणाचा हक्क हिरावून घेतला नाही किंवा स्वतःला सर्वोच्च बनवले नाही. त्यांनी नेहमी इतरांना महत्त्व दिले आणि मागे राहून त्यांना मदत केली. महाभारत युद्धातही कृष्णाने पांडवांना आपल्या रणनीतीने आणि सल्ल्याने मदत केली, पण विजयाचे श्रेय त्यांनी कधीच घेतले नाही. यावरून त्याची खरी नेतृत्व क्षमता दिसून येते. म्हणून कृष्णाच्या जीवनातून आपण शिकले पाहिजे की, खरा नेता बनण्यासाठी स्वतःचा विचार करण्याऐवजी इतरांना पुढे जाण्याची संधी दिली पाहिजे आणि त्यांना मदत केली पाहिजे.

बदलण्याची क्षमता

भगवान कृष्णाची विविध रूपं आपल्याला त्यांची विविधता आणि सर्वशक्तिमानता दर्शवतात. गोपींसोबत प्रेमसंबंध ठेवतो, आपल्या सहकारी गोपाळांसोबत खेळात भाग घेतो, कुरुक्षेत्राच्या रणांगणात गीतेच्या ज्ञानाचा उपदेशक बनतो, पापी कंसाचा वध करण्यासाठी वीर बनतो, यदु वंशाचा बचाव करण्यासाठी द्वारकेला युद्ध सोडतो. माता यशोदेसाठी तो नेहमीच तिचा प्रिय माखनचोर लल्ला असतात. श्रीकृष्णाची ही विविधता आपल्याला शिकवते की जीवनातील वेगवेगळ्या परिस्थितींमध्ये आपल्याला विविध रूपांशी जुळवून घ्यावे लागते. परिस्थितीनुसार स्वतःमध्ये बदल करून गुण विकसित करावे लागतात. श्रीकृष्णाचे कार्य आपल्याला शिकवतात की, जीवनात आपल्याला विविधतेचा स्वीकार करून स्वतःचा विकास करावा लागतो.

 

 

 

 

हेही वाचा>>>

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )