World Health Day 2022 : हृदयविकाराचा झटका ही अशी समस्या आहे, जी एकेकाळी 60 वर्षांपेक्षा जास्त वयाच्या लोकांसाठी एक आजार मानली जात होती. मात्र आता 25 ते 30 वयोगटातील तरुणांनाही हृदयविकाराच्या झटक्याचा सामना करावा लागत आहे. खेदाची बाब म्हणजे यातील बहुतांश हृदयविकाराच्या घटनांमध्ये तरुणांना आपला जीव गमवावा लागतो. म्हणूनच हृदयविकाराचा झटका येण्यापूर्वी कोणत्या प्रकारची लक्षणे दिसतात आणि झटका आल्यानंतर लगेच काय केले पाहिजे हे आपल्या सर्वांना माहित असले पाहिजे.


हृदयविकाराची कारणं : 



  • हृदयाच्या एका भागाला होणारा रक्तपुरवठा खंडित झाल्यास किंवा या भागाला पुरेसे रक्त न मिळाल्यास हृदयविकाराची समस्या उद्भवते. 

  • जेव्हा रक्तप्रवाह बराच काळ खंडित होतो तेव्हा हृदयाच्या स्नायूंना इजा होऊ लागते. त्यामुळे हृदयविकाराची स्थिती निर्माण होते.

  • हृदयविकाराचा झटका येण्याचे मुख्य कारण कोरोनरी आर्टरी डिसीज (CAD) असल्याचे मानले जाते. याशिवाय अतिशय तीव्र वेदनांमुळे झटका येण्याची समस्याही उद्भवू शकते. तथापि, यामुळे हृदयविकाराच्या झटक्यांचे प्रमाण खूपच कमी आहे.

  • हृदयाच्या धमन्या अचानक अरुंद झाल्यामुळे देखील हृदयविकाराचा झटका येऊ शकतो. कारण असे झाल्यावर हृदयाच्या स्नायूंमध्ये रक्तप्रवाह थांबतो.


हृदयविकाराच्या झटक्याची लक्षणे :



  • छातीत दुखणे आणि अस्वस्थता.

  • बहुतेक हृदयविकाराच्या झटक्यांपूर्वी छातीत दुखणे आणि अस्वस्थता येते. या दरम्यान, छातीच्या मध्यभागी किंवा विरुद्ध बाजूला खूप जडपणा किंवा सूज येणे आणि वेदना जाणवते.

  • अशक्तपणा आणि चक्कर येणे.

  • काही काळापूर्वी, अशक्तपणा आणि चक्कर येण्याची समस्या असू शकते किंवा थंड घाम येणे सारखी लक्षणे दिसू शकतात. जबडा, मान आणि पाठीत एकाच वेळी वेदना किंवा अस्वस्थता जाणवू शकते. 

  • श्वास लागणे, नीट श्वास घेता न येणे आणि लहान श्वास घेणे अशी स्थिती असू शकते. सहसा छातीत दुखण्यासोबत श्वास घेण्यास त्रास होतो. पण अनेक वेळा आधी गुदमरल्यासारखे वाटते आणि नंतर छातीत दुखणे किंवा अस्वस्थता सुरू होते. 

  • कोणत्याही कारणाशिवाय खूप थकवा जाणवणे, मळमळ आणि उलट्या होणे ही देखील हृदयविकाराच्या झटक्यापूर्वी लक्षणे दिसतात. ही लक्षणे सहसा महिलांमध्ये दिसून येतात.


टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार आणि औषधं तज्ज्ञांच्या सल्ल्यानं घ्यावीत.


महत्वाच्या बातम्या : 



LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha