World Food Safety Day 2024 : विषबाधा होईल असे दुषित अन्न खाऊ नका! या 5 टिप्स फॉलो करा, संसर्गाचा धोका राहणार नाही

World Food Safety Day 2024 : आपल्या आयुष्यात अन्न सुरक्षा अत्यंत महत्वाची आहे. चांगल्या आरोग्यासाठी, निरोगी आणि स्वच्छ अन्न खाणे खूप महत्वाचे आहे.

World Food Safety Day 2024 : मंडळींनो.. घरातील दुषित अन्न खाणं टाळा, जेवढी गरज असेल तेवढेच अन्न शिजवा, ताजे आणि सकस अन्न खा, कारण यामुळे विषबाधा होण्याचा धोका असतो. हे सगळं सांगण्याचा उद्देश म्हणजे दरवर्षीप्रमाणे या वर्षीही 7 जून रोजी जागतिक अन्न सुरक्षा दिन साजरा केला जात आहे. हा दिवस साजरा करण्याचा उद्देश लोकांना अन्न सुरक्षेचे महत्त्व पटवून देणे हा आहे. आपल्या आयुष्यात अन्न सुरक्षा अत्यंत महत्वाची आहे. चांगल्या आरोग्यासाठी, निरोगी आणि स्वच्छ अन्न खाणे खूप महत्वाचे आहे. अशात, आज आम्ही तुम्हाला अशाच 5 टिप्स सांगणार आहोत. ज्याद्वारे तुम्ही घरच्या घरी अन्न सुरक्षिततेची काळजी घेऊ शकता.

 

WHO चे अन्न सुरक्षेबाबत जागरूकता वाढवण्यासाठी प्रयत्न

केवळ जिवंत राहण्यासाठीच नाही तर निरोगी आरोग्यासाठी चांगले, सकस अन्न खाणं देखील महत्त्वाचं आहे. खराब अन्न तुम्हाला आजारी बनवू शकते. लोकांमध्ये याविषयी जागरूकता निर्माण करण्यासाठी दरवर्षी ७ जून रोजी जागतिक अन्न सुरक्षा दिन साजरा केला जातो. दुषित पदार्थांचे सेवन केल्याने अनेक आजारांचा धोका वाढतो. अशा परिस्थितीत उत्तम आरोग्यासाठी सकस आणि स्वच्छ अन्न खाणे अत्यंत आवश्यक आहे. जागतिक आरोग्य संघटना (WHO) अन्न सुरक्षेबाबत जागरूकता वाढवण्यासाठी सातत्याने प्रयत्न करत आहे.

-डब्ल्यूएचओच्या मते, तुमच्या घरात अन्न सुरक्षा राखण्यासाठी, तुम्ही या टिप्सचे पालन करणे आवश्यक आहे जेणेकरून तुम्ही तुमच्या मुलांसह तुमच्या कुटुंबातील सदस्यांना अन्न विषबाधापासून वाचवू शकाल. या 5 टिप्स फॉलो करून घरी अन्न सुरक्षितता सुनिश्चित करा.

 

-स्वच्छतेकडे विशेष लक्ष द्या, घरात स्वयंपाक करताना स्वच्छतेची काळजी घेणे खूप गरजेचे आहे. यासाठी जेव्हाही तुम्ही अन्न तयार कराल तेव्हा तुमचे हात चांगले धुवा. तसेच गॅस स्टोव्ह आणि भांडी स्वच्छ करण्याची काळजी घ्या. असे केल्याने तुम्ही केवळ स्वतःचेच नाही तर तुमच्या संपूर्ण कुटुंबाचे अन्न विषबाधापासून संरक्षण कराल.

 

-कच्चे अन्न सुरक्षित ठेवा, जसे की मांस आणि मासे, यामुळे जिवाणू संसर्गाचा सर्वाधिक धोका असतो. अशा परिस्थितीत, त्यांना नेहमी रेफ्रिजरेटरमध्ये ठेवा आणि शिजवलेल्या अन्नापासून वेगळे ठेवा. यामुळे बॅक्टेरियाच्या संसर्गाचा धोका कमी होतो आणि त्याच वेळी तुम्ही अन्न ताजे ठेवू शकता.

 

-स्वयंपाकघरातील स्वच्छतेची काळजी घ्या. कीटक आणि कोळी यांच्यामुळे बुरशीजन्य संसर्गाचा धोका असतो. अशात स्वयंपाकघरातील स्वच्छतेची विशेष काळजी घ्या. डास आणि माश्यांपासून अन्नाचे संरक्षण करण्यासाठी तुम्ही स्वयंपाकघराच्या खिडकीवर जाळी देखील लावू शकता. यामुळे लहान मुलं, वृद्धांसह घरातील सर्वजण सुरक्षित राहतील आणि अन्नातून विषबाधा होण्याचा धोका कमी होईल.

 

-फळे आणि भाज्या धुतल्याशिवाय शिजवू नका, सेंद्रिय पदार्थांसह देखील जिवाणू संसर्गाचा धोका असतो. अशा परिस्थितीत, जेव्हा तुम्ही फळे आणि भाज्या आणता तेव्हा ते धुवा. असे केल्याने तुम्ही स्वतःचे आणि तुमच्या कुटुंबाचे रोगांपासून रक्षण करू शकता. 

 

-हानिकारक जीवाणू मारण्यासाठी योग्य तापमानात अन्न शिजवणे खूप महत्वाचे आहे. कारण अनेक वेळा मांस आणि मासे सारख्या गोष्टी नीट न शिजल्यामुळे कच्च्या राहतात, त्यामुळे बॅक्टेरियाचा संसर्ग होण्याचा धोका सर्वाधिक असतो. अशा स्थितीत अन्न योग्य तापमानात शिजविणे अत्यंत आवश्यक आहे.

 

हेही वाचा>>>

 

 

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )