Health: औषध नाही...सर्जरी नाही.. फक्त पाण्याने किडनी स्टोन बरा होऊ शकतो? एका अभिनेत्याच्या दाव्यावर तज्ज्ञ म्हणतात..

Health: मनमीत सिंग या अभिनेत्याने दावा केला आहे की, केवळ पाण्याच्या मदतीने किडनी स्टोनपासून मुक्ती मिळू शकते. जाणून घेऊया यावर तज्ज्ञांचे मत काय आहे?

Health: आजकालची बदलती जीवनशैली, कामाचा ताण, पुरेसे पाणी न पिणे अशा अनेक गोष्टींच्या अभावामुळे लोकांना अनेक आजारांचा सामना करावा लागतो. सध्या किडनी स्टोनचा आजार अगदी सामान्य बाब झाली आहे. विशेषतः खराब जीवनशैलीमुळे अनेकांच्या किडनीमध्ये खडे वाढू लागतात. याबाबत अभिनेता मनमीत सिंगनेही स्टोनशी संबंधित एक मोठा खुलासा केला आहे. मनमीत सिंगने सांगितले की, त्यांना दर तीन महिन्यांनी किडनी स्टोनची समस्या भेडसावत होती. दर तीन महिन्यांनी किडनी स्टोनचा सामना करावा लागतो. खूप वेदना होत होत्या. मी लेझर उपचार घेतले, परंतु नंतर डॉक्टरांनी मला काहीतरी सांगितले, ज्यामुळे मला स्टोनपासून मुक्त होण्यास मदत झाली.

7 वर्षे 1-2 लिटर पाणी पिल्याने स्टोन बरा झाला? अभिनेत्याच्या दाव्यावर डॉक्टर म्हणतात..

मनमीत सिंग सांगतात की, मी डॉक्टरांनी दिलेल्या प्रिस्क्रिप्शनचे सात वर्षे पालन केले. मी रोज सकाळी भरपूर पाणी प्यायचो. दररोज सकाळी रिकाम्या पोटी किमान 1-2 लिटर पाणी प्या, जेणेकरून लघवी पूर्णपणे पारदर्शक होईल. हा सल्ला मी 7 वर्षे पाळला आणि मला खूप आराम मिळाला. पण मी पाणी पिणे बंद करताच माझ्या किडनीमध्ये पुन्हा दगड वाढू लागले. चला तर मग जाणून घेऊया मनमीत सिंगच्या दाव्यात सत्य काय आहे? पाण्याच्या सहाय्याने खरोखरच स्टोनपासून सुटका होऊ शकते का?

तज्ज्ञ काय म्हणतात?

इंडियन एक्स्प्रेसच्या रिपोर्टनुसार, डॉ. सिद्धार्थ लखानी सांगतात की, तुम्ही जितके जास्त पाणी प्याल तितके तुमचे लघवी स्वच्छ होते. याचा अर्थ तुमच्या लघवीमध्ये कमी कॅल्शियम आणि इतर खनिजे असतील. त्यामुळे स्टोन वाढण्याची शक्यताही कमी होते. कमी पाणी प्यायल्याने तुम्ही डिहायड्रेशनला बळी पडता आणि लघवीतील आम्लयुक्त पदार्थांचे प्रमाण वाढते. त्यामुळे स्टोनचे कण जन्माला येतात.

किडनी स्टोनची लक्षणे

किडनी स्टोनच्या लक्षणांबद्दल सांगायचे तर, यामुळे लघवीला त्रास होतो आणि कधीकधी लघवीत रक्त येऊ लागते. अशा परिस्थितीत डॉक्टर किडनी स्टोन वितळण्याची प्रक्रिया स्पष्ट करतात. मात्र, वेदना तीव्र असतील आणि दगड खूप मोठे झाले असतील, तर शस्त्रक्रिया हाच पर्याय उरतो.

पाण्याऐवजी सोडा पिऊ शकतो का?

डॉ.लखानी यांच्या मते, खड्यांच्या समस्येपासून सुटका मिळवण्यासाठी रुग्णाने दररोज सकाळी अडीच ते तीन लिटर पाणी प्यावे. हे पाणी कोणत्याही प्रकारचे असू शकते. अशा परिस्थितीत सामान्य पाण्याऐवजी सोडा पिऊ शकतो का असा प्रश्न अनेकांना पडतो. डॉक्टरांच्या मते, डार्क सोडा आणि रूट बिअरसारख्या गोष्टी टाळणे चांगले.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )