Does Collagen Really Prevent Ageing Signs : कोलेजन (Benefits of Collagen) हा शब्द आरोग्य (Health Care), जीवनशैली आणि निरोगीपणाच्या जगात गेल्या काही काळापासून खूप चर्चिला जात आहे. टीव्हीपासून सोशल मीडियापर्यंत (Social Media) आणि अगदी मार्केटमध्ये कोलेजनशी संबंधित उत्पादनांची भरभराट आहे. कोलेजन हे वाढत्या वयाची त्वचेवर दिसणारी लक्षणं (Skin Care Rutine) दूर करण्यासाठी अत्यंत प्रभावी ठरतं. जर तुम्ही सोशल मीडिया वापरत असाल आणि त्वचेची काळजी (Skin Care) किंवा मेकअपमध्ये इंटरेस्टेड असाल, तर तुमच्या सोशल मीडियावर तुम्हाला एक गोष्ट नेहमीच दिसेल, ती म्हणजे कोलेजनशी संबंधित माहिती. मग ते फूडबाबत असो वा सीरम (Sirum), फेस क्रीम (Face Cream), शीट मास्क (Sheet Mask) किंवा सप्लिमेंट्सद्वारे असो. कोलेजन आणि त्याचा वापर करून तयार केलेली उत्पादनं तुम्हाला तुमच्या त्वचेचं तारुण्य कायम ठेवण्यासाठी फायदेशीर ठरतात.
सोशल मीडिया आणि त्याची विक्री करणाऱ्या हजारो ब्रँड्सच्या मते, कोलेजन केवळ वृद्धत्वामुळे होणाऱ्या सुरकुत्यांशी लढत नाही, तर वयानुसार येणाऱ्या चेहऱ्यावरील बारीक सुरकुत्यांनाही प्रतिबंधित करते. यामुळे त्वचेचं तारुण्य टिकून राहण्यास मदत होते. तज्ज्ञांच्या मते, कोलेजन त्वचेच्या आरोग्यासोबतच तारुण्य टिकवण्यासही मदत करतं. एखाद्या जादूप्रमाणे कोलेजन त्वचेवर तेज आणतं. हे सर्व ठिक आहे, असं मानलं तरीदेखील नेमकं प्रत्यक्षात हे आहे तरी काय? जाणून घेऊयात सविस्तर...
कोलेजन म्हणजे काय?
सोप्या शब्दांत कोलेजन हे त्वचेसाठी अत्यंत गुणकारी ठरतं. जे त्वचा लवचिक ठेवण्यास मदत करतं. कोलेजन हे एक प्रकारचा प्रोटीन आहे, जे तुमची त्वचा, हाडं, स्नायू आणि लिगामेंट्समध्ये आढळतं. ते तुमच्या त्वचेला ताकद आणि लवचिकता देतं. तुमची हाडं मजबूत राहण्यास मदत करतं आणि तुमच्या अवयव आणि स्नायूंच्या संरचनेला पाठींबा देतं.
तुमच्या सौंदर्याच्या दृष्टीनं, तुमच्या चेहऱ्याच्या आरोग्यासाठी आणि प्रेझेंटेशनसाठी (तुम्ही कसे दिसता) कोलेजन महत्त्वाचं आहे. यामुळे तुमची त्वचा लवचिक आणि मुलायम राहण्यास मदत होते.
मुंबईस्थित त्वचारोगतज्ञ, कॉस्मोलॉजिस्ट डॉ. शुभांगिनी शर्मा यांनी इंडिया टुडेला सांगितलं की, जेव्हा आपण तरुण असतो, तेव्हा आपलं शरीर आपल्या चेहऱ्यासाठी चांगल्या प्रमाणात कोलेजन तयार करतं. ज्यामुळे आपला चेहरा तजेलदार होतो. कालांतराने आपल्या शरीरातील कोलेजन कमी होतं, परिणामी बारीक रेषा आणि सुरकुत्या यांसारखी वाढत्या वयाची लक्षणं त्वचेवर दिसू लागतात.
खरंच कोलेजन त्वचेसाठी जादुई ठरतं का?
आज प्रत्येकाच्याच तोंडी कोलेजनचं नाव आहे. याचं संपूर्ण श्रेय सोशल मीडियाला जातं. अनेक सेलिब्रिटी सर्रास कोलेजनबाबत बोलताना दिसतात. सेलिब्रिटी तजेलदार, चकाकदार त्वचेचं संपूर्ण श्रेय कोलेजनला देतात.
कोलेजनयुक्त प्रोडक्ट्स त्वचेवर लावल्यानं मदत मिळते?
कोलेजन शब्द गुगलवर सर्च केला, तर हजारो प्रोडक्ट्स तुमच्या समोर येतात. हे सर्व प्रोडक्ट्स शरीरातील कोलेजनचं उत्पादन वाढवण्याचा दावा करतात. यूएस डिपार्टमेंट ऑफ हेल्थकडून 2022 मधील संशोधनातून निष्पन्न झाल्यानुसार, अप्लाय करणारे (म्हणजे क्रीम आणि सीरम) आणि सेवन केलेली औषधं (म्हणजे कोलेजन सप्लिमेंट्स) दोन्ही त्वचेवरील एजिंग साईन्स कमी करण्यासाठी मदत करतात.
कोलेजन काम काय करतं?
कोलेजन शरीरातील अनेक पेशींमधून स्त्रवतं, परंतु मुख्यतः कनेक्टिव टिश्यूच्या (Connective Tissue) पेशींमधून स्त्रवतं. त्वचेच्या आतील मिडल लेयरवर (ज्या डर्मिस म्हणतात) कोलेजनच्या तंतूंच्या मदतीनं पेशींच्या तंतूंची जाळी तयार होते, ज्याला 'फायब्रोब्लास्ट' (Fibroblast) नावानं ओळखलं जातं. हे त्वचेच्या मृत पेशी हटवण्यासोबतच नव्या पेशी तयार करण्याचंही काम करतात. याव्यतिरिक्त काही कोलेजन किडनी सारखे नाजूक अवयव जपण्यासाठी सरक्षा कवचाप्रमाणे काम करतं.
वाढत्या वयानुसार शरीरात कोलेजनची कमतरता निर्माण होते, त्यामुळे त्वचेशी संबंधित समस्या सुरू होतात. चेहऱ्यावर सुरकुत्या दिसू लागतात. विशेषतः स्त्रियांमध्ये, रजोनिवृत्तीनंतर कोलेजन झपाट्यानं कमी होतं. आणि वयाच्या साठीनंतर, कोलेजन उत्पादनात घट ही एक सामान्य गोष्ट आहे.
(टिप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. त्यामुळे शरीराच्या कोणत्याही समस्येवर कोणताही उपाय करण्यापूर्वी तज्ज्ञांचा सल्ला घेणं गरजेचं आहे.)
महत्त्वाच्या इतर बातम्या :