Health Tips : आपल्याला जर नेहमी निरोगी राहायचं असेल तर त्यासाठी व्यायाम करण्याची गरज आहे. चांगला आहार घेण्याची गरज आहे. अनेकदा आरोग्य तज्ज्ञ आपल्याला शारिरीक हालचाली करण्यास सांगतात. यासाठी तुम्ही जर सर्वात सोप्या व्यायामाचा विचार केला तर चालणे आणि धावणे हे व्यायाम सर्वात आधी डोळ्यांसमोर येतात. नियमित धावणे किंवा चालणे याद्वारे तुम्ही स्वतःला तंदुरुस्त आणि निरोगी ठेवू शकता. पण जेव्हा या दोघांमध्ये शरीरासाठी नेमकं चांगलं काय याचा विचार केला जातो तेव्हा लोक गोंधळतात. या ठिकाणी आम्ही तुम्हाला फिटनेसच्या दृष्टीने दोन्ही व्यायाम सर्वोत्तम आहेत. मात्र, त्यांचे आरोग्यावर वेगवेगळे परिणाम होतात ते कसे? चालणे आणि धावण्याचे आरोग्यदायी फायदे काय आहेत? या संदर्भात अधिक माहिती सांगणार आहोत.
चालण्याचे फायदे
आरोग्य तंदुरुस्त ठेवण्यासाठी चालणे चांगले आहे. यामुळे तुमचे शरीर सक्रिय राहते आणि अन्नाचे पचन व्यवस्थित होते. ज्यांना मधुमेह आहे त्यांनी रक्तातील साखर नियंत्रित ठेवण्यासाठी सतत चालावे. ताणतणाव, चिंता, झोप न लागणे, एकाग्रता नसणे इत्यादी गोष्टी यामुळे दूर होतात. आजारी आणि वृद्ध व्यक्ती जे जास्त व्यायाम करू शकत नाहीत त्यांना चालण्यामुळे आरोग्यदायी फायदे मिळू शकतात. चालण्याचा एक फायदा म्हणजे हा व्यायाम तुम्ही कोणत्याही वयात करू शकता. चालण्याने रक्तदाबही नियंत्रित राहतो आणि डोळ्यांसाठीही फायदेशीर असल्याचे सांगितले जाते.
धावण्याचे फायदे
चालण्याप्रमाणेच धावण्याचेही अनेक फायदे आहेत. सध्या जगभरात लठ्ठपणाचे प्रमाण फारच वाढत चालले आहे. अशा वेळी वजन कमी करण्यासाठी धावणे हा सर्वोत्तम पर्याय मानला जातो. धावण्याने भरपूर कॅलरी आणि फॅट बर्न होते आणि त्यामुळे लठ्ठपणा कमी होतो. तर, धावण्याने शरीरातील रक्ताभिसरण वाढते आणि स्नायू मजबूत होतात. हृदय निरोगी ठेवण्यासाठी धावणे हा एक चांगला व्यायाम असल्याचे सिद्ध होते. यासाठी चालणे आणि धावणे हे दोन्ही व्यायाम आरोग्याच्या दृष्टीने फायद्याचेच आहेत. मात्र, तुम्ही तुमच्या सोयीनुसार योग्य व्यायम पद्धत निवडणं गरजेचं आहे.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या बातम्या :