Health Tips : तुम्हाला सुद्धा वयोमानानुसार तुमची हाडं कमजोर झालीयत असं वाटतं का? यामुळे तुमचंही कोणत्या कामात मन रमत नाही. अशक्तपणा जाणवतो. हाडे कमकुवत होणे हे एक सामान्य लक्षण आहे जे वयाबरोबर जाणवते. मात्र, अनेकदा आपल्या काही चुकीच्या सवयी आणि निष्काळजीपणामुळेही आपली हाडे कमकुवत होतात. चला जाणून घेऊयात अशा कोणत्या 5 चुका आहेत ज्यामुळे हाडे कमकुवत होतात आणि त्या टाळण्यासाठी काय केले पाहिजे.
जास्त मीठ खाणे
आजच्या जीवनशैलीमुळे आणि खाण्याच्या सवयींमुळे अनेकांची हाडे कमकुवत होत आहेत. जास्त मीठ खाल्ल्याने विशेषतः हाडांवर खूप वाईट परिणाम होतो. मीठामध्ये सोडियम असते, जे शरीरातून कॅल्शियम काढून टाकते, जे हाडांसाठी खूप महत्वाचे आहे. सोडियम कॅल्शियम शरीराबाहेर काढते. त्यामुळे हाडांमध्ये कॅल्शियमची कमतरता निर्माण होते, त्यामुळे हाडे कमकुवत होऊ लागतात. याशिवाय जास्त मीठ शरीरातून पाणी काढून टाकते, ज्यामुळे हाडांच्या पेशी कमजोर होतात. दररोज 5 ग्रॅमपेक्षा जास्त मीठ घेणे धोकादायक ठरू शकते, असा सल्ला डॉक्टर देतात.
सूर्यप्रकाश न घेणे
रोज सकाळी लवकर उठून सूर्यप्रकाश घेणं आपल्या हाडांसाठी खूप महत्वाचं आहे. सूर्याच्या अल्ट्राव्हायोलेट किरणांमुळे आपल्या शरीरात व्हिटॅमिन डी तयार होते, जे हाडांसाठी खूप फायदेशीर आहे. व्हिटॅमिन डीच्या कमतरतेमुळे हाडांमध्ये कॅल्शियम शोषण्यास अडचण येते, ज्यामुळे हाडे कमकुवत होतात. त्यामुळे रोज किमान 15-20 मिनिटे सूर्यप्रकाश घेण्याचा सल्ला डॉक्टर देतात.
खूप गोड खाणे
खूप गोड खाल्ल्याने हाडे कमजोर होतात. जेव्हा आपण जास्त प्रमाणात साखर किंवा मिठाई खातो तेव्हा शरीरातील रक्तातील साखरेची पातळी वाढते. उच्च रक्तातील साखरेमुळे, कॅल्शियमची पातळी प्रभावित होते आणि हाडांचं नुकसान होते. जास्त प्रमाणात साखरेचे सेवन केल्याने शरीरातील कॅल्शियमची पातळी कमी होते आणि त्यामुळे हाडे कमकुवत होऊ शकतात. या व्यतिरिक्त, खूप गोड खाल्ल्याने वजन वाढू शकते ज्यामुळे हाडांवर दबाव येतो.
जास्त तळलेले पदार्थ खाल्ल्याने हाडे कमजोर होतात. तळलेले पदार्थ ट्रान्स फॅटमध्ये जास्त असतात जे हाडांसाठी हानिकारक असू शकतात. ट्रान्स फॅटमुळे शरीरातील कॅल्शियमचे शोषण कमी होते, त्यामुळे हाडांना पोषक तत्त्वे मिळत नाहीत.
ऑक्सलेट फूड
चॉकलेट, केक, पेस्ट्री, कुकीज इत्यादी ऑक्सलेटने समृद्ध असलेले अन्न हाडे कमकुवत करू शकतात. ऑक्सॅलेटमध्ये ऑक्सॅलिक ऍसिड असते, जे कॅल्शियम शोषण्यास प्रतिबंध करते. त्यामुळे हाडांना पुरेशा प्रमाणात कॅल्शियम मिळत नाही, त्यामुळे ते कमकुवत होतात.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.
महत्त्वाच्या बातम्या :