Black Food Benefits : हिरव्या पालेभाज्या आणि रंगीबेरंगी फळे खाण्यासोबतच काळ्या रंगाच्या पदार्थांचे सेवन करणे देखील तुमच्यासाठी खूप फायदेशीर आहे. अभ्यासानुसार, त्यात असलेले अँथोसायनिन्स मधुमेह, हृदयरोग आणि कर्करोग यांसारख्या आजारांशी लढण्यास मदत करू शकतात. जाणून घ्या आहारात काळ्या पदार्थाचा समावेश करण्याचे फायदे.
काळी द्राक्षे :
काळ्या द्राक्षांमध्ये मोठ्या प्रमाणात अँटीऑक्सिडंट्स असतात. हे पेशींचे नुकसान होण्यापासून संरक्षण करण्यास मदत करते. काळ्या द्राक्षांच्या सेवनाने कर्करोग, मधुमेह, अल्झायमर, पार्किन्सन आणि हृदयविकाराचा धोका कमी होतो.
काळे तीळ :
काळ्या तीळात सॅच्युरेटेड फॅट, मोनोअनसॅच्युरेटेड फॅट, कॅल्शियम आणि मॅग्नेशियम भरपूर असते. हृदय आणि रक्तवाहिन्यासंबंधी आरोग्य आणि उच्च रक्तदाब यांसारख्या समस्यांमध्ये हे उपयुक्त मानले जाते. काळ्या तिळातील लोह, तांबे आणि मॅंगनीज ऑक्सिजनचे परिसंचरण आणि चयापचय दर नियंत्रित करतात.
सब्जा :
सब्जामध्ये बी जीवनसत्त्वे, थायामिन, नियासिन, रिबोफ्लेविन आणि फोलेटचे प्रमाण जास्त असते. त्यात कॅल्शियम, लोह, मॅग्नेशियम, मॅंगनीज, फॉस्फरस आणि जस्त ही खनिजे देखील असतात. त्यात ओमेगा-3 फॅटी अॅसिडही आढळते.
काळे अंजीर :
काळ्या अंजीरमध्ये पोटॅशियम आणि फायबर भरपूर प्रमाणात असते. याच्या सेवनाने पचनक्रिया चांगली राहते. अंजीर खाल्ल्याने तुमचे वजन झपाट्याने कमी होऊ शकते. काळे अंजीर कर्करोगाच्या पेशींशी लढण्यास मदत करतात. उच्च रक्तदाबाच्या समस्येवरही याचे सेवन फायदेशीर ठरेल.
काळे तांदूळ :
काळ्या तांदळात अँटिऑक्सिडंट असतात, जे दृष्टी सुधारण्यासाठी चांगले असते. हा तांदूळ मधुमेह आणि कर्करोगाच्या रुग्णांसाठी अतिशय उपयुक्त आहे. जर तुम्हाला ग्लूटेनची ऍलर्जी असेल किंवा ग्लूटेन-मुक्त आहार घेत असाल, तर काळा भात खाणे तुमच्यासाठी एक चांगला पर्याय असेल.
काळी मिरी :
काळी मिरीमध्ये अशी अनेक संयुगे आढळतात जी शरीरातील पोषक तत्वे शोषून घेण्यास मदत करतात. काळी मिरी खाल्ल्याने रोगप्रतिकारक शक्ती देखील मजबूत होते. त्यात पेपरिन कंपाऊंड असते. अभ्यासानुसार, पेपरमिंट रक्तातील साखर आणि चयापचय सुधारण्यास मदत करू शकते.
टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या सल्ल्यानं घ्यावीत.
महत्त्वाच्या इतर बातम्या :