Diwali 2024 Travel: यंदा दिवाळी साजरी करण्यासाठी दुसऱ्या शहरात जाताय? तर 'या' ट्रॅव्हल टिप्स, हॅककडे दुर्लक्ष करू नका..

Diwali 2024 Travel: यंदा तुम्ही तुमच्या प्रियजनांपासून दूर इतर शहरात दिवाळी साजरी करण्याचा विचार करत असाल तर, या ट्रॅव्हल टिप्स आणि हॅककडे दुर्लक्ष करू नका. 

Diwali 2024 Travel: आजपासून खऱ्या अर्थाने दिवाळी सुरू झालीय. तर भारतात यंदा 31 ऑक्टोबरला दिवाळीचा सण साजरा होणार आहे. दिवाळी हा देशाचा एक सण आहे, महाराष्ट्रासोबतच दक्षिण ते उत्तर आणि पूर्व ते पश्चिम भारतात मोठ्या थाटामाटात साजरा केला जातो. दिवाळी हा असा सण आहे, जो आपल्या कुटुंब, नातेवाईकांसोबत साजरी करण्यात एक वेगळीच मजा असते, पण काही लोक असे असतात जे दिवाळी साजरी करण्यासाठी आपल्या घरापासून दूर दुसऱ्या शहरात किंवा राज्यात जातात. भारतात काही ठिकाणी दिवाळी साजरी करण्यात एक वेगळीच मजा असते, पण सहलीचे योग्य नियोजन नसल्यामुळे दिवाळीची मजा व्यर्थ वाटते. आज आम्ही तुम्हाला प्रवासाच्या काही उत्तम टिप्स आणि हॅक्स सांगणार आहोत, जर तुम्ही फॉलो केले तर तुम्ही इतर शहरांमध्येही दिवाळी अप्रतिम आणि संस्मरणीय पद्धतीने साजरी करू शकता.

राउंड ट्रिपचे Advance तिकीट बुक करा

जर तुम्ही तुमच्या शहरापासून दूर इतर कोणत्याही शहरात दिवाळी साजरी करणार असाल, तर सर्वप्रथम लक्षात ठेवावे ते म्हणजे राऊंट ट्रीपचे तिकीट. तुमच्याकडे बस, ट्रेन किंवा विमानाचे रिटर्न तिकीट नसेल तर इतर कोणत्याही शहरात जाण्याची चूक करू नका. दिवाळीच्या मुहूर्तावर अनेकदा बस आणि ट्रेनमध्ये गर्दी होत असल्याचे दिसून येते. याशिवाय विमानाची तिकिटेही खूप महाग आहेत. दिवाळीच्या मुहूर्तावर अयोध्या, वाराणसीसारख्या शहरांकडे धावणाऱ्या गाड्यांमध्ये पाय ठेवायलाही जागा नाही. अशात तुम्ही इतर कोणत्याही शहरात दिवाळी साजरी करणार असाल तर आधी रिटर्न तिकीट बुक करा.

वैयक्तिक वाहनाने प्रवास

जर तुम्ही अयोध्या, वाराणसी, ऋषिकेश किंवा हरिद्वार या शहरांना भेट देऊन दिवाळी साजरी करायची असेल, तर वैयक्तिक वाहनापेक्षा चांगला पर्याय असूच शकत नाही. दिवाळीनिमित्त वैयक्तिक वाहनाने प्रवास केल्यास रेल्वे किंवा बसची गर्दी टाळता येईल. याशिवाय तुम्हाला हव्या त्या ठिकाणी गाडी थांबवून दिवाळीचे वैभव पाहता येते. तुम्ही वैयक्तिक वाहनाने जात असाल तर पार्किंगची काळजी जरूर घ्या.

हॉटेलचे Advance बुकिंग करा

दिवाळीच्या मुहूर्तावर तुम्ही प्रभू रामाची नगरी अयोध्येत दिव्यांचा उत्सव पाहणार असाल, तर सहलीला जाण्यापूर्वी रूम आधीच बुक करा. असे मानले जाते की, दिवाळीच्या निमित्ताने केवळ स्थानिकच नाही तर परदेशी पर्यटकही अयोध्येत पोहोचतात, त्यामुळे शहरातील जवळपास प्रत्येक हॉटेलमध्ये गर्दी असते. अयोध्येशिवाय उत्तर प्रदेशातील वाराणसी आणि मथुरा येथेही पर्यटकांची गर्दी असते. तुम्ही या शहरांमध्येही जात असाल, तर तुम्ही आधीच खोली बुक करू शकता. तर कधी कधी या ठिकाणची हॉटेल्स दिवाळीत खूप महाग होतात.

दिवाळी साजरी करण्यासाठी योग्य ठिकाणी पोहोचा

तुम्हाला दिवाळी कोणत्या शहरात साजरी करायची हे तुम्ही ठरवले असेल, पण त्या शहरात कोणत्या ठिकाणी साजरी करायची हे तुम्ही ठरवले नसेल, तर तुमच्या प्रवासाची मजा बिघडू शकते. अशावेळी, योग्य जागा निवडण्याची खात्री करा. जर तुम्ही अयोध्येत दिवाळी साजरी करणार असाल तर तुम्ही राम मंदिर आणि शरयू नदीच्या काठावर जाऊ शकता. जर तुम्ही वाराणसीला जात असाल तर तुम्ही अस्सी घाट, दशाश्वमेध घाट आणि मणिकर्णिका घाटाला भेट देऊ शकता. याशिवाय तुम्ही पुष्करला जात असाल तर तुम्ही पुष्कर तलावाजवळ पोहोचू शकता.

या टिप्स लक्षात ठेवा

• दिवाळीच्या शुभ मुहूर्तावर फटाक्यांपासून दूर राहणे चांगले. त्यामुळे प्रवासादरम्यान कोणतेही फटाके सोबत ठेवू नका.


• प्रवासादरम्यान अनोळखी लोकांपासून दूर राहावे. तसेच प्रवासादरम्यान निर्जन ठिकाणी जाऊ नका.


• ट्रिपसाठी तुम्ही फास्ट फूड आणि काही आवश्यक औषधे पॅक करू शकता.


• तुम्ही दुसऱ्या शहरात दिवाळी साजरी करण्यासाठी ग्रुपमध्ये जाऊ शकता.


• गर्दीच्या ठिकाणांपासून दूर राहा.

हेही वाचा>>>

(टीप : वरील सर्व गोष्टी माहिती म्हणून वाचकांपर्यंत पोहोचवत आहोत. एबीपी माझा यातून कोणताही दावा करत नाही. )