Dasara 2024 Rangoli: हिंदू धर्मात दसरा हा एक अतिशय शुभ आणि महत्त्वाचा सण मानला जातो आहे, जो शारदीय नवरात्रीनंतर साजरा केला जातो. दसरा याला विजयादशमी देखील म्हणतात, भगवान रामाने ज्या दिवशी रावणाचा वध केला, तर देवी दुर्गा देवीने महिषासुराचा वध केला, तो दिवसही आपण विजयादशमी म्हणून साजरा करतो. अशा या खास दिवशी रांगोळीही खास असायला हवी. आज आम्ही तुम्हाला दसऱ्याच्या शुभ मुहूर्तावर सोप्या आणि झटपट रांगोळ्यांच्या डिझाइन्स सांगणार आहोत. ज्यातून तुम्ही आयडिया घेऊन तुमचं घर, दार आणि अंगण सजवू शकता...
दारात-अंगणात रांगोळी काढणं एक महत्त्वाची परंपरा!
दसरा सण हा वाईटावर चांगल्याच्या विजयाचे प्रतीक आहे. लोक या दिवशी नवीन सुरुवात करण्यावर विश्वास ठेवतात. रावणाचे दहन, वाहनांची आणि उपकरणांची पूजा करण्याव्यतिरिक्त, उत्सवाची एक महत्त्वाची परंपरा म्हणजे त्यांची घरे सुंदर रांगोळी नमुन्यांनी सजवणे. बहुतेक हिंदू सणांमध्ये रांगोळी हा एक मोठा भाग असतो. दसऱ्याच्या सणालाही घरच्या घरी खास रांगोळी डिझाइनची मागणी असते. दसरा 2024 रोजी, या सणाच्या निमित्ताने तुमचे घर सजवण्यासाठी येथे सोपे आणि सुंदर रांगोळीचे डिझाईन्स सांगत आहोत.
शुभेच्छा देण्याची ही पारंपारिक पद्धत
दसऱ्याच्या दिवशी अनेक लोक फुलं, रंगीत तांदूळ, रंगीत वाळू, रंग आणि इतर वस्तूंसह विविध आकार आणि डिझाइन्सची सुंदर रांगोळी बनवतात. कारण ती आध्यात्मिक रंगसंगतीचे प्रतीक आहे. ज्यामुळे नशीब उजळते असे मानले जाते. म्हणून, एक सुंदर रांगोळी बनवणे शुभ मानले जाते, तसेच सणांना शुभेच्छा देण्याची ही पारंपारिक पद्धत आहे. दसऱ्याच्या शुभ प्रसंगी सौभाग्याला आमंत्रण मिळते असे म्हटले जाते. तुमच्या घरातही काही शुभेच्छा आणण्यासाठी, येथे काही सोप्या आणि सुंदर रांगोळीचे डिझाइन्स आहेत जे तुम्ही पाहू शकता.