Job opportunity News : देशातील युवकांसाठी आनंदाची बातमी आहे. येत्या काळात भारतात रोजगाराच्या अनेक संधी (Employment opportunities) उपलब्ध होणार आहेत. विशेषत: ज्या भागात वेगाने विकास होत आहे. त्या भागात मोठ्या प्रमाणात रोजगाराच्या संधी मिळणार आहेत. याबाबत एक अहवाल प्रसिद्ध झाला आहे. यामध्ये कोणत्या क्षेत्रात रोजगाराच्या (Employment) अधिक संधी मिळणार आहेत याबाबतची माहिती देण्यात आली आहे. 


भारतातील कर्मचारी कंपनी टीमलीज सर्व्हिसेसने आपल्या नवीन एम्प्लॉयमेंट आउटलुक अहवालात, ऑक्टोबर 2024 ते मार्च 2025 दरम्यान रोजगार दरात 7.1 टक्के वाढीचा अंदाज वर्तवला आहे. जो मागील सहामाहीत 6.33 टक्के होता. अहवालानुसार, 59 टक्के कंपन्या कर्मचाऱ्यांची संख्या वाढवण्याची योजना आखत आहेत. तर 22 टक्के विद्यमान कर्मचारी कायम ठेवण्याची शक्यता आहे.


कोणत्या क्षेत्रात सर्वात जास्त संधी मिळणार?



  • लॉजिस्टिक क्षेत्रातील 14.2 टक्के वाढीसह, 69 टक्के कंपन्या त्यांचे कर्मचारी वाढवण्याचा विचार करत आहेत. नॅशनल लॉजिस्टिक पॉलिसी, 5जी तंत्रज्ञान आणि हरित पुरवठा साखळी यासारख्या प्रयत्नांनी यामध्ये महत्त्वाची भूमिका बजावली आहे.

  • EVs आणि EV पायाभूत सुविधांमध्ये 12.1 टक्के वाढ, या क्षेत्राची वाढती लोकप्रियता आणि पर्यावरणपूरक समाधानाकडे वाढता कल दर्शवते.

  • कृषी आणि कृषी रसायन क्षेत्राबद्दल बोलायचे तर, 10.5 टक्क्यांची वाढ आहे, जी कृषी क्षेत्रात तंत्रज्ञानाचा वाढता वापर आणि नवकल्पना यांचा परिणाम आहे.

  • ई-कॉमर्स आणि टेक स्टार्टअप्समध्ये 8.9 टक्क्यांची वाढ दिसून येत आहे, ज्यामध्ये AI आणि डेटा विश्लेषणाचा वापर प्रमुख आहे.

  • ऑटोमोटिव्ह आणि किरकोळ क्षेत्र अनुक्रमे 8.5 टक्के आणि 8.2 टक्क्यांनी वाढताना दिसत आहेत. स्मार्ट तंत्रज्ञान आणि हायपरलोकल डिलिव्हरीने या क्षेत्राला नवी दिशा दिली आहे.


कोणत्या शहरात मोठ्या प्रमाणात नोकऱ्यांची संधी?


बंगळुरु (53.1 टक्के), मुंबई (50.2 टक्के), आणि हैदराबाद (48.2 टक्के) यासारखी पारंपारिक केंद्रे रोजगाराची केंद्रे राहिली आहेत. यासह, कोईम्बतूर (24.6 टक्के), गुडगाव (22.6 टक्के), आणि जयपूर सारखी शहरे देखील वेगाने विकसित होत आहेत. प्रतिभा आणि संधी या दोन्हींना आकर्षित करत आहेत. आजच्या जॉब मार्केटमध्ये, कंपन्या समस्या सोडवणे (35.3 टक्के), वेळ व्यवस्थापन (30.4 टक्के), आणि विक्रीनंतरची सेवा (28.4 टक्के) यासारख्या कौशल्यांना प्राधान्य देत आहेत. संप्रेषण (57.8 टक्के), विक्री आणि विपणन (44.6 टक्के), आणि गंभीर विचार (37.3 टक्के) देखील अत्यंत महत्वाचे आहेत.


80000 लोकांना संधी मिळणार 


अहवालानुसार, 59 टक्के कंपन्या क्लाउड-आधारित सोल्यूशन्स, 45 टक्के ऑटोमेशन टूल्स आणि 37 टक्के IoT सारख्या तंत्रज्ञानाला प्राधान्य देत आहेत. हे केवळ उत्पादकता वाढवत नाहीत तर वेगाने बदलणाऱ्या व्यावसायिक वातावरणात निर्णय घेण्यासही मदत करतात. नॅशनल इंडस्ट्रियल कॉरिडॉर आणि सेमीकंडक्टर मिशन यांसारख्या धोरणांनी रोजगार निर्मितीमध्ये महत्त्वपूर्ण योगदान दिले आहे. अहवालानुसार, सेमीकंडक्टर मिशन अंतर्गत 1.25 लाख कोटी रुपयांच्या गुंतवणुकीसह 80,000 नवीन रोजगार निर्माण होण्याची अपेक्षा आहे.