Bank of Baroda Recruitment : तुम्हाला बँकिंग क्षेत्रात काम करायचे असेल तर तुमच्यासाठी ही बातमी महत्वाची आहे. बँक ऑफ बडोदा (BOB) ने अप्रेंटिसशिप पदांसाठी भरती प्रक्रिया सुरु केली आहे. या भरतीसाठी अर्ज करण्याची प्रक्रिया 19 फेब्रुवारीपासून सुरु झाली आहे. इच्छुक आणि पात्र असलेले उमेदवार बँकेच्या अधिकृत वेबसाइट www.bankofbaroda.in वर जाऊन अर्ज करू शकतात. या बँकेत एकूण 4 हजार प्रशिक्षणार्थी पदे भरण्यात येणार आहेत.
शैक्षणिक पात्रता
या भरतीसाठी अर्ज करण्यासाठी, उमेदवाराने मान्यताप्राप्त विद्यापीठ किंवा संस्थेतून कोणत्याही प्रवाहात पदवी उत्तीर्ण केलेली असावी.
वय मर्यादा
उमेदवाराचे वय 20 वर्षांपेक्षा कमी आणि 28 वर्षांपेक्षा जास्त नसावे. तथापि, राखीव प्रवर्गातील उमेदवारांना नियमानुसार वयात सवलत दिली जाईल.
अर्ज करण्यासाठी किती फी?
या भरतीमध्ये, सामान्य, OBC आणि EWS श्रेणीतील उमेदवारांना अर्ज फी म्हणून 800 रुपये भरावे लागतील. तर SC, ST आणि महिला उमेदवारांसाठी हे शुल्क 600 रुपये असेल. PWBD श्रेणीतील उमेदवारांना 400 रुपये शुल्क जमा करावे लागेल. यासोबतच अर्ज शुल्कासह जीएसटी स्वतंत्रपणे भरावा लागेल. दरम्यान, जे उमेदवार या पदांसाठी अर्ज करण्यासाठी उत्सुक आहेत, त्या तरुणांनी लवकरात लवकर अर्ज करण्याचं आवाहन करण्यात आलं आहे.
युनियन बँक ऑफ इंडियामध्येही 2691 अप्रेंटिसशिप पदांसाठी भरती प्रक्रिया सुरु
सरकारी नोकरीच्या शोधात असणाऱ्या तरुणांसाठी महत्वाची बातमी समोर आली आहे. युनियन बँक ऑफ इंडियामध्ये (Union Bank of India) मोठी भरती प्रक्रिया सुरु झाली आहे. बँकेत 2691 अप्रेंटिसशिप पदांसाठी भरती प्रक्रिया सुरु झाली आहे. कालपासून म्हणजे 19 फेब्रुवारी 2025 अर्ज करण्याची प्रक्रिया सुरु झाली आहे. बँकिंग क्षेत्रात करिअर करू इच्छिणाऱ्या आणि बॅचलर पदवी मिळविलेल्या तरुणांसाठी ही संधी चांगली आहे. इच्छुक उमेदवार युनियन बँकेच्या www.unionbankofindia.co किंवा bfsissc.com च्या अधिकृत वेबसाइटवर ऑनलाइन अर्ज करू शकतात. अर्ज करण्याची शेवटची तारीख 5 मार्च 2025 आहे.
महाराष्ट्रात 296 पदांसाठी भरती होणार
देशभरात 2691 पदांवर भरती केली जाईल, ज्यामध्ये विविध राज्ये आणि प्रदेशांसाठी रिक्त पदे निश्चित करण्यात आली आहेत. आंध्र प्रदेशात 549, अरुणाचल प्रदेशात 1, आसाममध्ये 12, बिहारमध्ये 20, चंदीगडमध्ये 13, छत्तीसगडमध्ये 13, गोव्यात 19, गुजरातमध्ये 125, हरियाणामध्ये 33, हिमाचल प्रदेशात 2, जम्मू-काश्मीरमध्ये 4, झारखंडमध्ये 17, कर्नाटकमध्ये 28, कर्नाटकमध्ये महाराष्ट्रात 296, दिल्लीत 69, ओडिशामध्ये 53, पंजाबमध्ये 48, राजस्थानमध्ये 41, तामिळनाडूमध्ये 122, तेलंगणामध्ये 304, उत्तराखंडमध्ये 9, उत्तर प्रदेशमध्ये 361 आणि पश्चिम बंगालमध्ये 78 पदांवर भरती करण्यात येणार आहे.
महत्वाच्या बातम्या: