Viral Video : बऱ्याचदा सिनेमांमध्ये (South Movie) प्रेक्षक भावनिकदृष्ट्या बरेच गुंतलेले असतात. असाच काहीसा प्रसंग हैदराबादमधील एका थिएटरमध्ये पाहायला मिळाला आहे. तेलुगू अभिनेता एनटी रामास्वामी यांची खलनायिकेची भूमिका पाहून थिएटरमध्येच त्यांच्यावर हल्ला झाला. त्यांनी 'लव्ह रेड्डी' या सिनेमात खलनायिकेची भूमिका साकारली आहे. त्यांची ही भूमिका पाहून एका महिलेला राग खूप अनावर झाला आणि त्या महिलेने अभिनेत्याला बेदम मारहाण केली.
हा व्हिडीओ सध्या सोशल मीडियावर तुफान व्हायरल होत आहे. भर थिएटरममध्ये या महिलेने अभिनेत्याला मारहाण केली आहे. त्यानंतर उपस्थितांनी देखील हा प्रकार सावरण्याचा बराच प्रयत्न केल्याचं पाहायला मिळतंय. पण तरीही या महिलेचा राग फार अनावर झाला आणि तिने अभिनेत्याला बेदम मारहाण केली.
महिलेला इतका राग का आला?
लव्ह रेड्डी या सिनेमातील एक सीनही व्हायरल व्हिडीओमध्ये दाखण्यात आला आहे. यामध्ये रामास्वामी एका प्रेम करणाऱ्या जोडप्याच्या मध्ये येत असल्याचं पाहायला मिळतं. त्यामुळे ते त्यांच्यावर हल्लाही करतात. हे सगळं पाहून शेवटी घडलेल्या प्रकारामुळे सगळ्यांनाच मोठा धक्का बसला. तसेच सोशल मीडियावरही या घटनेमुळे अनेकांना धक्का बसलाय. अनेकांनी सिनेमात इतकंही गुंतून न जाण्याचं आवाहन केलं आहे.
सिनेमा संपल्यानंतर सगळे कलाकार हे स्टेजजवळ उभे राहून प्रेक्षकांचे आभार मानत असतात. पण या सिनेमातील अभिनेत्याची खलनायिकेची भूमिका पाहिली आणि महिला जिथे सगळे कलाकार उभे होते, तिथे जाऊन अभिनेत्याला बेदम मारहाण केली. तिथल्या लोकांनी त्या महिलेला लांब करण्याचाही प्रयत्नही केला पण तरीही त्या महिलेचा राग अनावर झाला. ही घटना अगदी काही क्षणात घडली. त्या महिलेला तिचा राग शांत करण्यासाठी बराच वेळ गेला. ती थिएटरमध्ये खूप आरडाओरडाही करत होती.