Virat-Anushka Son Photo Viral : भारतीय क्रिकेट संघातील दिग्गज खेळाडू विराट कोहली आणि बॉलिवूड अभिनेत्री अनुष्का शर्मा यांना यावर्षी मुलगा झाला. 15 फ्रेबुवारी 2024 ला अभिनेत्री अनुष्का शर्मा गोंडस मुलाला जन्म दिला. विराट कोहली आणि अनुष्का शर्माच्या मुलाचं नाव अकाय आहे. याआधी त्यांना एक मुलगी आहे. विराट आणि अनुष्का हे स्टार कपलपैकी एक आहे. या जोडप्याबाबत जाणून घेण्यास चाहते फार उत्सुक असतात. विराट-अनुष्का सोशल मीडियावर कपल गोल्स शेअर करत असतात. यासोबतच ते मुलांसोबत खेळताना आणि वेळ घालवतानाचे फोटोही शेअर करतात. मात्र, अजून विराट-अनुष्काने त्यांच्या दोन्ही मुलांचा चेहरा दाखवलेला नाही. आता मात्र, अकाय कोहलीचा एक फोटो सोशल मीडियावर व्हायरल होत आहे.
विराट-अनुष्काच्या लेकाची पहिली झलक?
विराट कोहली आणि अनुष्का यांचा लहान मुलगा अकाय कोहली याचा एक फोटो सोशल मीडियावर व्हायरल होत आहे. चाहत्यांनी यावर लाईक्स आणि कमेंट्सचा पाऊस पाडला आहे. अनुष्का आणि विराट यांनी 2021 मध्ये पहिल्या मुलीचं स्वागत केलं. मुलगी वामिका कोहलीचाही चेहरा त्यांनी अद्याप चाहत्यांना दाखवलेला नाही. आता चाहते चिमुकल्या अकायचा चेहरा पाहण्यासाठी खूप उत्सुक आहेत. आता सध्या सोशल मीडियावर पर्थ मॅच दरम्यानचा एक फोटो व्हायरल होत आहे. यामध्ये अनुष्का शर्माही दिसत आहे. या फोटोमध्ये दिसणार मुलगा अकाय कोहली असल्याचं बोललं जात आहे.
अकाय कोहलीचा फोटो व्हायरल
व्हायरल फोटोमागचं सत्य काय?
विराट कोहलीला पर्थ सामन्यात सपोर्ट करण्यासाठी पत्नी अभिनेत्री अनुष्का शर्मा स्टेडियममध्ये पोहोचली होती. ऑस्ट्रेलिया विरुद्ध भारत कसोटी मालिकेत विराट कोहलीच्या समर्थनासाठी आली होती. या मॅचमधील अनुष्काचा एक फोटो सोशल मीडियावर व्हायरल होत आहे. व्हायरलमध्ये विराट कोहली स्टेडियममधूनच अनुष्काला फ्लाइंग किस देताना दिसला. यावेळी अनुष्काच्या मागे एक व्यक्ती कॅमेऱ्यात कैद झाली, त्याच्या हातात एक मूल दिसत होतं. हा लहान मुलगा विराट कोहली आणि अनुष्का शर्माचा मुलगा अकाय कोहली असल्याचा दावा सोशल मीडियावर केला जात आहे.
अभिनेत्री अनुष्का शर्मा सध्या बॉलिवूडपासून दूर असून सध्या मुलांच्या संगोपनासाठी वेळ देत आहे. अनुष्का शर्मा अखेरची शाहरुख खानसोबत 2018 मध्ये 'झिरो'मध्ये दिसली होती. त्यानंतर ती कोणत्याही चित्रपटात झळकलेली नाही. अनुष्का शर्माने 2017 मध्ये विराट कोहलीसोबत लग्न केलं, त्यानंतर 11 जानेवारी 2021 रोजी वामिका कोहलीचा जन्म झाला.
महत्त्वाच्या इतर बातम्या :