The Kashmir Files : गेली काही दिवस 'द कश्मीर फाइल्स' (The Kashmir Files)  हा चित्रपट चर्चेत होत. प्रेक्षक या चित्रपटाबद्दल संमिश्र प्रतिक्रिया देत होते. बॉक्स ऑफिसवर या चित्रपटानं चांगली कमाई केली आहे. प्रेक्षकांचा चांगला प्रतिसाद मिळाल्यानंतर आता  लवकरच हा चित्रपट ओटीटी प्लॅटफॉर्मवर रिलीज होणार आहे. याबाबत दिग्दर्शक विवेक अग्निहोत्री (Vivek Agnihotri) यांनी पोस्ट शेअर केली आहे. 


विवेक अग्निहोत्री यांची पोस्ट 
इंस्टाग्रामवर विवेक अग्निहोत्री यांनी पोस्ट शेअर केली आहे. या पोस्टला दिलेल्या कॅप्शनमध्ये त्यांनी लिहिले, 'काश्मिरी पंडित यांची गोष्ट लोकांसमोर मांडण्याच्या आमच्या प्रयत्नाला लोकांचा चांगला प्रतिसाद मिळाला. आम्हाला लोकांनी दिलेल्या या प्रतिसादाबद्दल आम्ही त्यांचे आभार मानतो. आशा करतो की, काश्मिरचे सत्य लोकांना समजेल.' या पोस्टसोबतच विवेक यांनी एक व्हिडीओ सोशल मीडियावर शेअर केला आहे. या व्हिडीओमध्ये चित्रपटाच्या पोस्टरवर world digital premiere असं लिहिलेलं दिसत आहे. 






'द कश्मीर फाइल्स' 11 मार्च रोजी प्रदर्शित झाला. चित्रपटात अनुपम खेर यांच्यासोबतच दर्शन कुमार, मिथुन चक्रवर्ती, पल्लवी जोशी यांनी देखील प्रमुख भूमिका साकारली आहे. या चित्रपटाचं दिग्दर्शक विवेक अग्निहोत्री यांनी केलं आहे. चित्रपटाच्या कथानकाला आणि कलाकारांच्या अभिनयाला प्रेक्षकांची पसंती मिळत आहे.


हे देखील वाचा-