श्वेता तिवारी हिचा मृत्यू झाल्याची अफवा सध्या व्हायरल होत आहे. या अफवांमुळे त्रस्त होऊन श्वेता तिवारीचा पती अभिनव कोहली याने हे खोडसाळ वृत्त असल्याचं म्हणत आपला संताप व्यक्त केला. 'श्वेताला काहीही झालं नसून ती अगदी ठणठणीत आहे.' असं त्यानं सांगितलं.
शनिवार दिवसभर श्वेता तिवारीचं निधन झाल्याची अफवा व्हायरल झाली होती. याबाबत बोलताना अभिनव म्हणाला की, 'मला जेव्हा ही बातमी कळली तेव्हा मी पू्र्णपणे घाबरून गेलो. कारण काही वेळापूर्वीच मी तिच्याशी फोनवर बोललो होतो आणि आता मला असं समजतं आहे. मी तिला लागलीच फोन केला. तेव्हा ठीक असल्याचं तिने सांगितलं.'
या अफवेबाबत श्वेता तिवारी कोणतीही प्रतिक्रिया देण्यास तयार नाही. यापूर्वीही आपल्याबाबत अशीच अफवा पसरवण्यात आल्याचं तिनं म्हटलं आहे.