Bhagya Dile Tu Mala : 'भाग्य दिले तू मला' मालिका लवकरच प्रेक्षकांच्या भेटीला, निवेदिता सराफ महत्त्वपूर्ण भूमिकेत

Bhagya Dile Tu Mala : कलर्स मराठीवर सुरू होणाऱ्या 'भाग्य दिले तू मला' या मालिकेत निवेदिता सराफ महत्त्वपूर्ण भूमिकेत असणार आहेत.

Bhagya Dile Tu Mala : 'भाग्य दिले तू मला' (Bhagya Dile Tu Mala) ही मालिका लवकरच प्रेक्षकांच्या भेटीला येणार आहे. या मालिकेत तन्वी मुंडले (Tanvi Mundle) आणि विवेक सांगळे (Vivek Sangle) मुख्य भूमिकेत आहेत. तर निवेदिता सराफदेखील या मालिकेचा महत्त्वपूर्ण भाग असणार आहेत. 

'भाग्य दिले तू मला' ही मालिका चार एप्रिलपासून सुरू होणार आहे. निवेदिता सराफच्या 'मी खरा आणि ते दोघं' या नाटकाचे प्रयोग सध्या रंगभूमीवर होत आहेत. या नाटकाचे लेखन आदित्य मोडकने केले आहे. तर नितीश पाटणकरने या नाटकाचे दिग्दर्शन केले आहे.

'भाग्य दिले तू मला' या मालिकेत हळुवार प्रेमाची गोड गोष्ट दाखवण्यात आली आहे. त्याला नाविन्याची कास तर तिला संस्कृती जपण्याचा ध्यास, कसा होईल त्यांचा एकत्र प्रवास? असे म्हणत मालिकेचा पहिला प्रोमो आऊट झाला आहे. हा प्रोमो प्रेक्षकांच्या पसंतीस येत आहे. छोट्या पडद्यावर सध्या वेगवेगळ्या विषयांवरच्या मालिका सुरू आहेत. काही मालिका लवकरच प्रेक्षकांच्या भेटीला येणार आहेत. 'असे हे सुंदर आमचे घर' ही मालिका नुकतीच सुरू झाली आहे. तर 'तू तेव्हा तशी' ही मालिका लवकरच सुरू होणार आहे. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha