Shiv Thakare : 'आपला माणूस शिव ठाकरे' (Shiv Thakare) सध्या 'झलक दिखला जा 11' (Jhalak Dikhhla Jaa 11) या कार्यक्रमाच्या माध्यमातून प्रेक्षकांच्या भेटीला येत होता. लवकरच या कार्यक्रमाचा ग्रँड फिनाले पार पडणार आहे. पण फिनालेआधीच शिव ठाकरे या कार्यक्रमातून बाहेर पडला आहे. आपल्या माणसाचं स्वप्न थोडक्यात हुकलं आहे. त्यामुळे चाहतेही नाराज झाले आहेत.
'झलक दिखला जा 11' हा डान्स रिअॅलिटी शो सध्या चांगलाच चर्चेत आहे. आता हा कार्यक्रम अंतिम टप्प्यात आला आहे. लवकरच या कार्यक्रमाचा ग्रँड फिनाले पार पडणार आहे. आता या कार्यक्रमातील 'टॉप 5' स्पर्धकांची नावे समोर आली आहेत.
शिव ठाकरे आऊट!
'झलक दिखला जा 11'च्या महाअंतिम सोहळ्याआधी शिव ठाकरे या कार्यक्रमातून बाहेर पडला आहे. शिवच्या धक्कादायक एलिमिनेशनमुळे चाहत्यांना मोठा धक्का बसला आहे. शिव ठाकरे बाहेर पडल्याने काही चाहते नाराज झाले आहेत. तर काही चाहत्यांना मात्र खूप राग आला आहे.
शिव ठाकरेचे चाहते भडकले
शिव ठाकरे 'झलक दिखला जा 11' या कार्यक्रमातून बाहेर पडल्यामुळे शिव ठाकरेचे चाहते भडकले आहेत. सर्वांनी राजकारण केलं आहे, शिव ठाकरेच या कार्यक्रमाचा विजेता आहे, शिवला आम्ही 'बिग बॉस'पासून पाठिंबा देत आहे. शिव ठाकरेचा आजपर्यंतचा प्रवास आम्ही पाहिला आहे. नकारानंतरही शिव मेहनत घेतो, शिव ठाकरे 'टॉप 5'मध्ये असायला हवा होता, शिव ठाकरेच 'झलक दिखला जा 11'चा खरा विजेता आहे, अशा कमेंट्स चाहत्यांनी केल्या आहेत.
'झलक दिखला जा 11'चे 'टॉप 5' स्पर्धक कोण? (Jhalak Dikhhla Jaa 11 Top 5 Contestant)
शिव ठाकरेला 'झलक दिखला जा 11' या कार्यक्रमातून बाहेर काढल्याने चाहते निर्मात्यांवर भडकले आहेत. मनीषा रानी, धनश्री वर्मा, शोएब इब्राहिम, अद्रिजा सिन्हा आणि श्रीराम चंद्र हे 'झलक दिखला जा 11' या कार्यक्रमाचे 'टॉप 5' स्पर्धक आहेत. 'झलक दिखला जा 11' या कार्यक्रमाचा ग्रँड फिनाले 3 मार्च 2024 रोजी होणार आहे. आता या कार्यक्रमाचा विजेता कोण होणार याची उत्सुकता आहे.
संबंधित बातम्या