Thipkyanchi Rangoli : छोट्या पडद्यावरील ठिपक्यांची रांगोळी (Thipkyanchi Rangoli) या मालिकेला प्रेक्षकांची विशेष पसंती मिळाली आहे. तसेच रंग माझा वेगळा या मालिकेने देखील प्रेक्षकांची मनं जिंकली आहेत. सध्या ठिपक्यांची रांगोळी या मालिकेत शशांक आणि अपूर्वाच्या लग्नाची तयारी सुरू झाली आहे. संपूर्ण कानेटकर आणि वर्तक कुटुंब या लग्नासाठी उत्सुक असून लग्नाआधीच्या विधींना जल्लोषात सुरुवात झाली आहे. शशांक आणि अपूर्वाच्या केळवणात रंग माझा वेगळा (rang majha vegla) मालिकेतील दीपाने हजेरी लावली आहे.
शशांक आणि अपूर्वाच्या केळवणासाठी सध्या जय्यत तयारी सुरु असून केळवणासाठी पाहुणी म्हणून हजेरी लावणार आहे रंग माझा वेगळा मालिकेतील दीपा. जिलेबीसारखा गोडवा जपणारा शशांक आणि लवंगी मिरची प्रमाणे ठसक्याला आणि चवीला कमी नसणारी अपूर्वा. या दोघांचं केळवणही हटके असणार हे वेगळं सांगायला नको. त्यामुळेच या दोघांच्या केळवणात आनंदाचे रंग भरण्यासाठी दीपा खास हजेरी लावणार आहे.
सुप्रिया पाठारे, सारिका नवाथे, लीना भागवत, ज्ञानदा रामतीर्थकर आणि चेतन वडनेरे हे कलाकार ठिपक्यांची रांगोळी या मालिकेत प्रमुख भूमिका साकारतात. तर रंग माझा वेगळा या मालिकेत अभिनेत्री रेश्मा शिंदे दीपा ही भूमिका साकारते.
महत्त्वाच्या इतर बातम्या :
Deepika Padukone : ...म्हणून शूटिंग सेटवर दीपिका घेऊन जाते रंगीत पेन्सिल बॉक्स!
Ankita Lokhande : डिझायनर मनीष मल्होत्राने डिझाइन केला अंकिताचा रॉयल लेहेंगा; 1600 तास सुरु होतं काम
Bollywood's Richest Actresses in 2022: ऐश्वर्या ते प्रियांका; बॉलिवूडमधील टॉप- 5 श्रीमंत अभिनेत्री
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha