Rang Majha Vegla : स्टार प्रवाह वाहिनीवरील ‘रंग माझा वेगळा’ (Rang Majha Vegla) ही मालिका सध्या प्रेक्षकांच्या पसंतीस उतरली आहे. या मालिकेने प्रेक्षकांचे भरभरून मनोरंजन केले आहे. टीआरपीच्या शर्यतीत देखील ही मालिका अग्रस्थानी आहे. सध्या मालिकेत अनेक नवी आणि अनपेक्षित वळणं येत आहेत. दीपिका-दीपा-कार्तिकी आणि कार्तिक या कुटुंबातील भावनिक लढाई आता निर्णायक वळणापर्यंत पोहोचली आहे. लवकरच दीपिकाला देखील दीपा आपली आई असल्याचं सत्य कळणार आहे.
येत्या भागात दीपिका दीपाच्या घरी येऊन तिला आई म्हणून हाक मारताना दिसणार आहे. तूच माझी आई आहे, असं देखील दीपिका यावेळी म्हणते. त्यामुळे आता दीपिकाला देखील दीपाच आपली आई असल्याच सत्य कळालं आहे. दीपिकाने दीपाचा आई म्हणून स्वीकार देखील केला आहे. आता तिला सत्या परिस्थिती कळल्यावर ती कार्तिकची साथ सोडून दीपाकडे राहायला येणार की, दीपा आणि कार्तिकला पुन्हा एकत्र आणणार, याकडे प्रेक्षकांचे लक्ष लागून राहिले आहे.
पाहा प्रोमो :
दीपा लढतेय कायदेशीर लढाई
दीपिका ही आपलीच मुलगी असल्याचे आता दीपाला कळले आहे. त्यामुळे दीपिकाचा ताबा आपल्याला मिळावा यासाठी ती कार्तिकच्या विरोधात लढत आहे. या कायदेशीर लढाईत आता नेमका विजय कुणाचा होणार याकडे सगळ्यांचेच लक्ष लागून राहिले आहे. दीपा आपल्या मुलीची कस्टडी मागत आहे. तर, कार्तिक दीपिकाची कस्टडी दीपाकडे द्यायला तयार नाही. यावरून आता दोघांमध्ये चांगलीच कायदेशीर खडाजंगी होणार आहे.
आयेशा आणि श्वेताचा नवा प्लॅन
दीपिकाची कस्टडी मिळवण्यासाठी कोर्टाने दीपिका आणि दीपाची डीएनए चाचणी करण्याचा आदेश दिला होता. या आदेशानुसार ठरवलेल्या हॉस्पिटलमध्ये ही चाचणी होणार होती. मात्र, आम्हाला या हॉस्पिटलमध्ये चाचणी करायची नाही, अशी नोटीस कार्तिकच्या वतीने आयेशाने दीपाला पाठवली. दोघींची डीएनए चाचणी इनामदारांच्या आदित्य हॉस्पिटलमध्ये करावी, अशी मागणी आयेशाने केली. दीपाने देखील त्यांची ही मागणी मान्य केली आहे. मात्र, हॉस्पिटलमध्ये दोघीच्या डीएनए सॅम्पलमध्ये अदलाबदली होऊ शकते हे कुणाच्याही लक्षात आलेले नव्हते. हा आयेशा आणि श्वेता यांनी मिळून केलेला प्लॅन असून, आतापर्यंत सगळ्या गोष्टी यानुसारच घडल्या होत्या. मात्र, सौंदर्या तिथेच असल्यामुळे दोघींचा प्लॅन पुरता फसला आहे.
हेही वाचा :
TOP 10 Entertainment News : दिवसभरातील दहा महत्त्वाच्या मनोरंजनविषयक बातम्या