Rang Majha Vegla : मराठी मनोरंजन विश्वातील लोकप्रिय मालिका ‘रंग माझा वेगळा’ (Rang Majha Vegla) सध्या प्रेक्षकांच्या मनाला भुरळ घालत आहे. या मालिकेतील दीपिका-कार्तिकीची जोडी प्रेक्षकांचे भरपूर मनोरंजन करत आहे. सध्या मालिकेत दीपिका आणि कार्तिकी मिळून त्यांच्या आई-वडिलांना एकत्र आणू पाहत आहेत. यासाठी या चिमुकल्या शक्य ते सगळे प्रयत्न करत आहेत. या दोघींची आई-वडील मिळवण्याची धडपड प्रेक्षकांच्या मनाला देखील भावली आहे.
दीपिका आणि कार्तिकीच्या शाळेत नुकतेच एका नाटकाचे आयोजन करण्यात आले होते. या नाटकांत बाहेरचे कलाकार बोलवण्याऐवजी मुलांना आणि त्यांचा पालकांना सहभाग घेण्यास सांगण्यात आले होते. त्यामुळे दीपिका आणि कार्तिकी त्यांची टीम बनवून, त्यात कार्तिक आणि दीपाला सामील व्हायला लावतात. या दरम्यान आता ते दोघे एकमेकांजवळ आले आहेत.
दीपिका-कार्तिकी मिळून बनवणार प्लॅन
दीपिका आणि कार्तिकी मिळून दीपा आणि कार्तिकला एकत्र आणण्यासाठी अनेक वेगवेगळ्या शकला लढवत आहे. नाटुकलीत राम-सीतेची भूमिका निभावल्यानंतर आता कार्तिकी-दीपिकाला ते आपले खरे आई-वडील बनावेत, असे वाटू लागले आहे. यासाठी त्या दोघी सतत दीपा आणि कार्तिकला एकत्र आणण्यासाठी प्रयत्न करत आहेत. आता त्यांनी आयेशाला कार्तिकपासून दूर ठेवण्यासाठीचे प्रयत्न देखील सुरु केले आहेत. जेव्हाही कार्तिकला आयेशाचा फोन येतो तेव्हा त्या दोघी मिळून काहीना काही असं घडवून आणतात, ज्यामुळे दोघांची भेट टळते.
सौंदर्या करणार मदत!
आता दीपिका आणि कार्तिकीच्या या प्रयत्नांना आजी सौंदर्याची देखील मदत मिळणार आहे. दीपा आणि कार्तिकला या धोघी एकत्र का आणू इच्छितात, हे जाणून घेतल्यावर आता सौंदर्या देखील दोघींची साथ देणार आहे. दीपा आणि कार्तिक खरोखर एकमेकांचे पती-पत्नी आहेत आणि या दोन्ही मुली त्यांच्या आहेत, हे सत्य अद्याप सौंदर्याने मुलींना कळू दिलेली नाही. त्यामुळे आता जर दीपा आणि कार्तिक पुन्हा एकत्र आले तर, सगळ्यांनाच आनंद होईल, म्हणून ती देखील या चिमुकल्या नातींच्या प्लॅनमध्ये सामील झाली आहे.
हेही वाचा :