Premachi Goshta Latest Episode : छोट्या पडद्यावरील लोकप्रिय मालिकांमध्ये स्टार प्रवाहवरील 'प्रेमाची गोष्ट' (Premachi Goshta) या मालिकेचा समावेश आहे. मालिकेचा आजचा भाग खूपच रोमँटिक असणार आहे. मालिकेच्या आजच्या भागात सई आणि मुक्तासाठी सागर खास पुरणपोळी बनवताना दिसणार आहे.
'प्रेमाची गोष्ट' मालिकेच्या आजच्या भागात काय पाहायला मिळणार? (Premachi Goshta Todays Episode)
'प्रेमाची गोष्ट' मालिकेच्या आजच्या भागाच्या सुरुवातीचा बापू त्यांच्या गळ्यातील सोन्याची चैन काढून मुक्ताला बक्षीस म्हणून देतात. ते म्हणतात "पोरी ही मला माझ्या आईने दिली होती. आता माझ्याकडून तुला. नाही म्हणू नको. हा माझा आशीर्वाद आहे किंवा कौतुक. माणसाचे विचार खूप महत्त्वाचे असतात. सून म्हणून घरी आलीस आणि या घरचीच होऊन गेलीस". दरम्यान इंद्रा बापूंना थांबवत म्हणते,"सूनेचं कौतुक बास झालं नाहीतर ती उद्या तुमच्या डोक्यावर मिऱ्या वाटेल". मुक्तामुळे सागर आपल्यापासून दूर गेल्याचं इंद्राला वाटतं. त्यामुळे मुक्ताला त्रास देण्यासाठी ती वेगवेगळे प्रयत्न करते.
दुसरीकडे हर्ष एका डीलसंदर्भात कॉलवर बोलत असताना सावनी त्याला त्रास देण्याचा प्रयत्न करते. हर्षला सावनी थेट विचारते,"आपण लग्न कधी करणार आहोत?". त्यानंतर हर्ष आणि सावनीमध्ये बाचाबाची होते. हर्षने आदित्यला लवकरात लवकर दत्तक घ्यावं अशी इच्छा सावनी व्यक्त करते. दरम्यान हर्षला मिळणारं डील सागरला मिळतं. त्यामुळे हर्षचा राग अनावर होतो. हर्ष सावनीला ओरडताना आदित्य पाहतो. त्यानंतर हर्ष लगेच मी तुझ्यावर चिडायला नको होतो असं म्हणत तिची समजूत घालतो.
मुक्तासाठी सागर बनवणार पुरणपोळी
सागर आणि मुक्तामध्ये प्रेम फुलत असल्याचं मालिकेत पाहायला मिळत आहे. दरम्यान सागर मुक्ताच्या आईला विचारतो तिला खायला काय आवडतं. त्यावर आई त्याला मुक्ताला पुरणपोळी आवडत असल्याचं सांगते. त्यानंतर सागर स्वत:च्या हाताने मुक्ता आणि सईसाठी खास पुरणपोळी बनवतो. आता सागरने बनवलेली पुरणपोळी मुक्ताला आवडणार का? हे जाणून घेण्यासाठी प्रेक्षकांना मालिका पाहावी लागेल. 'प्रेमाची गोष्ट' ही मालिका गेल्या काही दिवसांपासून प्रेक्षकांचं चांगलच मनोरंजन करत आहे.
संबंधित बातम्या