Nikki Tamboli : निक्की तांबोळी (Nikki Tamboli) हीने बिग बॉसच्या (Bigg Boss Marathi New Season) टास्क पार केल्यानंतर आता तिला बिग बॉसच्या ग्रँड फिनालेचं पहिलं तिकिट मिळालं आहे. त्यामुळे बिग बॉस मराठीच्या पाचव्या सीझनच्या ग्रँड फिनालेमध्ये एन्ट्री मिळवणारी निक्की ही पहिली सदस्य ठरली आहे. ग्रँड फिनालेचं तिकीट मिळवण्यासाठी निक्की आणि सूरजमध्ये टास्क रंगला होता. यावेळी निक्कीने बाजी मारत तिकीट मिळवलं.
बिग बॉसच्या घरात पहिल्या आठवड्यापासून निक्कीने जोरदार कल्ला केला होता. तिने बिग बॉसचं घरं अगदी गाजवून सोडलं होतं. त्याचप्रमाणे तिच्या वागण्यावरही प्रेक्षकांमधून संताप व्यक्त केला जात होता. त्याचप्रमाणे निक्कीला घराबाहेर काढा अशी मागणी वारंवार होत होती. पण आता त्याच निक्कीने बिग बॉसच्या ग्रँड फिनालेचं पहिलं तिकीट मिळवलं आहे.
निक्कीने मिळवलं फिनालेचं तिकीट
गार्डन एरियामध्ये लोखंडच्या पाईपचे एक चक्रव्युह ठेवण्यात आलं होतं आणि त्याच चक्रव्युहात एक रिंग अडकवण्यात आली होती. या टास्कमध्ये म्युचअल फंडमध्ये सर्वाधिक रक्कम असल्यामुळे निक्की तिकीट टू फिनालेची थेट उमेदवार झाली. त्याचप्रमाणे झेंडाच्या टास्कमध्ये सूरजने बाजी मारली. त्यामुळे तो दुसरा उमेदवार झाला.
या दोन्ही उमेदवारांना बिग बॉसने घोषणा केल्यानंतर चक्रव्युहाजवळ जाऊन उभं राहायचं असतं. या चक्रव्युहातली रिंग बजर वाजल्यानंतर स्पर्धकांना स्टार्ट पॉईंटपासून ते एंड पॉईंटपर्यंत घेऊन जायची होती. त्या रिंगचा त्या चक्रव्युहाला स्पर्श होऊ द्यायचा नव्हता. त्यामुळे पेनल्टी म्हणून एकूण कार्याच्या वेळेत प्रत्येक स्पर्शाला 30 सेकंदाची वाढ झाली. या टास्कमध्ये निक्कीने बाजी मारली आणि तिकीट टू फिनाले मिळवलं.