Bigg Boss Marathi Bhaucha Dhakka : बिग बॉस मराठी भाऊच्या धक्क्यावर आज काय होणार याकडे सर्वांचच लक्ष लागलं आहे. 'बिग बॉस मराठी'च्या कालच्या भाऊच्या धक्क्यावर रितेश भाऊने जान्हवीची चांगलीच हजेरी घेतली. भाऊच्या धक्क्यावर जान्हवीला स्थान न देता तिला जेलची शिक्षादेखील सुनावली. आज भाऊच्या धक्क्यावर खास पाहुण्याची एन्ट्री होणार आहे. यामुळे सदस्यांची मात्र पंचाईत होणार आहे.
निक्की-अरबाजच्या नात्यात दुरावा?
आजच्या भाऊच्या धक्क्याचा नवीन प्रोमो समोर आला आहे. भाऊच्या धक्क्यावर सदस्य निर्भीड दुर्गाच्या प्रश्नांना सामोरे जाताना दिसून येतील. कलर्स मराठी वाहिनीवर 'दुर्गा' ही नवी मालिका 26 जुलैपासून दररोज संध्याकाळी 7.30 वाजता प्रेक्षकांना पाहायला मिळणार आहे. या निमित्ताने 'दुर्गा' मालिकेची टीम आज बिग बॉस मराठीच्या घरात हजेरी लावणार आहे. आज भाऊच्या धक्क्यावर दुर्गा मालिकेच्या कलाकारांनी अर्थात रूमानी खरे, अंबर गणपुले आणि शिल्पा नवलकर यांनी हजेरी लावणार आहेत. दुर्गाने घेतलेल्या रॅपिड फायरमध्ये प्रश्नांची उत्तर देताना सदस्यांच्या तोंडचं पाणी पळणार असल्यां दिसून येत आहे. रॅपिड फायर राऊंडमध्ये कोण जिंकणार हे पाहणं उत्सुकतेचं ठरणार आहे.
टीम ए फूट पडण्याची चिन्हं
भाऊच्या धक्क्यावर दुर्गाच्या प्रश्नांची उत्तर देताना सदस्यांची पंचाईत होणार आहे. दरम्यान, प्रोमो पाहता अरबाज आणि निक्कीच्या नात्यात दुरावा आल्याचं दिसून येत आहे. काल भाऊच्या धक्क्यावर रितेश भाऊने अरबाजला निक्कीचं पायपुसन असल्याचं म्हटलं होतं. त्यानंतर अरबाजच्या चेहऱ्यावरील हावभाव बदलल्याचं लक्षात आलं. आता नवीन प्रोमो पाहता, निक्की आणि अरबाजमध्ये फूट पडण्याची चिन्हं दिसत आहेत. त्याशिवाय, या दोघांमध्ये फूट पडल्यास टीम एमध्ये फूट पडेल, त्यामुळे पुढे काय होतं, याची प्रेक्षकांना उत्सुकता लागली आहे.
"प्रेम करुन बघितलं आता गेम सारखंच वाटतंय"
भाऊच्या धक्क्याच्या आजच्या प्रोमोमध्ये दुर्गा डीपीदादाला विचारतेय,"आई आणि बायकोला फोन कॉल की एक किलो मटन". वैभवला विचारतेय,"कोणाची मैत्री जास्त महत्त्वाची आहे इरिना की अरबाज", अरबाजला विचारतेय,"या घरात तुम्हाला काय महत्त्वाचं वाटतं प्रेम की गेम". यावर अरबजा उत्तर देताना म्हणतो की, "प्रेम करुन बघितलं, गेम सारखंच वाटतंय, तर आता गेम महत्त्वाचा आहे". आता रॅपिड फायरमध्ये सदस्य काय उत्तर देणार हे जाणून घेण्याची प्रेक्षकांची उत्सुकता वाढली आहे.
महत्त्वाच्या इतर बातम्या :