Bigg Boss Marathi Season 5 : बिग बॉसच्या घरात (Bigg Boss Marathi New Season) जसेजस आठवडे सरत आहेत, तसातसा खेळ अधिक रंगतदार होत चाललाय. त्याचप्रमाणे आतापर्यंत घरातील चार सदस्यांना खेळ संपला असून आता कोणत्या सदस्याचा खेळ संपणार याचीही उत्सुकता प्रेक्षकांना लागून राहिली आहे. त्याचसाठी पाचव्या आठवड्यातील नॉमिनेशन कार्य आता पार पडलं असून या आठवड्यात चार सदस्य घराबाहेर जाण्याच्या प्रक्रियेसाठी नॉमिनेट झालेत.
पाचव्या आठवड्या बिग बॉसच्या घराबाहेर निक्की, अभिजीत, वर्षा आणि अरबाज हे सदस्य नॉमिनेट झालेत. नॉमिनेशनसाठी मानकाप्या हे कार्य पार पडलं. घरातील सदस्य हे सध्या जोड्यांमध्ये बांधले गेले आहेत. त्यामुळे नॉमिनेशनही जोड्याचं झालं. यामध्ये वर्षा अंकिता ही जोडी आणि निक्की अभिजीत ही जोडी नॉमिनेट झाली.
घरातील सदस्यांमध्ये वाद
दरम्यान घरातील सदस्यांमध्ये सध्या बरेच राडे सुरु आहेत. कारण निक्कीला तिच्यामागून तिच्याविषयी होणाऱ्या गॉसिपविषयी माहिती झालीये. त्यामुळे तिने ग्रुप A मधून बाहेर पडण्याचा निर्णय घेतला. त्यानंतर आता अभिजीत आणि ती एकत्र येऊन खेळणार असल्याचं चित्र सध्या घरात आहे. तसेच जान्हवी आणि निक्कीमध्येही टोकाचे वाद होत असल्याचं सध्या पाहायला मिळतंय.
निक्की, अरबाज आणि जान्हवीची जुंपली
'बिग बॉस मराठी'च्या नव्या प्रोमोमध्ये निक्की, वैभव आणि जान्हवीमध्ये झालेला राडा पाहायला मिळतोय. निक्की म्हणतेय,"बिग बॉस मराठीच्या घराची मी महाराणी आहे". त्यावर जान्हवी म्हणते,"तू नोकराणी पण होऊ शकत नाहीस". त्यावर निक्की वैभवला म्हणते,"कॅप्टन तरी तुम्ही होऊ शकता का?". निक्कीला उत्तर देत वैभव म्हणतो,"न्हासके... बास कर". त्यावर निक्की त्याला बच्चू आणि भुसनाळ्या म्हणते. पुढे वैभव निक्कीला म्हणतो,"तोंड दिलंय म्हणून काहीही बोलू नको. तुझी मस्ती जिरवली नाही ना तर बघ".