Majhi Tujhi Reshimgath : 'माझी तुझी रेशीमगाठ' (Majhi Tujhi Reshimgath) ही मालिका सध्या लोकप्रियतेच्या शिखरावर आहे. मालिकेतील यश आणि नेहाच्या जोडीला प्रेक्षकांची चांगलीच पसंती मिळत आहे. यश-नेहा नुकतेच लग्नबंधनात अडकले आहेत. नेहा यशचा सुखी संसार नुकताच सुरू झाला आहे. अशातच मालिकेत नवा ट्विस्ट येणार आहे. मालिकेत यशच्या पहिल्या नवऱ्याची एन्ट्री होणार आहे.
नेहाच्या पहिल्या नवऱ्याचे नाव अविनाश असे आहे. आता मालिकेत एक ट्विस्ट पाहायला मिळणार आहे. अविनाश आता यशच्या पॅलेसमध्ये ड्रायव्हर म्हणून कामाला लागणार आहे. प्रोमोमध्ये म्हटले आहे, मालिकेच्या प्रोमोमध्ये अविनाश पॅलेसमध्ये ड्रायव्हर म्हणून जातो. परीसाठी लहान मुलीला ड्रायव्हर म्हणून बोलावलं आहे, असं तो सांगतो. दरम्यान अविनाश परीला सांगतो, अखेर तुझ्या पॅलेसमध्ये मी आलोय नेहा, आता तु माझी बायको नसली तरी परी माझी मुलगी आहे."
'माझी तुझी रेशीमगाठ' मालिकेत येणार नवं वळण
'माझी तुझी रेशीमगाठ' या मालिकेत आता नवं वळण येणार आहे. मालिकेत आता अविनाश परीचा ड्रायव्हर म्हणून दिसणार आहे. परीला तिच्या खऱ्या वडिलांची ओळख पटणार का, असा प्रश्न प्रेक्षकांना पडला आहे. अविनाश पॅलेसवर आल्यामुळे मालिकेत एक नवं नाट्य सुरू होणार आहे. अविनाशच्या मदतीने सिम्मी काकू नवी खेळी खेळणार का? असाही प्रश्न प्रेक्षकांना पडला आहे.
श्रेयस तळपदे (Shreyas Talpade) आणि प्रार्थना बेहरे (Prarthana Behere) 'माझी तुझी रेशीमगाठ' या मालिकेत मुख्य भूमिकेत आहेत. तसेच या मालिकेचे मुख्य आकर्षण म्हणजे नेहाची गोड मुलगी अर्थात परी. परीची भूमिका साकारणारी मायरा वायकुळने (Mayra Vaikul) आपल्या निरागस अभिनयाने प्रेक्षकांच्या मनावर राज्य केले आहे.
संबंधित बातम्या