Jawan: अभिनेता शाहरुख खानचा (Shah Rukh Khan) 'जवान' (Jawan) हा चित्रपट रिलीज झाला आहे. या चित्रपटामधील शाहरुखच्या विविध लूक्सनं अनेकांचे लक्ष वेधले. आता 'महाराष्ट्राची हास्यजत्रा' (Maharashtrachi Hasyajatra)  फेम कलाकार पृथ्वीक प्रतापनं (Prithvik Pratap) नुकताच एक खास व्हिडीओ शेअर केला आहे. या व्हिडीओमध्ये दिसत आहे की, पृथ्वीकनं शाहरुखच्या जवान या चित्रपटामधील लूकसारखा हुबेहूब लूक केला आहे.


पृथ्वीक प्रतापनं शेअर केलेल्या व्हिडीओमध्ये तो  'बेकरार करके हमें यूँ न जाइये'  या गाण्यावर डान्स करताना दिसत आहे. या व्हिडीओमध्ये तो टक्कल, डोळ्यावर गॉगल आणि  लाल कलरचं जॅकेट अशा लूकमध्ये दिसत आहे. या व्हिडीओला पृथ्वीकनं कॅप्शन दिलं, 'जवानच्या पार्श्वभूमीवर हे रील आणि दहिहंडीच्या पार्श्वभूमीवर माझी हंडी म्हणजे माझं टक्कल सादर करतोय.'


नेटकऱ्यांच्या कमेंट्स


पृथ्वीक प्रतापनं शेअर केलेल्या या व्हिडीओवर नेटकऱ्यांनी लाइक्स आणिअ कमेंट्सचा वर्षाव केला आहे. एका नेटकऱ्यानं या व्हिडीओला कॅप्शन दिलं, 'असं वाटल खरच टाकलू झाला आहेस तू' तर दुसऱ्या युझरनं कमेंट केली, 'वा दादा!'


पाहा व्हिडीओ:






जवान चित्रपटामधील एका सीनमध्ये  शाहरुख हा मेट्रोमध्ये 'बेकरार करके हमें यूँ न जाइये' या गाण्यावर डान्स करताना दिसत आहे. या गाण्याच्या डान्स स्टेप्स शाहरुख खानने स्वत: कोरिओग्राफ केल्या आहेत. शाहरुखच्या या डान्सचं कौतुक अनेक जण करत आहेत. आता पृथ्वीक प्रतापनं देखील शाहरुख प्रमाणेच 'बेकरार करके हमें यूँ न जाइये'  या गाण्यावर डान्स केला आहे.


'महाराष्ट्राची हास्यजत्रा' या कार्यक्रमातील पृथ्वीक प्रतापसोबतच समीर चौघुले, विशाखा सुभेदार, नम्रता संभेराव, दत्तू मोरे, गौरव मोरे, प्रसाद खांडेकर आणि वनिता खरात यांनी काम केले.


जवान चित्रपटाची स्टार कास्ट


अॅटलीनं जवान या चित्रपटाचं दिग्दर्शन केलं आहे. या चित्रपटात शाहरुखसोबतच  नयनतारा, विजय सेतुपती, दीपिका पादुकोण, संजय दत्त, सान्या मल्होत्रा, प्रियामणी, रिद्धि डोगरा, गिरिजा ओक या कलाकारांनी या चित्रपटात महत्वाच्या भूमिका साकारल्या आहेत. 


इतर महत्वाच्या बातम्या:


Jawan Box Office Collection Day 1: शाहरुखच्या 'जवान'नं पहिल्याच दिवशी रचला इतिहास, केली छप्परफाड कमाई; जाणून घ्या बॉक्स ऑफिस कलेक्शन...