Swayamvar Mika Di Vohti :  प्रसिद्ध गायक  मिका सिंहच्या (Mika Singh) गाण्यांना प्रेक्षकांची पसंती मिळते. लवकरच मिका विवाहबंधनात अडकणार आहे. 'स्टार भारत'च्या  'स्वयंवर: मिका दी वोटी' (Swayamvar: Mika Di Vohti)  या शोमधून मिका आपली आयुष्यभराची जोडीदार निवडणार आहे. या कार्यक्रमाच्या पहिल्या एपिसोडमध्ये  कपिल शर्मा (Kapil Sharma), कृष्णा अभिषेक (Krushna Abhishek), दिलेर मेहंदी (Daler Mehndi) यांनी हजेरी लावली. या कार्यक्रमाच्या पहिल्या एपिसोडमध्ये  कृष्णानं पुष्पा चित्रपटातील 'सामी-सामी' गाण्यावर डान्स केला. 
 
कृष्णा अभिषेकनं 'स्वयंवर: मिका दी वोटी' च्या सेटवर चेहऱ्यावर ओढणी घेऊन एन्ट्री केली. 'मैं आई हूं यूपी-बिहार लूटने' या गाण्यावर तसेच सामी-सामी या गाण्यावर मिका सिंहसोबत कृष्णानं डान्स केला. 'स्वयंवर: मिका दी वोटी' च्या पहिल्या एपिसोडमध्ये शोमध्ये सहभागी झालेल्या 12 मुलींनी एकमेकांसोबत गप्पा मारल्या तसेच या मुली त्यांच्या वेगवेगळ्या अंदाजानं मिकाचं मन जिंकण्याचा प्रयत्न केला. 






मिकाच्या स्वयंवरात पहिल्याचं दिवशी भांडण


नीत आणि बुशरा यांच्यामध्ये स्वयंवराच्या पहिल्याच दिवशी भांडण झालं. या एपिसोडच्या व्हायरल झालेल्या व्हिडीओमध्ये नीत ही बुशरा म्हणते, 'गेम ही नेहमी आपल्या लेव्हलच्या खेळाडूसोबत खेळावा.' यावर बुशरा म्हणते, 'मिका सिंह ट्रोफी नाहीये, इथे तू काय जिंकायला आणि हरायला आली आहे?' यावर नीत म्हणते, मी इथे कोणालाच माझा स्पर्धक मानत नाही. त्यानंतर बुशरा म्हणते, 'ये तो सच में सस्ती वाली कटरीना कैफ है' हे ऐकून मिका देखील थक्क होतो. 


'स्वयंवर मिका दी वोटी' या कार्यक्रमात एकूण 12 मुली सहभागी होणार आहेत. 45 वर्षीय मिका सिंह 12 मुलींमधून एकीची निवड करणार आहे. या कार्यक्रमात सहभागी होण्यासाठी देशातील विविध कानाकोपऱ्यातून मुली आल्या आहेत. 12 मुलींमधून मिका जोडीदार म्हणून कोणाची निवड करणार, हे पाहणं मनोरंजक ठरणार आहे. 12 मुलींपैकी मिका लग्नासाठी कोणत्या मुलीची निवड करेल? या प्रश्नाचे उत्तर लवकरच प्रेक्षकांना मिळणार आहे. मिका हा बॉलिवूडमधील प्रसिद्ध गायक आहे. त्याच्या 'पार्टी तो बनती है', 'सुबह होने न दे', 'रानी तू मैं राजा' या गाण्यांमुळे मिकाला विशेष लोकप्रियता मिळाली. 


हेही वाचा: