Karan Johar Salary Per Episode : सिने निर्माता करण जोहरचा (Karan Johar) 'कॉफी विथ करण' (Kofee With Karan) हा कार्यक्रम लवकरच प्रेक्षकांच्या भेटीला येणार आहे. करणचे चाहते या कार्यक्रमासाठी उत्सुक आहेत. 7 जुलैपासून हा कार्यक्रम प्रेक्षकांच्या भेटीला येणार असला तरी आतापासूनच या कार्यक्रमाच्या चर्चांना सुरुवात झाली आहे. या कार्यक्रमाच्या एका एपिसोडसाठी करण एक ते दोन कोटींचे मानधन घेतो.
'कॉफी विथ करण'च्या एका एपिसोडसाठी करण किती मानधन घेतो जाणून घ्या?
बॉलिवूड अभिनेता करण जोहरचे नाव बॉलिवूडच्या लोकप्रिय सेलिब्रिटींच्या यादीत घेतले जाते. 'कॉफी विथ करण' या कार्यक्रमामुळे करणला लोकप्रियता मिळाली आहे. या कार्यक्रमाच्या सुत्रसंचालनाची धुरा करण सांभाळतो. रिपोर्टनुसार, करण एका एपिसोडसाठी एक ते दोन कोटींचे मानधन घेतो.
'कॉफी विथ करण' लवकरच होणार सुरू
'कॉफी विथ करण' या कार्यक्रमात करण जोहर जवळजवळ 20 भागांचे सुत्रसंचालन करत असतो. येत्या भागातही 20 ते 22 भाग करण होस्ट करणार आहे. 'कॉफी विथ करण'च्या पूर्ण सीझनसाठी करण कोट्यवधींचे मानधन घेतो. सध्या सुरू होणाऱ्या 'कॉफी विथ करण'च्या आगामी भागासाठी करण 40 कोटींचे मानधन घेणार आहे.
7 जुलैला डिज्नी प्लस हॉटस्टारवर होणार प्रीमियर
'कॉफी विथ करण' या कार्यक्रमाचा प्रीमियर 7 जुलैला डिज्नी प्लस हॉटस्टारवर होणार आहे. त्यामुळे प्रेक्षकांना घरबसल्या कॉफीचा आस्वाद घेत हा कार्यक्रम प्रेक्षकांना पाहायला मिळणार आहे. 'कॉफी विथ करण' या कार्यक्रमामध्ये अनेक सेलिब्रिटी त्यांच्या वैयक्तिक आयुष्यातीन अनुभव शेअर करत असतात. आमिर खान, शाहरूख खान, अमिताभ बच्चन आणि सलमान खान यांसारख्या अनेक कलाकारांनी या कार्यक्रमात हजेरी लावली आहे. आता हा कार्यक्रम पुन्हा सुरू होणार असल्याने प्रेक्षक उत्सुक आहेत.
संबंधित बातम्या