Jahnavi Killekar Evicted From Bigg Boss Marathi Season 5 : जान्हवी किल्लेकर (Jahnavi Killekar ) हिने सात लाख रुपये घेऊन बिग बॉसच्या घराबाहेर (Bigg Boss Marathi New Season) पडण्याचा निर्णय घेतला आहे. सुरुवातीपासूनच जान्हवीचा एक आक्रमक खेळ पाहायला मिळाला. तिच्या त्या खेळामुळे तिला प्रेक्षकांची नाराजीलाही समोरं जावं लागलं. पण आता ट्रॉफीच्या इतक्या जवळ जाऊन जान्हवीने माघार घेतल्याचं पाहायला मिळालं आहे. जान्हवी नऊ लाख रुपये घेऊन घराच्या बाहेर पडली आहे. 


निक्कीसोबत राहून जान्हवीने अगदी पहिल्या दिवसांपासून घरात तुफान राडे केले. त्यातच तिने वर्षा उसगांवकरांसोबत केलेल्या वागणुकीमुळे तिला जेलचीही शिक्षा देण्यात आली. पण त्यानंतर मात्र जान्हवीने निक्कीची साथ सोडली आणि तिचा एकटीचा खेळ सुरु केला. यामध्येही तिला यश आल्याचं पाहायला मिळत आहे. 


जान्हवी किल्लेकर कोण? 


जान्हवीने छोट्या पडद्यापासून सुरुवात केली आहे. कलर्स मराठी वाहिनीवरील भाग्य दिले तू मला या मालिकेत जान्हवी खलनायिकेच्या भूमिकेत होती. त्याचप्रमाणे ती एक उत्तम नर्तिका देखील आहे. आतापर्यंत मालिकांच्या माध्यमातून जान्हवी प्रेक्षकांच्या भेटीला आली आहे. त्यानंतर जान्हवीने बिग बॉसच्या घरातही एन्ट्री केली. अगदी तिचा प्रवास ग्रँड फिनालेपर्यंत आला होता. पण आता तिचा प्रवास इथेच संपला आहे. 


बिग बॉस मराठीचा पाचवा सीझन 


28 जुलैपासून बिग बॉस मराठीच्या पाचव्या सीझनला सुरुवात झाली होती. एकूण 16 स्पर्धकांनी प्रवेश केला होता. पुरुषोत्तम दादा पाटील, योगिता चव्हाण, निखिल दामले, इरिना रुडाकोव्हा, घन:श्याम दरवडे, वैभव चव्हाण, पंढरीनाथ कांबळे, वर्षा उसगांवकर, अरबाज पटेल, धनंजय पोवार, अंकिता वालावलकर, निक्की तांबोळी, जान्हवी किल्लेकर, अभिजीत सावंत, सूरज चव्हाण, आर्या जाधव या स्पर्धकांनी 28 जुलै रोजी बिग बॉसच्या घरात एन्ट्री केली. त्यानंतर संग्रामने वाईल्ड कार्ड एन्ट्री घेतली. पण यातील एक एक करुन 10 स्पर्धक एलिमिनेट होत गेले.                  






ही बातमी वाचा : 


Bigg Boss Marathi Season 5 Grand Finale : सूरज-अभिजीतचा झापुक झूपक तर जान्हवी निक्कीचा धाडक जलवा, अंकिता-धनंजयची विनोदी शैली; बिग बॉस मराठीच्या ग्रँड फिनालेची धमाकेदार सुरुवात