Bigg Boss Marathi 3 : अच्छा तो हम चलते है! गोल्डमॅन दादूसने घेतला 'बिग बॉस मराठी'च्या घराचा निरोप

Bigg Boss Marathi 3 : बिग बॉस मराठीच्या घरातून आज दादूस म्हणजेच संतोष चौधरी बाहेर पडला आहे.

Bigg Boss Marathi 3 : बिग बॉस मराठीच्या चावडीवर काही सदस्यांची महेश मांजरेकरांनी चांगलीच शाळा घेतली. त्यांना त्यांच्या चुका दाखवून दिल्या आहेत. तसेच जे सदस्य घरामध्ये किंवा टास्कमध्ये दिसत नाहीत त्यांनादेखील ते कुठे कमी पडत आहेत ते सांगितले आहे. या आठवड्यात बिग बॉस मराठीच्या घरातून दादूस म्हणजेच संतोष चौधरी बाहेर पडला आहे. 

आगरी कोळी संगीताने बिग बॉसच्या घरात दादूसने प्रेक्षकांचे चांगलेच मनोरंजन केले होते. बिग बॉस मराठीच्या घरात पहिल्याच आठवड्यात दादूस सेंटर ऑफ अॅट्रॅक्शन बनला होता. महेश मांजरेकरांनीदेखील दादूसच्या खेळीचे कौतुक केले होते. पण या आठवड्यात दादूस डेंजर झोनमध्ये असल्याने त्यांना बिग बॉस मराठीच्या घरामधून बाहेर जावे लागले.

चावडीत विशाल आणि जयने प्रेक्षकांची अतरंगी डिमांडदेखील पूर्ण केली. नॉमिनेशन कार्यात या आठवड्यात घराबाहेर पडण्याच्या प्रक्रियेमध्ये दादूस, मीरा, मीनल, विकास आणि सोनाली नॉमिनेट झाले होते. मीरा आणि दादूस डेंजर झोनमध्ये होते ज्यामध्ये संतोष चौधरी म्हणजेच दादूस यांना बिग बॉस मराठीच्या घरामधून बाहेर जावे लागले. आता बिग बॉस मराठीच्या घरामध्ये उरले आहेत टॉप 8 सदस्य. 

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha