Bigg Boss 18: बिगबॉसच्या घरात सध्या नव्या एन्ट्रीची एकच चर्चा आहे. वाइल्डकार्ड एन्ट्रीनं बिगबॉसचं घर दणाणलं आहे. घरात आल्या आल्याच आता या दोन्ही स्पर्धकांनी वादावादी करत घराचा नूरच पालटला. आता व्हिडिओतूनही ते स्पर्धकांवर गुरगुरल्याचं दिसतंय. दिग्विजयनं घरात येतानाच विवियनला टार्गेट केल्याचं दिसलं. घरातल्या पहिल्याच दिवशी त्यानं विवियनला डिवचलं आहे. बिगबॉसच्या घरातील कामाच्या वाटणीतलं बाथरुम साफ करण्याचं काम विवियनने दिग्विजयला करायला सांगितल्यानंतर त्यानं विवियनला स्पष्ट नकार दिला. विवियनने सांगितलेल्या प्रत्येक गोष्टीवर दिग्विजय नाही म्हणत होता. या दोघांच्या वादाचा एक प्रोमो नुकताच कलर्स टीव्हीने शेअर केला आहे.
नक्की काय झालं घरात?
बिगबॉसच्या घरात दिग्विजय राठी आणि कशीश कपूर यांची रविवारी वाईल्डकार्ड एन्ट्री झाली. यावेळी दोघांनीही स्पर्धकांना आपली ओळख करून दिली. यावेळी दिग्विजयनं विवियन घरातल्यांचा लाडका असेल पण मी जनतेचा लाडका होण्यासाठी आलो आहे. असं म्हणाला होता. आता घरात त्याच्या पहिल्याच दिवशी दिग्विजयनं विवियनचा पारा चढवल्याचं दिसतंय. घरात आल्यानंतर विवियनने दिग्विजयला त्याची घरातील कामाची जबाबदारी सांगितली. बाथरुम साफ करण्यासाठी त्याला सांगितल्यानंतर दिग्विजयने त्याला स्पष्ट नकार दिला. त्याला का हे काम करायचं नाही विचारल्यानंतर असंच मला काम करायची इच्छा नसल्याचं तो म्हणाला. यावर विवियनही संतापाने लाल झाल्याचं दिसलं.
या सीजनमध्ये कुठलाही स्पर्धक पसंत पडेना
दिग्विजय आणि कशीश घरात घेण्यापूर्वी त्या दोघांच्या परिचयाचा व्हिडिओ घरातल्यांना दाखवण्यात आला. यात दिग्विजय या घरातील कोणताही स्पर्धक त्याच्या पसंतीस न पडल्याचं तो सांगताना दिसतोय. यावेळी विवियन तू घरातल्यांचा लाडका असशील.. पण मी जनतेचा लाडका व्हायला आलोय असं दिग्विजय म्हणाला. तर कशिशने अभिजीत प्रचंड उद्धट असून त्याला हे कोणीतरी सांगितलं पाहिजे असं सांगताना दिसतीये. ईशाही खूप स्वार्थी असल्याचं ती म्हणली.