Debina Gurmeet Doughter Divisha Photo : छोट्या पडद्यावरील प्रसिद्ध कपल देबिना बॅनर्जी (Debina Bonnerjee) आणि गुरमीत चौधरी (Gurmeet Choudhary) नेहमीच त्यांची पर्सनल लाईप सोशल मीडियावर चाहत्यांबरोबर शेअर करत असतात. देबिनाने काही महिन्यांपूर्वीच आपल्या दुसऱ्या गोंडस मुलीला जन्म दिला आहे. दुसऱ्या मुलीचा जन्म झाल्यानंतर चाहत्यांना मुलीचा चेहरा पाहण्याची भयंकर उत्सुकता होती. नुकताच या कपलने आपल्या दुसऱ्या मुलीचाही चेहरा रिव्हील केला आहे. हे फोटो सध्या खूप व्हायरल होत आहेत.
देबिना बॅनर्जी आणि गुरमीत चौधरी यांनी अनेक वर्षांच्या डेटिंगनंतर 2011 मध्ये लग्न केले. 'रामायण'मधील राम-सीतेच्या भूमिकेमुळे त्यांना प्रेक्षकांकडून भरभरून प्रेम मिळालं. लग्नाच्या 11 वर्षानंतर, या कपलला एप्रिल 2022 मध्ये एक मुलगी झाली. जिचे नाव त्यांनी लियाना ठेवले. 6 नोव्हेंबर 2022 रोजी देबिना आणि गुरमीत दुसऱ्यांदा पालक झाले. त्यांनी त्यांच्या लहान मुलीचे नाव दिविशा ठेवले आहे.
देबिना-गुरमीतने दुसऱ्या मुलीचा चेहरा रिव्हिल केला
देबिना आणि गुरमीत यांची मुलगी प्री-मॅच्युअर होती. यामुळे या कपलने आपल्या बाळाला बराच काळ लाईमलाईटपासून दूर ठेवले होते. त्यांनी 1 जानेवारी 2023 रोजी आपल्या मुलीचं नाव जगाला सांगितलं होतं आणि आज त्यांनी आपल्या मुलीचा चेहरा रिव्हील केला आहे. गुरमीत आणि देबिनाने इन्स्टाग्राम अकाउंटवर फॅमिली फोटो शेअर केले आहेत.
फॅमिली फोटोमध्ये, देबिना आणि गुरमीत त्यांच्या दोन लाडक्या मुलींबरोबर कॅमेरासाठी पोज देताना दिसत आहेत. देबिनाने तिची धाकटी मुलगी दिविशाला आपल्या हातात घेतलं आहे, तर गुरमीतने लियानाला आपल्या हातात घेतलं आहे. गुरमीत रॉयल ब्लू कलरच्या कोट पँटमध्ये खूपच सुंदर दिसत आहे. तर, देबिना पर्पल कलरच्या ड्रेसमध्ये खूपच सुंदर दिसत आहे. या कपलप्रमाणे त्यांच्या मुलीही खूप सुंदर दिसत आहेत. गुलाबी रंगाच्या फ्रॉकमध्ये लियाना जहाँ सुंदर दिसत आहे, तर दिविशा पांढऱ्या रंगाच्या फ्रॉकमध्ये परीसारखी सुंदर दिसत आहे.
हा फोटो शेअर करताना कपलने कॅप्शनमध्ये लिहिले की, “हाय वर्ल्ड! ही आमची मुलगी दिविशा आहे.” सोशल मीडियावर सेलिब्रिटींपासून चाहत्यांपर्यंत सर्वजण या फोटोवर शुभेच्छांचा वर्षाव करत आहेत.
महत्त्वाच्या बातम्या :