Chala Hawa Yeu Dya: 'चला हवा येऊ द्या' (Chala Hawa Yeu Dya) या छोट्या पडद्यावरील कार्यक्रमामध्ये विविध सेलिब्रिटी हजेरी लावत असतात. आता या कार्यक्रमामध्ये बच्चेकंपनीची एन्ट्री होणार आहे. सध्या 'चला हवा येऊ द्या' या कार्यक्रमाचा एक प्रोमो सोशल मीडियावर व्हायरल झाला आहे. या प्रोमोमध्ये माझी तुझी रेशीमगाठ फेम मायरा वैकुळ (Myra Vaikul) दिसत आहे. 'चला हवा येऊ द्या' कार्यक्रमाच्या या प्रोमोनं अनेकांचे लक्ष वेधले आहे.
'चला हवा येऊ द्या'या कार्यक्रमाच्या प्रोमोमध्ये दिसत आहे की, भाऊ कदम म्हणतो, 'लहान आहात लहानांसारखं वागायचं.' यावर मायरा म्हणते,' वयानं लहान आहोत पण कॉमेडीमध्ये नाही.' मायराचं हे वाक्य ऐकल्यानंतर श्रेया बुगडे म्हणते, 'आम्हाला शिकवायचं नाही.' त्यानंतर एक छोटा मुलगा म्हणतो, 'तुम्हाला नाही शिकवणार तुमच्यासोबत सगळ्यांना हसवणार'
'चला हवा येऊ द्या'या शोच्या प्रोमोमध्ये मायरासोबतच इतर लहान मुलं 'लहान तोंडी मोठा घास'असं म्हणतात. आता 'चला हवा येऊ द्या'च्या मंचावर या बच्चेकंपनीची कॉमेडी पाहण्यासाठी प्रेक्षक उत्सुक आहेत.
पाहा प्रोमो:
माझी तुझी रेशीमगाठ या मालिकेमुळे मायरा वैकुळला विशेष लोकप्रियता मिळाली. या मालिकेत तिनं परी ही भूमिका साकारली होती. मायराचा चाहता वर्ग मोठा आहे. तिला इन्टाग्रामवर 561K एवढे फॉलोवर्स आहेत. मायरा ही सोशल मीडियावर विविध पोस्ट शेअर करत असते. आता 'चला हवा येऊ द्या' या शोमध्ये मायराला पाहण्यासाठी प्रेक्षक उत्सुक आहेत.
'चला हवा येऊ द्या' या शोमधील कलाकार प्रेक्षकांना खळखळून हसवतात. भाऊ कदम,निलेश साबळे, श्रेया बुगडे, कुशल बद्रिके हे कलाकार 'चला हवा येऊ द्या' या कार्यक्रमामध्ये विविध स्किट सादर करत असतात. निलेश साबळे हा या कार्यक्रमाचं सूत्रसंचालन करतो. या कार्यक्रमामध्ये वेगवेगळ्या मालिकांची तसेच चित्रपटाची टीम प्रमोशनसाठी येत असते. या कार्यक्रमाच्या आगामी एपिसोडची प्रेक्षक उत्सुकतेने वाट बघत असतात. आता या कार्यक्रमामध्ये बच्चेकंपनीची एन्ट्री होणार असल्यानं, कॉमेडीचा डबल डोस प्रेक्षकांना बघायला मिळणार आहे.
इतर महत्वाच्या बातम्या:
Chala Hawa Yeu Dya : 'चला हवा येऊ द्या'मध्ये येणार सचिन; रंगणार 'तेंडल्या' विशेष भाग