Bigg Boss 18 Grand Premier : बिग बॉसचा 18 वा नवा सीझन आजपासून सुरु होणार आहे. सलमान खानचा छोट्या पडद्यावर पुन्हा एकदा पाहण्यासाठी प्रेक्षक खूप आतुर झाले आहेत .बिग बॉस 18 चा ग्रँड प्रीमियर 6 ऑक्टोबर होणार आहे. बिग बॉस 18 चा प्रीमियर जसजसा जवळ येत आहे तसतशी प्रेक्षकांची उत्सुकता वाढत आहे. 'भूतकाळ, वर्तमान आणि भविष्य' ही यंदाच्या बिग बॉसची थीम आहे. बिग बॉसच्या घरात यंदा कोण स्पर्धक असतील हे जाणून घेण्याची सर्वांनाच उत्सुकता आहे. यंदाच्या काही स्पर्धकांची नावं समोर आली आहेत.
सलमान खानच्या बिग बॉस 18 मध्ये गाढवाचीही एन्ट्री
यंदा बिग बॉसच्या घरात वकील गुणरत्न सदावर्ते (Gunaratna Sadavarte) हेही एन्ट्री घेणार आहेत. एसटी कामगारांच्या संपामुळे राज्यात प्रसिद्ध झालेले आणि कामगारांची स्वतंत्र संघटना सुरू करुन कामगार नेता बनलेले गुणरत्न सदावर्तेंची आता बिग बॉस हिंदीमध्ये दिसणार आहेत. त्यामुळे त्यांची सध्या जोरदार चर्चा सुरु आहे. बिग बॉसच्या घरात फक्त गुणरत्न सदावर्तेचं नाही तर, त्याचं गाढवही येणार आहे. गुणरत्न सदावर्ते यांचं पाळीव गाढव मॅक्स ही बिग बॉसच्या घरात जाणार आहे.
सदस्यांसोबत बिग बॉसच्या घरातच राहणार गाढव
कलर्सने बिग बॉस 18 चा नवा प्रोमो शेअर केला आहे. ज्यामध्ये एक बिग बॉस 18 च्या ग्रँड प्रीमियरच्या स्टेजवर एक गाढव दिसत आहे. हे गाढव वकील गुणरत्न सदावर्ते यांचं पाळीव गाढव मॅक्स आहे, जे बिग बॉसच्या घरात त्यांच्यासोबत जाणार आहे. मीडिया रिपोर्टनुसार, गुणरत्ने सदावर्तेंचं गाढव मॅक्स इतर सदस्यांसोबत बिग बॉसच्या घरात राहणार असल्याचं सांगितलं जात आहे. त्यामुळे बिग बॉसच्या घरात पहिल्या दिवसापासून मोठ्या घडामोडी पाहायला मिळणार आहेत, एवढं मात्र नक्की.
एका स्पर्धकासोबत आहे खास कनेक्शन
महत्त्वाच्या इतर बातम्या :