Bigg Boss Marathi Season 5 : लयं भारी! बिग बॉसच्या पाचव्या सीझनची ट्रॉफी पाहिलीत का? खास पाहुण्यांनी दाखवली पहिली झलक

Bigg Boss Marathi Season 5 : बिग बॉस मराठीच्या पाचव्या सीझनच्या ट्रॉफीची पहिली झलक आता समोर आलेली आहे.

Bigg Boss Marathi Season 5 :  बिग बॉस मराठीचा पाचवा सीझन (Bigg Boss Marathi New Season) आता त्याच्या शेवटाला आला आहे. येत्या 6 ऑक्टोबरला या सीझनचा ग्रँड फिनाले पार पडणार आहे. पण त्याआधी घरात दोन खास पाहुण्यांची एन्ट्री झाली आणि त्यांनी यंदाच्या सीझनच्या ट्रॉफीची पहिली झलक दाखवली. आता ही ट्ऱॉफी घरातील सहा स्पर्धकांपैकी नक्की कोण उचलणार याची उत्सुकता सगळ्यांना लागून राहिली आहे. 

अमेय वाघ (Amey Wagh) आणि अमृता खानविलकर (Amruta Khanvilkar) या दोघांनीही बिग बॉस मराठीच्या घरात जाऊन टॉप 6 स्पर्धकांची भेट घेतली. तसेच यावेळी त्यांनी यंदाच्या ट्रॉफीचीही झलक प्रेक्षकांना दाखवली. दरम्यान 100 दिवसांचा बिग बॉसचा खेळ यंदा 70 दिवसांतच आटोपता घेतला आहे. त्यामुळे ग्रँड फिनालेला अवघे दोन दिवस बाकी असताना बिग बॉसच्या पाचव्या सीझनच्या ट्रॉफीचीही झलक प्रेक्षकांना पाहायला मिळाली आहे. 

बिग बॉस सीझन 5ची ट्रॉफी

बिग बॉसच्या पाचव्या सीझनच्या ट्रॉफीवर चक्रव्युहची थीम पाहायला मिळतेय. तसेच यावर बिग बॉसचा लोगो आहे. यावर बिग बॉसच्या पाचव्या सीझनच्या विजेत्याचंही नाव दिसणार आहे. याच ट्रॉफीची झलक अभिनेता अमेय वाघ आणि अमृता खानविलकर या दोघांनीही घरात येऊन सर्वांना दाखवली.                                                                                                     

बिग बॉसचे टॉप 6 स्पर्धक

निक्की तांबोळी (Nikki Tamboli), अभिजीत सावंत (Abhijeet Sawant), धनंजय पोवार (Dhananjay Powar), सूरज चव्हाण (Suraj Chavan), जान्हवी किल्लेकर (Jahnavi Killekar),  अंकिता वालावलकर हे टॉप 6 स्पर्धक बिग बॉस मराठीच्या पाचव्या सीझनचे फानलिस्ट ठरले आहेत. त्यामुळे आता या सहा जणांपैकी ट्रॉफी कोण उचलणार याची उत्सुकता प्रेक्षकांना लागून राहिली आहे.  

ही बातमी वाचा :