मुंबई : छोट्या पडद्यावरील मनोरंजनाचा "बॉस" बिग बॉस मराठी (Bigg Boss Marathi) या शोला दणक्यात सुरुवात झाली असून पहिल्याच आठवड्याच्या सुरुवातीलाच निक्की तांबोळी जोरदार फॉर्ममध्ये दिसत आहे. निक्कीने आठवड्याच्या सुरुवातीलाच आधी अभिनेत्री वर्षा उसगांवकर यांच्यासोबत वाद घातला त्यानंतर आता निक्कीनं कोकण हार्टेड गर्ल अंकिता वालावलकर हिच्याकडे मोर्चा वळवल्याचं दिसत आहे. पहिल्याच आठवड्याच्या नॉमिनेशनसाठी निक्की आणि अंकिता यांच्यात जोरदार भांडण पाहायला मिळणार आहे.
निक्कीनं अंकिताला रडवलं
बिग बॉस मराठीच्या पुढील भागाचा रोमांचक प्रोमो शेअर करण्यात आला आहे. यामध्ये सर्व स्पर्धक नॉमिनेशनसाठी एकत्र जमल्याचं दिसत आहे. पण, या सर्वात निक्कीपासून दूर राहणं, अंकितासाठी एक नवीन टास्क झाल्याचं दिसून येत आहे. प्रोमोमध्ये सर्व स्पर्धक गार्डनमध्ये एका बॉक्स भोवती उभे दिसत आहे. यावेळी निक्की अंकिताला अडवताना दिसत आहे. अंकिता जिथे जाते तिथे निक्की तिच्या समोर जाऊन उभी राहत असल्याचं दिसत आहे. यानंतर अंकिता कंटाळून बाजूला होते आणि सोफ्यावर जाऊन बसते. यावेळी अंकिताला रडू अनावर होतं.
पाहा नवीन प्रोमो
बिग बॉस मराठीच्या नवीन प्रोमोवरुन ही नॉमिनेशन प्रक्रिया स्पर्धकांसाठी नवीन डोकेदुखी मात्र, बिग बॉस प्रेमींसाठी मनोरंजनाची मेजवानी ठरणार आहे. एवढं मात्र नक्की. आता बिग बॉस मराठी सीझन 5 च्या पहिल्याच आठवड्यात कोणते स्पर्धक नॉमिनेट होणार हे येणाऱ्या भागातच कळेल. पण, या दरम्यान बिग बॉसच्या घरात किती वाद आणि किती राडे होणार याकडेही प्रेक्षकांचं लक्ष लागलं आहे.
नवा प्रोमो समोर आल्यानंतर नेटकऱ्यांनीही यावर कमेंट करत भन्नाट प्रतिक्रिया देण्यास सुरुवात केली आहे. इंस्टाग्रामवर शेअर केलेल्या या प्रोमोवर कमेंट्सचा पाऊस पडताना दिसत आहे. काही नेटकरी निक्कीच्या पाठीशी असल्याचं दिसत आहे, तर काही नेटकरी कोकण हार्टेड गर्लला पाठिंबा देताना दिसत आहेत.
नेटकऱ्यांच्या भन्नाट कमेंट्स
एकाने कमेंट करत म्हटलं आहे, "कोकणचं पाणी दाखवं अंकिता", "अंकिता तोंड फोड तिचं", दुसऱ्याने कमेंट करत म्हटलंय, "निक्कीला तासणारी चिक्की भेटली". आणखी एकाने लिहिलंय,"निक्की सुपारी थुकून बोलायला कधी शिकणार?" आणखी एकाने सल्ला देत म्हटलंय, "रडतेस काय, तिला ढकलून जा बाई". "निक्की रॉक्स, अंकिता शॉक्स", "निक्की फूल इंटरटेनमेंट", अशा कमेंट्स पाहायला मिळत आहेत.