Bigg Boss Marathi Season 5 Grand Finale Live Updates : मरी आई पावली! सगळ्यांच्या बुक्कीत टेंगुळ, सूरज चव्हाण ठरला 'बिग बॉस' विजेता

Bigg Boss Marathi Season 5 Grand Finale Live Updates : बिग बॉस मराठीच्या पाचव्या सीझनची ट्रॉफी कोण उचलणार याची उत्सुकता प्रेक्षकांना लागून राहिली आहे.

पार्श्वभूमी

Bigg Boss Marathi Season 5 Grand Finale Live Updates :   जवळपास दोन वर्षांनंतर बिग बॉस मराठी (Bigg Boss Marathi New Season) हा खेळ रंगला होता. 28 जुलै 2024 रोजी बिग बॉस मराठीच्या पाचव्या सीझनला सुरुवात झाली. पहिल्याच प्रोमोमध्ये रितेश भाऊंची एन्ट्री प्रेक्षकांना मोठा आश्चर्याचा धक्का देऊन गेली. त्यानंतर या घरात एकूण 16 स्पर्धक दाखल झाले होते. त्यानंतर आता केवळ सहाच स्पर्धकांनी ग्रँड फिनालेचा टप्पा सर केला आहे. त्यामुळे आता या सहा जणांपैकी कोण ट्रॉफी उचलणार याची उत्सुकता प्रेक्षकांना लागून राहिली आहे. निक्की तांबोळी, अभिजीत जाधव, सूरज चव्हाण, धनंजय पोवार, जान्हवी किल्लेकर आणि अंकिता वालावकर हे स्पर्धक बिग बॉस मराठीच्या ग्रँड फिनालेचे स्पर्धक आहे. त्यामुळे यांच्यापैकी ट्रॉफी कोण उचलणार याची उत्सुकता प्रत्येकाला लागून राहिली आहे. बिग बॉसच्या घरातील स्पर्धकयोगिता चव्हाण, निखिल दामले, पुरुषोत्तम दादा पाटील, वैभव चव्हाण, इरिना रुडाकोव्हा, वर्षा उसगांवकर, धनंजय पोवार, अभिजीत सावंत, निक्की तांबोळी, अरबाज पटेल, धनंजय दरवडे, आर्या जाधव, सूरज चव्हाण, पंढरीनाथ कांबळे आणि जान्हवी किल्लेकर या 16 स्पर्धकांनी घरात प्रवेश केला होता. त्यानंतर एक एक करुन घरातील 10 स्पर्धकांनी घराचा निरोप घेतला. त्यानंतर संग्राम चौघुले याने घरात वाईल्ड कार्ड एन्ट्री केली. पण वैद्यकीय कारणामुळे संग्रामला घराबाहेर जावं लागलं होतं. आर्याला बिग बॉसच्या घरातून काढलं दरम्यान आर्या जाधवला बिग बॉसच्या घरातून काढून टाकण्यात आलं होतं. कारण आर्याने बिग बॉसच्या घरात हात उगारत बिग बॉसच्या मूलभूत नियमांचं उल्लंघन केलं होतं. बिग बॉसच्या घरात हिंसा न करणं हा मूलभूत नियम आहे. पण याच नियमांचं आर्याने उल्लंघन करत निक्कीला कानशिलात लगावली होती. त्यानंतर आर्यावर कारवाई करत तिला बिग बॉसच्या घरातून हकलण्यात आलं होतं. 

07/10/2024 13:02:53

Jahnavi Killekar : जान्हवी किल्लेकरचं नेटकरी करतायत कौतुक

Big Boss Marathi:  बिग बॉस मराठीच्या पाचव्या पर्वाची सांगता दणक्यात झाली असून गेल्या 70 दिवसांपासून बिग बॉसच्या घरात रंगलेला खेळ संपला आहे. बिगबॉसच्या घरात ७० दिवस राहून परत आल्यावर टॉप ६ सदस्यांचं घरी जंगी स्वागत होतंय. जान्हवी किल्लेकर हिच्या घरच्यांनी केलेल्या तिच्या स्वागताचा व्हिडिओ आता चांगलाच गाजतोय. घरी परतल्यानंतर तिच्या कुटुंबियांनी ढोल ताशाच्या गजरात तिचं स्वागत केलं. यावेळी जान्हवीनंही ठेका धरला होता.

सविस्तर बातमी वाचण्यासाठी येथे क्लिक करा.

07/10/2024 13:01:21

Bigg Boss Marathi : सूरज चव्हाण बिग बॉस विनर ठरल्यानंतर मिताली मयेकर नाराज?

Bigg Boss Marathi 5 : बिग बॉस मराठीच्या पाचव्या धमाकेदार सीझनचा समारोप झाला आहे. रिल्स स्टार सूरज चव्हाण बिग बॉस मराठीच्या पाचव्या पर्वाचा विजेता बनला आहे. सूरजच्या विजयानंतर सोशल मीडियावर वेगवेगळ्या प्रतिक्रिया पाहायला मिळत आहे. अनेक सेलिब्रिटी आणि राजकारणींनी सूरज चव्हाणचं कौतुक आणि अभिनंदन केलं आहे. तर, याउलट सोशल मीडियावर एक दुसरा वर्ग आहे, जो सूरजच्या विजयाला विरोध करत आहे. यातच आता बिग बॉस मराठी 5 मध्ये सूरज चव्हाण जिंकल्यावर अभिनेत्री मिताली मयेकर नाराज असल्याची चर्चा आहे.

सविस्तर बातमी वाचण्यासाठी येथे क्लिक करा.

07/10/2024 13:00:24

Prajkta Mali Congratulate Suraj Chavan : अभिनेत्री प्राजक्ता माळीची सूरज चव्हाणसाठी खास पोस्ट

Prajkta Mali Congratulate Suraj Chavan : अभिनेत्री प्राजक्ता माळीने सूरज चव्हाणचं अभिनंजन करत खास पोस्ट केली आहे. यामध्ये तिने लिहिलंय, 'खूप खूप अभिनंदन सूरज तुझ्यातला प्रामाणिकपणा आणि जिद्द बिग बॉसच्या घरात तुला भेटल्यावर अगदी स्पष्टपणे जाणवली होती. कदाचित तुझा हाच स्वभाव महाराष्ट्राला भावला. महाराष्ट्राच्या मनात तू स्थान मिळवण्यात यशस्वी ठरलास आणि बिग बॉस मराठी च्या ट्रॉफीवर नाव कोरलस! पुन्हा एकदा खूप खूप, तुझ्या भाषेत झापुक झुपुक अभिनंदन!'

07/10/2024 12:56:17

Happy Birthday Abhijeet Sawant : बिग बॉस मराठीचा 'जेंटलमन' अभिजीत सावंत कोट्यवधींचा मालक

Bigg Boss Marathi 5 Abhijeet Sawant : गायक अभिजीत सावंत याचा आज 7 ऑक्टोबर रोजी 43 वा वाढदिवस आहे. अभिजीत सावंत बिग बॉस मराठी सीझन 8 चा उपविजेता ठरला आहे. 'इंडियन आयडॉल 1' चा पहिला गायक अभिजीत सावंत शो जिंकल्यानंतर बरेच दिवस प्रसिद्धीपासून दूर होता. यानंतर तो बिग बॉसमधून पुन्हा एकदा छोट्या पडद्यावर झळकला. अभिजीत सावंतला प्रेक्षकांचा भरभरुन पाठिंबा मिळाल्याचा पाहायला मिळालं. अभिजीतचा इथंपर्यंत पोहोचण्याचा प्रवास फार खडतर आहे. अभिजीत सावंतच्या वाढदिवसानिमित्त त्याच्या आतापर्यंतच्या कारकिर्दीबाबत जाणून घ्या.

सविस्तर बातमी वाचण्यासाठी येथे क्लिक करा.

06/10/2024 21:02:29

Bigg Boss Marathi Season 5 Winner : मरी आई पावली! सगळ्यांच्या बुक्कीत टेंगुळ देत सूरज चव्हाण ठरला 'बिग बॉस' विजेता

Bigg Boss Marathi Season 5  Winner :  बिग बॉस मराठी सीझन 5च्या (Bigg Boss Marathi New Season) विनर ट्रॉफीवर सूरजने (Suraj Chavan) आपलं नाव कोरलं आहे. पहिल्या आठवड्यापासूनच घरातील त्याचं वागणं, बोलणं या सगळ्याचच घरातील आणि घराबाहेरही चर्चा होत होती. अगदी शांतपणे सूरज त्याचा खेळ साऱ्यांच्याच पसंतीस पडला. त्यामुळे बिग बॉस मराठीच्या पाचव्या सीझनच्या ट्रॉफीवर सूरजने नावं कोरलं आहे. 

06/10/2024 20:33:32

Bigg Boss Marathi Season 5 Grand Finale Live Updates : रडली, भांडली, आदळाआपट केली! शेवटपर्यंत येऊन निक्की 'बिग बॉस' बाहेर पडली

Bigg Boss Marathi Season 5 Grand Finale Live Updates :  'मीच विजेती होणार' असं पहिल्या दिवसापासून म्हणणारी निक्की (Nikki Tamboli) आता बिग बॉसच्या घराबाहेर (Bigg Boss Marathi New Season) पडली आहे. टॉप 3 स्पर्धकांमधून निक्कीला घराबाहेर जावं लागलंय. त्यामुळे निक्कीच्या घराबाहेर पडल्यामुळे प्रेक्षकांमध्येही आनंदाचं वातावरण पसरलं असल्याचं चित्र सध्या आहेत. निक्की ट्रॉफीच्या अगदी जवळ येऊन म्हणजेच टॉप 3 स्पर्धकांमधून बाहेर पडली आहे. 

06/10/2024 20:10:11

Bigg Boss Marathi Season 5 Grand Finale Live Updates : बिग बॉस मराठीच्या मंचावर आलिया भट्ट्, रितेश भाऊंच्या होस्टिंगचं मराठी केलं कौतुक

Bigg Boss Marathi Season 5 Grand Finale Live Updates : आलिया भट्ट ही बिग बॉस मराठीच्या मंचावर आली. तसेच तिने घरातील सर्व स्पर्धकांचे अभिनंदन केलं. त्याचप्रमणे रितेश भाऊच्या होस्टिंगचं आलियाने मराठीत कौतुक केलं. 

06/10/2024 19:54:27

Dhananjay Powar Evicted From Bigg Boss Marathi Season 5 : चौथा नंबर मिळाला, कोल्हापूरचा गडी बाद; धनंजय पोवार घराबाहेर

Dhananjay Powar Evicted From Bigg Boss Marathi Season 5 :  धनंजय पोवार घराबाहेर गेला असून चौथ्या स्थानावरुन धनंजयला घराबाहेर पडावं लागलं आहे. 

06/10/2024 19:41:22

Ankita Prabhu Walawalkar Evicted From Bigg Boss Marathi Season 5 : अंकिताचा प्रवास संपला, ग्रँड फिनालेमधून माघार

Ankita Prabhu Walawalkar Evicted From Bigg Boss Marathi Season 5 : अंकिता वालावलकर आता बिग बॉसच्या घराबाहेर पडली आहे. पाचव्या स्थानावरुन अंकिताला माघार स्वीकारावी लागली. 

06/10/2024 19:01:59

Jahnavi Killekar : जान्हवीने ट्रॉफी सोडली, पैशांची बॅग निवडली; जान्हवी किल्लेकर बिग बॉसच्या घराबाहेर

Jahnavi Killekar :  जान्हवी किल्लेकर ही सहाव्या स्थानावरुन घरातून बाद झाली आहे. पण जान्हवी घरातून बाहेर पडताना नऊ लाख रुपये घेऊन बाहेर पडली आहे. 

06/10/2024 18:42:59

Bigg Boss Season 18 Grand Premiere Live Updates : सलमान भाऊसारखा दुसरा होस्ट नाही, बिग बॉस मराठीच्या मंचावरुन रितेशचं मोठं विधान

Bigg Boss Season 18 Grand Premiere Live Updates :  सलमान भाऊसारखा दुसरा बिग बॉससाठी होस्ट नाही, असं वक्तव्य रितेश देशमुखने बिग बॉस मराठीच्या मंचावरुन केलं आहे. 

06/10/2024 18:41:39

Bigg Boss Season 18 Grand Premiere Live Updates : सलमानकडून रितेश भाऊच्या होस्टिंग कौतुक, म्हणला...

Bigg Boss Season 18 Grand Premiere Live Updates :   सलमान खानकडून रितेशच्या होस्टिंगचं कौतुक करण्यात आलं आहे. तसेच भाऊ तुमच्या होस्टिंगने सगळ्यांना वेड लावलं असल्याचीही प्रतिक्रिया यावेळी सलमान खानने दिली. 

06/10/2024 18:34:56

Bigg Boss Marathi Season 5 Grand Finale Live Updates : 'भाऊच्या धक्क्याटचा कल्ला, रितेश देशमुखचा बिग बॉसचा होस्ट म्हणून प्रवास

Bigg Boss Marathi Season 5 Grand Finale Live Updates : स्पर्धकांप्रमाणेच बिग बॉसने रितेश भाऊंचाही प्रवास दाखवला. भाऊच्या धक्क्यावर रितेशने स्पर्धकांची कशी शाळा घेतली याची एक झलक यावेळी पाहायला मिळाली. 

06/10/2024 18:30:28

Bigg Boss Marathi Season 5 Grand Finale Live Updates : कोण मारणार बाजी? प्रेक्षकांची मतं बिग बॉसच्या स्क्रिनवर

Bigg Boss Marathi Season 5 Grand Finale Live Updates : बिग बॉसची ट्रॉफी यंदा कोण जिंकणार याबद्दल प्रेक्षकांना काय वाटतं, त्यांच्या प्रतिक्रिया या बिग बॉसच्या स्क्रिनवर दाखवण्यात आल्या आहेत. यामध्ये अनेकांनी निक्की आणि सूरजच्या नावाला पसंती दिली असल्याचं पाहायला मिळतंय. 

06/10/2024 18:10:47

Bigg Boss Marathi Season 5 Grand Finale Live Updates : सूरज-अभिजीतचा झापुक झूपक तर जान्हवी निक्कीचा धाडक जलवा, अंकिता-धनंजयची विनोदी शैली; बिग बॉस मराठीच्या ग्रँड फिनालेची धमाकेदार सुरुवात

 Bigg Boss Marathi Season 5 Grand Finale Live Updates :  बिग बॉस मराठीच्या घरात सहा स्पर्धकांनी धमाकेदार परफॉर्मन्स दिला आहे. सूरज-अभिजीतने झापूक झुपक, निक्की जान्हवीने धाकड तर अंकिता आणि धनंजयची विनोदी शैली पाहायला मिळाली. 

06/10/2024 18:07:05

Bigg Boss Marathi Season 5 Grand Finale Live Updates : येताच क्षणी रितेशने मागितली प्रेक्षकांची माफी, नेमकं कारण काय?

Bigg Boss Marathi Season 5 Grand Finale Live Updates :  दोन आठवडे भाऊच्या धक्क्यावर येता आलं म्हणून रितेशने प्रेक्षकांची माफी मागितली आहे. तसेच तो का गैरहजर होता, याचंही कारण रितेशने सांगितलं आहे. 

06/10/2024 18:01:45

Bigg Boss Marathi Season 5 Grand Finale Live Updates : बिग बॉसच्या ग्रँड फिनाले सोहळ्याला सुरुवात, रितेश भाऊची धमाकेदार एन्ट्री

Bigg Boss Marathi Season 5 Grand Finale Live Updates :  बिग बॉस मराठीच्या ग्रँड फिनालेला सुरुवात झाली असून रितेश भाऊच्या धमाकेदार फरफॉर्मन्सनी या सोहळ्याला सुरुवात झाली. 

06/10/2024 17:52:39

Bigg Boss Marathi Season 5 Grand Finale Live Updates : रंगणार ग्रँड फिनालेचा सोहळा, कोण होणार विजेता?

Bigg Boss Marathi Season 5 Grand Finale Live Updates :  बिग बॉस मराठीच्या ग्रँड फिनालेच्या सोहळ्याला आता काहीच वेळात सुरुवात होणार आहे. त्यामुळे यंदाच्या सीझनचा विजेता कोण होणार हे आता काहीच वेळात स्पष्ट होईल. 

06/10/2024 17:34:35

Bigg Boss Marathi Season 5 Grand Finale Live Updates : बिग बॉसचा खेळ 70 दिवसांतच आटोपला; केदार शिंदे म्हणाले, काही निर्णय...

Bigg Boss Marathi Season 5 Grand Finale Live Updates :  काहीच दिवसांपूर्वी हा खेळ 100 ऐवजी 70 दिवसांतच आटोपता घेणार असल्याची माहिती समोर आली. दरम्यान ही घोषणा झाल्यानंतर बिग बॉस प्रेमींमध्ये निराशा पसरली. हिंदी बिग बॉसमुळे मराठी बिग बॉस (Bigg Boss Marathi New Season) लवकर संपवण्याचा निर्णय घेण्यात आल्याचंही म्हटलं जात होतं. पण यामागचं खरं कारण अद्यापही समोर आलेलं नाहीये. पण यावर कलर्स मराठीचे चॅनल हेड केदार शिंदे यांचीही प्रतिक्रिया समोर आलेली आहे.

केदार शिंदे यांनी म्हटलं की, 'व्यवस्थापकीय पातळीवर काही निर्णय घेतले जातात. त्या निर्णयांचं पालन करणं हे आमचं काम असतं. त्यामुळे ‘कधी बंद करताय’ यापेक्षा ‘का बंद करताय’ हे विचारलं तर त्यात त्या कार्यक्रमाचं यश आहे.'

06/10/2024 17:24:03

Bigg Boss Marathi Season 5 Grand Finale Live Updates : धनंजय आणि अंकिता ग्रँड फिनालेमधून बाहेर? सोशल मीडियावर चर्चांना उधाण

Bigg Boss Marathi Season 5 Grand Finale Live Updates :  बिग बॉस मराठीच्या घरातून धनंजय आणि अंकिता हे दोघेही बाहेर पडणार असल्याच्या चर्चा सध्या सोशल मीडियावर सुरु आहेत. पण हे दोघे खरंच बाहेर पडणार का? हे आता काही वेळातच स्पष्ट होईल.. 

06/10/2024 17:19:25

Bigg Boss Marathi Season 5 Grand Finale Live Updates : मानधनाच्या बाबतीत सूरजला गुलीगत धोका? दिवसाचे फक्त 3 हजार रुपये; पण निक्कीने लाखोंची फी घेतली असल्याच्या चर्चा

Bigg Boss Marathi Season 5 Grand Finale Live Updates :  पहिल्या दिवसापासून सूरजचं घरातील वागणं, त्याचा स्वभाव, त्याची खेळाडू वृत्ती या सगळ्याच गोष्टींचं कौतुक होत होतं. त्यामुळे सूरजनेच जिंकावं अशी अनेकांची इच्छा आहे. असं असलं तरी सूरजला बिग बॉसच्या घरात अवघ्या काही हजारांचं मानधन देण्यात आल्याच्या चर्चा आहेत. त्यातच ज्या निक्कीचा अनेकांनी रागराग केला तिने मात्र या सीझनसाठी सर्वाधिक मानधन घेतल्याचं म्हटलं जातंय. 

06/10/2024 16:59:58

Bigg Boss Marathi Season 5 Grand Finale Live Updates : बिग बॉसच्या घरातून मोठी अपडेट, जान्हवी पैशांची बॅग घेऊन पडली बाहेर? नाही पाहिली ट्रॉफीची वाट

 Bigg Boss Marathi Season 5 Grand Finale Live Updates : अवघ्या महाराष्ट्राचं लक्ष आज होणार 'बिग बॉस मराठी'च्या पाचव्या सीझनच्या ग्रँड फिनालेवर लागले आहे. यंदाचा सीझन पहिल्या दिवसापासून कोणत्या ना कोणत्या चर्चेत आहे. आता शेवटही धमाकेदार होणार आहे. दरम्यान याआधी बिग बॉसच्या घरातून एक मोठी बातमी समोर येत आहे. जान्हवी किल्लेकर पैशांची बॅग घेऊन बाहेर पडणार असल्याच्या चर्चा सुरू आहे. यामध्ये किती तथ्य आहे हे थोड्याच वेळात कळले. 

06/10/2024 16:56:11

Bigg Boss Marathi Season 5 Grand Finale Live Updates : बिग बॉस मराठीच्या व्होटिंग ट्रेंड्समध्ये सूरज चव्हाण आघाडीवर, निक्की आणि अभिजीतही शर्यतीत

Bigg Boss Marathi Season 5 Grand Finale Live Updates :  बिग बॉस मराठी इरा 5 या इंस्टाग्राम पेजवर बिग बॉस मराठीच्या पाचव्या सीझनसंबंधित अपडेट शेअर करण्यात आले आहेत. या पेजने बिग बॉस मराठी 5 चे व्होटिंग ट्रेंड्स सांगितले आहे. या ट्रेंड्सनुसार, महाराष्ट्राचा लाडका 'गुलिगत किंग' सूरज चव्हाण आघाडीवर असल्याचं बोललं जात आहे. यानंतर दुसऱ्या क्रमांकावर अंकिता वालावरकर आणि तिसऱ्या क्रमांकावर अभिजीत सावंत असल्याचं बोललं जात आहे. 

06/10/2024 16:30:54

Bigg Boss Marathi Season 5 Grand Finale Live Updates : रांगड्या गड्याची परदेसी गर्ससोबत Sizzling केमिस्ट्री, वैभव आणि इरिनाचा रोमँटीक अंदाज

Bigg Boss Marathi Season 5 Grand Finale Live Updates :  वैभव चव्हाण आणि इरिना यांच्या नात्याची बिग बॉसच्या घरात आणि घराबाहेर तुफान चर्चा झाली. त्यानंतर आता बिग बॉसच्या ग्रँड फिनालेच्या आधी त्यांच्या रोमँटीक डान्स व्हिडीओची तुफान चर्चा सुरु आहे. ग्रँड फिनालेच्या सोहळ्यात इरिना आणि वैभवची केमिस्ट्री पाहायला मिळाली. एका रोमँटीक मराठी गाण्यावर इरिना आणि वैभवने डान्स केला आहे.  

06/10/2024 15:48:06

Bigg Boss Marathi Season 5 Grand Finale Live Updates : बिग बॉस मराठीच्या विजेत्याला मिळणारी रक्कम किती? जाणून घ्या

Bigg Boss Marathi Season 5 Grand Finale Live Updates :  बिग बॉस मराठी पाचव्या पर्वाच्या विजेत्यासाठी 25 लाख रुपये बक्षीस ठेवण्यात आलं होतं, पण घरातील सदस्यांनी वेगवेगळ्या टास्कमध्ये ही रक्कम जिंकावी लागणार होती. यानंतर बिग बॉसच्या घरातील सदस्यांनी चक्रव्यूह टास्कमध्ये 25 लाख रुपयांपैकी 8.6 लाख रुपये जिंकले होते. त्यानंतर पहिल्या तिकीट टू फिनालेच्या टास्कनंतर बिग बॉस मराठी सीझन 5 च्या विजेत्याला मिळणाऱ्या बक्षिसाच्या रक्कमेत वाढ झाली.