Bigg Boss Marathi 5 : बिग बॉस मराठीच्या रोज नवनवीन वाद आणि कल्ला पाहायला मिळतो. बिग बॉस मराठीच्या घरात पहिल्या दिवसापासूनच चर्चेत असलेला सदस्य म्हणजे निक्की तांबोळी. हिंदी बिग बॉस 15 मध्ये झळकलेली निक्की बिग बॉस मराठीच्या घरात स्पर्धक म्हणून आल्याचे तिची हवा होती. त्यातच निक्कीने पहिल्या दिवसापासून तिचे रंग दाखवायला सुरुवात केली. निक्कीने बिग बॉस मराठी पाचव्या पर्वाच्या पहिल्या दिवशी वर्षा उसगांवकर यांच्यासोबत वाद घातला, त्यानंतर त्यांचं टॉम आणि जेरी सारखं नातं पाहायला मिळत आहे.
निक्कीने अखेर वर्षा ताईंसमोर गुडघे टेकले
बिग बॉस मराठीच्या (Bigg Boss Marathi) घरात निक्की तांबोळी (Nikki Tamboli) आणि वर्षा ताईंमध्ये (Varsha Usgaonkar) वारंवार खटके उडत असल्याचं पाहायला मिळत आहे. पहिल्या आठवड्यापासून निक्की वर्षाताईंचा अपमान करत असल्याचं दिसत आहे. आता अखेर निक्कीने वर्षाताईंसमोर गुडघे टेकल्याचं दिसत आहे. बिग बॉसच्या घरात नेमकं काय घडलं, हे समजण्यासाठी तुम्हाला आजचा भाग पाहावा लागणार आहे. आज बिग बॉस मराठीच्या भाऊच्या धक्क्यावर आज कल्ला पाहायला मिळणार आहे.
बिग बॉसच्या घरात नेमकं काय घडतंय?
बिग बॉसच्या घरात गुलिगत सूरजची हवा
'बिग बॉस मराठी'चा तिसरा आठवडा गोलीगत सूरज चव्हाणने चांगलाच गाजवला. याबद्दल भाऊच्या धक्क्यावर रितेश सूरजचं भरभरून कौतुक केलं. भाऊच्या धक्क्यावर सूरजचं कौतुक करत रितेश म्हणतोय, "या आठवड्यात एका हिरोने जन्म घेतला. ज्याने मिळालेल्या संधीचं सोनं केलंय त्याचं नाव आहे सूरज चव्हाण. अख्ख घर म्हणतं त्याला गेम कळत नाही. पण या आठवड्यात फक्त सूरजचाच गेम दिसला. त्याने एकट्याने सगळ्यांना टफ फाईट दिली".
"आम्ही आतमध्ये वैभव पाठवलाय गद्दार म्हणून बाहेर पडू नका"
भाऊच्या धक्क्यावर रितेशने वैभवची चांगलीच हजेरी घेतली. रितेश वैभवला म्हणाला, "बोलायला जिगर लागते. ही जिगर बाजारात प्रोटीनच्या डब्ब्यात मिळत नाही. ही जिगर तुमच्यात दिसत नाही. इथून पुढे तुमच्यावर कोणी विश्वास का ठेवायचा. तुमच्या आत आहे तेच बाहेर दिसणार आहे. प्रेक्षकांच्या नजरेत तुमचा गेम ओव्हर झालाय..मला बघायचंय ही मैत्री कधीपर्यंत टिकते. आम्ही आतमध्ये वैभव पाठवलंय गद्दार म्हणून बाहेर पडू नका".
महत्त्वाच्या इतर बातम्या :