Soundarya Sharma On Dating With Sajid Khan: छोट्या पडद्यावरील बिग बॉस -16 (Bigg Boss 16) या शोमधील स्पर्धक गेल्या काही दिवसांपासून चर्चेत आहेत. या सिझनचा विजेता एमसी स्टॅन ठरला. एसी स्टॅनबरोबरच बिग बॉस -16 चे सिझनचे इतर स्पर्धक देखील त्यांच्या नव्या प्रोजेक्ट्समुळे आणि वैयक्तिक आयुष्यामुळे चर्चेत आहेत. प्रसिद्ध दिग्दर्शक साजिद खान (Sajid Khan) हा देखील बिग बॉस -16 चा स्पर्धक होता. सध्या साजिदचं नाव एका अभिनेत्रीसोबत जोडलं जात आहे. ही अभिनेत्री कोण आहे? असा प्रश्न अनेकांना पडला असेल. जाणून घऊयात या अभिनेत्रीबद्दल...
अभिनेत्री सौंदर्या शर्मासोबत (Soundarya Sharma) साजिद खानचं नाव जोडलं जात आहे. बिग बॉस -16 मध्ये सौंदर्यानं सहभाग घेतला होता. या शोमध्ये सौंदर्या आणि साजिद यांची केमिस्ट्री प्रेक्षकांना बघायला मिळाली. सौंदर्या ही 28 वर्षांची आहे तर साजिद हा 52 वर्षाचा आहे. सौंदर्या ही साजिदपेक्षा 24 वर्षांनी लहान आहे. डेटिंगच्या चर्चेवर सौंदर्यानं प्रतिक्रिया दिली.
एका मुलाखतीमध्ये सौंदर्यानं सांगितलं, 'साजिदसोबत माझं नाव जोडलं जात आहे, याचं मला दु:ख होत आहे. तो माझा चांगला मित्र आहे. तो माझ्या मोठ्या भावासारखा आहे.' सौंदर्या शर्मानं अनेक मालिकांमध्ये काम केलं आहे.
सौंदर्याला डेट करतो का? असा प्रश्न एका मुलाखतीमध्ये विचारल्यानंतर साजिदनं उत्तर दिलं, 'या चर्चा ऐकून मला दु:ख वाटलं. ती माझ्या बहिणीसारखी आहे. '
काही दिवसांपूर्वी सौंदर्या शर्मानं बिग बॉस 16 च्या स्पर्धकांसोबतचे फोटो शेअर केले होते. या फोटोमध्ये साजिद देखील दिसत होता. तसेच सौंदर्यानं एसी स्टॅनसोबतचा फोटो देखील शेअर केला.
‘रांची डायरीज’ या चित्रपटामधून सौंदर्यानं अभिनयक्षेत्रात पदार्पण केलं. ‘थँक गॉड’ या चित्रपटामध्ये तिनं कॅमिओ केला.
एमसी स्टॅन, शिव ठाकरे (Shiv Thakarey) आणि प्रियांका चहर चौधरी (Priyanka Chahar Choudhary) हे बिग बॉस 16 चे टॉप-3 स्पर्धक होते. यामधील एमसी स्टॅन हा विजेता ठरला. बिग बॉस 16 या कार्यक्रमाला प्रेक्षकांची पसंती मिळाली.
वाचा इतर महत्वाच्या बातम्या: