Bigg Boss 15 : 'बिग बॉस 15' नंतर करण कुंद्रा आणि तेजस्वी प्रकाश अडकणार लग्नबंधनात

Salman Khan Show : सलमान खानच्या बिग बॉसमध्ये सध्या रंजक वळणे येत आहेत. नुकतेच रितेश आणि राजीव अडातियाला बिग बॉसच्या घरातून बाहेर काढण्यात आले आहे.

Tejasswi Prakash And Karan Kundrra Will Marry : सलमान खानच्या (Salman Khan) बिग बॉसमध्ये लवकरच ग्रॅंड फिनाले येणार आहे. त्यामुळे या कार्यक्रमात अनेक रंजक वळणे येत आहेत. यंदाच्या वीकेंडच्या वारी दोन स्पर्धकांना बिग बॉसच्या घरातून बाहेर काढण्यात आले आहे. यात राखी सावंतचा पती रितेश आणि राजीव अडातियाचा समावेश आहे. बिग बॉसच्या घरातून बाहेर पडल्यानंतर राजीव म्हणाला,"लवकरच बिग बॉस 15 चे दोन स्पर्धक लग्न करणार आहेत". राजीवचे हे वक्तव्य ऐकून सर्वांनाच धक्का बसला आहे.

बिग बॉसच्या घरातून बाहेर पडल्यानंतर राजीव अडातियाने म्हटले आहे,"करण कुंद्राचे तेजस्वी प्रकाशवर प्रेम आहे. त्यामुळे ते लवकरच लग्नबंधनात अडकणार आहेत. त्यांनी लग्न केले नाही तर मी स्वत: पंडित होईन आणि दोघांचे लग्न करेल". राजीव यांना विचारण्यात आले की,"करण तेजस्वीबद्दल इतका सकारात्मक का आहे? तर तो म्हणाला की, जर बॉयफ्रेंड पॉझिटिव्ह नसेल तर कोण असेल".

राजीव पुढे म्हणाला, जेव्हा तेजस्वी करणला आवडत नसलेल्या गोष्टी सांगते तेव्हा करण रागावतो. नाते कोणतेही असो, प्रत्येक मुद्द्यावर दोन व्यक्तींचे मत सारखे असू शकत नाही. तेजस्वीला कधी-कधी समोरचे ऐकायचेही नसते आणि राग येतो. अलीकडेच तेजस्वी आणि करणमध्ये कडाक्याचे भांडण झाले होते. तेजस्वीने करणसमोर आरडाओरडा सुरू केल्यावर करणने त्याच्यासमोरील काच फोडली. या सगळ्याला रश्मी देसाई कारणीभूत ठरली.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha