Shamita Shetty-Raqesh Bapat: ‘बिग बॉस’च्या (Bigg Boss) घरात अनेक जोड्या तयारही होतात आणि या घराबाहेर आल्यावर त्या दुरावतात. अशाच जोड्यांच्या यादीत आता आणखी एका जोडीचे नाव सामील झाले आहे. ‘बिग बॉस’च्या घरातील लव्ह बर्ड्स अभिनेता राकेश बापट (Raqesh Bapat) आणि अभिनेत्री शमिता शेट्टी (Shamita Shetty) यांनी सोशल मीडियावर पोस्ट शेअर करत आता आपण एकत्र नसल्याचे महटले आहे. सोशल मीडिया पोस्टद्वारे त्यांनी चाहत्यांना आपल्या ब्रेकअपची माहिती दिली आहे. दोघांची जोडी तुटल्याने त्याच्या चाहत्यांना मात्र प्रचंड धक्का बसला आहे. दोघांचा एक म्युझिक व्हिडीओ लवकरच प्रेक्षकांच्या भेटीला येणार आहे. मात्र, त्यापूर्वीच त्यांनी ब्रेकअप जाहीर केला आहे.
गेल्या काही दिवसांपासून या दोघांमध्ये काहीतरी बिनसल्याच्या चर्चा सुरु होत्या. मात्र, त्यावर बोलणं दोघांनीही टाळलं होतं. मात्र, आता दोघांनीही आपापल्या सोशल मीडिया अकाऊंटवर पोस्ट लिहित आपल्या ब्रेकअपची माहिती चाहत्यांना दिली आहे.
‘अशी’ झाली होती नात्याची सुरुवात
शमिता शेट्टी आणि राकेश बापट यांचं नातं 'बिग बॉस ओटीटी'पासून सुरू झालं होतं. याच घरात दोघांची पहिली भेट झाली होती. या शोमध्ये त्यांच्यातील जवळीक दिसून आली आणि नंतर त्यांनी जाहीरपणे प्रेम व्यक्त केले. बिग बॉसमधून बाहेर पडल्यानंतरही ते अनेक कार्यक्रम आणि पार्ट्यांमध्ये एकत्र दिसले होते. काही दिवसांपूर्वी त्यांच्यात भांडण सुरु असल्याच्या चर्चा होत्या. मात्र, त्या त्यांनी फेटाळून लावल्या होत्या. मात्र, आता ते वेगळे झाले आहेत.
काय म्हणाली शमिता शेट्टी?
शमिता शेट्टीने तिच्या पोस्टमध्ये लिहिले की, ती आणि राकेश आता रिलेशनशिपमध्ये नाहीत. चाहत्यांनी त्यांचं प्रेम असचं कायम राहू द्यावं, अशी विनंती देखील तिने केली आहे. शमिताने तिच्या पोस्टमध्ये लिहिले, 'मला वाटते की हे स्पष्ट करणे आवश्यक आहे... राकेश आणि मी आता एकत्र नाही... मागील काही काळापासून एकत्र नाही, पण हा म्युझिक व्हिडीओ आमच्या चाहत्यांसाठी आहे, जे आमच्यावर खूप प्रेम करतात. तुमच्या प्रेमाचा वर्षाव आमच्यावर असाच करत राहा.’
राकेश बापटनेही लिहिली पोस्ट
तर, राकेशनेही पोस्ट शेअर करत लिहिले की, 'मला तुमच्यासोबत शेअर करायचे आहे की, शमिता आणि मी आता एकत्र नाही. नशिबाने आम्हाला एका वेगळ्या मार्गावर आणून सोडले आहे. तुम्हा सर्वांच्या प्रेम आणि पाठिंब्याबद्दल #शारा परिवाराचे खूप खूप आभार. आम्ही वेगळे झालो आहोत, हे अशाप्रकारे जाहीर करायचे नव्हते. मात्र, माझ्या चाहत्यांना याची माहिती द्यावी, असे मला वाटले. मला माहित आहे की, या बातमीने तुमचे हृदय तुटले असे. परंतु मला आशा आहे की, आम्ही वेगळे झाल्यानंतरही तुम्ही प्रेमाचा वर्षाव करत राहाल.’
हेही वाचा :
Bigg boss 15 : कँडल लाइट डिनर आणि रोमँटिक डान्स; बिग बॉसच्या घरात शमिता-राकेशची परफेक्ट डेट नाइट
Bigg Boss 15 Final : ‘बिग बॉस 15’च्या घरात शमिता शेट्टीशी वाद, तेजस्वी प्रकाशवर भडकला राकेश बापट!